🌙 رمضان كريم 🌙
✳ الجزء 29 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
اكرام كتشوف فيها مصدومة و كيفاش كضرب في فخاضها حيدات صباطها و دخلات كتحيد نقاب كامل من عليها و جلسات بالبيجامة و شعرها طلقاتو يتنفس شي شوية تبعاتها عيشة و هي كتشوف فيها دموع كي زلقو ليها بالخلعة لي تخلعات على غفلة و نزهة عطاتها كاس ديال الماء و هما كي سولو و هي غير والو باش متخلعهمش حتى سمعو الباب تضرب فيه الساروت مدات يديها و عطات شعرها و هزات راسها كان عمها لي دخل
فؤاد:اكرام بنتي كيف بقيتي
اكرام:الحمد لله ا عمي
نزهة:مالها
فؤاد:داك السلگوط ديال واد علي تهجم على اكرام في المحال وصلاتني خبارو
عيشة:اويلي ياكما دار ليك شي حاجة
اكرام؛لا امي لا والله ما دار ليا شي حاجة
فؤاد:كون ما ولد نادية عالم الله اش دار فيها انا جالس في المحال ما عليا ما بيا حتى جا عندي واحد الواد عمي عتق راه ولد علي دخل على اكرام حتى المحال عوال على خزيت
نزهة:الله اكبااار و شنو وقع
اكرام:جا داك الولد و فكني منو
فؤاد:شنو قال ليك داك الشمكار
اكرام:قال ليا بلي كان باغي الحانوت و بغا يحيد ليا الخمار كون ما ولد خالتي نادية
عيشة(عنقاتها):الله اكبيدتي الله دازت عليك خلعة
نزهة:واييه هي كلشي
فؤاد:عندير ليك كاميرة في الحانوت و لالارم با سالا وقعات شي حاجة تكون كاينة الاحتياط
اكرام(ببتسامة):بلا ما تشطن ا عمي راه معيوليش
فؤاد:شنو لي ضمن
اكرام:الضامن هو الله ا عمي
فؤاد:و نعمة بالله
نزهة:نحط ليك تغدا
فؤاد؛لا حتى من مور العصر ان شاء الله
ناض خرج من عيشة بقات معنقاها و تبسمات: دير الخير و نساه اكبيدتي عاونتيه منين ديتي بنتو لسبيطار حطو الله في طريقك فكك من داك الشمكار
اكرام غير ساكتة و كتشوف اما عيشة جلسات و نزهة مشات حطات الغدا جلسة يتغداو بشوية عليهم و اكرام كتاكل دغمة و الخلعة مزالة لاعبة فيها
نزهة:راه خاصنا ندخلو اكرام منين جيتي ا بنتي دخلي معانا
اكرام:يكون خير ا خالتي
عيشة:نزهة شنو عدخلي
نزهة:عندير الحليب و القهوة و المسمن
عيشة:انا نصايب البغرير اكرام تخلط شي كيكة
اكرام:ان شاء الله ا مي بصحة
عيشة:مكليتيش
اكرام:غير بصحة امي بغيت غير نعس
نزهة:خليها اختي راه مزال الخلعة راكباها
تبسمات ليهم صواب و طلعات بحالها لدارهم جبدات ايزار و تجبدات فوق السداري و نعسات🌙 رمضان كريم 🌙
✳ الجزء 30 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
جالس شرف و حداه حمزة عاسين على براد اتاي و حتى القهوة بداو الناس كي جيو عندو و يدخلو ها لي كي سلم عليه ها لي كي تبسم و كاين لي غير داخل يجلس ممصوقش نهائيا
اما شرف جالسة و كي حك لحيتو عضلاتو باينة من داك التيشورت الكحل اي لابس تخنزيرتو و صمورية لحمو باين عاطيه رونق غزال تشهاي غير تشوفي فيه اما حمزة مكانش قل منو في الوسامة جيت بجوج بيهم قراو مع بعضياتهم و تخرجو مع بعضياتهم و غير كل واحد رسم طريق ديالو بوحدو و شنو هو باغي الا جينا نقولو انهم الاصدقاء المقربين
حمزة(كي شير ليه قدام وجهو):ايييه ا خويا فين غاطس
شرف(دار عندو):والو
حمزة: حتى نكون مكنعرفكش قول ليا علاش يدلني رأيك و مبغيتيش تبيع القهوة
شرف(حك شعرو):هاكداك و صافي
حمزة:حتى نتيق بيك انا شرف هذه الهضرة ضحك بيها على وحد اخر مشي انا
شرف(رشف من كاسو و تبسم):كلشي بوقتو ا صاحبي
جبد گارو من جيبو و شعلو يرد ليه المجاج خصوصا انه حاسس بيه عيتفرگع صاط الدخان و نطق:امتى ناوي نفرحو بيك
حمزة:حاط ليا شي وحدة على يديك
شرف(ضحك):لقيتها راسي انا
حمزة:هي ناوي
شرف(نطق كي ضحك):الا لقيت معامن علاش لا
حمزة:امم نسيتي لمياء بهذه الزربة
شرف(تنفس مع تنهيدة):لمياء كون كانت تفكر فينا كون راها هازة بنتها بين يديها دابا و الولد التاني كي حبو حدا رجليها
حمزة(عرفو مقصح من جهة مراتو):سمح ليا اخويا والله قول ليا مالك مع ديك السنية
شرف:عاوناتني عاونتها لا غير
حمزة:امم مزيان
بقات هضرة تديهم هضرة تجيبهم حتى وقف عليه عماد و هو محبه القرعة تحت الجاكيت: شرف ها علاش وصيتيني
شرف:ديها مشي دابا
عماد:راك مخلصة
شرف:ديها لشي واحد مشي دابا ا عماد
عماد:انت تعرف ا خااااييي
مشا و حمزة حرك راسو و وقف:قلت راك تبتي ساعة لي فيك ما ممهنيك
شرف(وقف معاه):الله يخلينا في صباغتنا
حمزة(زادو هو و ياه):طفرتيه قول الله يعفو عليك و سلام
شرف؛قول ليا دابا صافي عتبقا في مراكش
حمزة:الا كتاب
شرف:اتبرك الله على الاستاد ديالنا منين تجي عندك شمس تهلى فيها بالنقاط
حمزة(ضحك):توحشت الفنكوشة دابا نجي نشوفها كيف بقات
شرف:ايييه مرحبا بيك
حمزة(تفكر اكرام):قول ليا ا شرف شكون هذيك لي انت عاونتيها بنت من لي دارت النقاب
شرف:معرفتش ولكن على ما سمعت بنت خوه ديال فؤاد جات جديدة
حمزة (حك قرفادتو):اممم
شرف؛عينك فيها ولا
حمزة:علاش لا الا كانت معقولة و بنت الناس
شرف:اييه نمشي نخطبها ليك علاش لا
حمزة:ان شاء الله المهم نخليك
شرف:و دوز ا صاحبي متغبرش
حمزة كون هاني
هز ليه براسو فتح الباب و طلع الدار يتغدى نيت كانت الساعة 4 العشية سمع الضحك و نشاط في الصالة مدخلش ليها مشا نيشان الكوزينة هبة تبعاتو حطات ليه ياكل و رجعت عند الجيران اما هو كلا حتى شبع و و ناض غسل يديه و نزل مع الدروج يالله فتح الباب تفكر تيلي رجع طلع الطواليط يهزو من حدا لافابو و نزل بحالو
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
