🔥 اكرام توبتي 🔥 ( الدارجة المغربية ) تيما مبارك

✳ الجزء 349 ✳ ♥اكــــــــــــرام تــوبــــــــــــتي♥ 🔥 شرف اكرام

✳ الجزء 349 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

وصلو الحومة و دازو الباتيسري دخلو خداو معاهم شي حاجة حشومة يدخلو بيديهم خاويين و مشاو لعند صامد كانت ديك الساعة 9 لارب صونا حتى هبطات ايناس فتحات و هي كتضحك

ايناس:تعطلتو
اكرام:يالله وصلنا
شمس(طلعات درجة درجة مع شرف و كتضحك)
ايناس:عينيك حومر واش كنتي كتبكي
اكرام:لا لا مكاين والو ولدي دار البسالة
ايناس:لا جالس و كي فكر مدار والو كون كانت شي حاجة كون راك سمعتي شرف منوضها هو صامد عوتاني
اكرام:كيف بقيتي انت شوية
ايناس:دازت الحمد لله المهم متهرستش من يدي
اكرام:باش تعلمي تغوتي لينا انا و مينا نسيقو معاك الدار مشي تديري شرع يديك
ايناس:شحال قدكم تجيو عندي الله يهديك ا اكرام
اكرام(وصلو الباب و شافت فيها):السفلي علاش فاتحاه و الفوقي كذلك سديه حتى الا جينا نباتو عندك عاد حليه خمليه و سيقيه معندك لاااش يبقا محلول
ايناس:عندك الحق صافي دابا عنسدو زيدي دخلي

اكرام دخلات لقات رقية و يوسف و حمزة و مينا جالسين سلمات عليهم وحدة بوحدة و الرجال من  بعيد كانو حاج طبالي وحدة الرجال و وحدة العيالات سمعو صونيت نزل صامد هذه المرة فتح و سلم على محمد و عبد الجبار و سلمى من البعيد خدا بنتو هزها في يده و طلعو الفوق كانت عندو الدار كبيرة و متيسعة سلمو عليهم و جلسات سلمى حدا مها و هي هازة بنتها

رقية:و اجيني و اجيني القطيطة ديال جداتها
مينا:ا خالتي راه عندي البنت كتغير
رقية:خليها ملاهية
اكرام(خدات من الگاطو و شافت في سلمى)؛كيف غادا مع الزواج
سلمى(حشمات):مزيانة
اكرام:مهليا في الراجل ولا والو
مينا:اوا الا مكانتش مهليا خاصها العصى
اكرام:حشمي شوية
ابتسام(بنت مينا):ماما انا عطيني حواااا
اكرام(سدات ليها فمها): اويييليييي

الرجال دارو كراااااخ بالضحك منين سمعوها اش قالت شرف شاف في حمزة و غمزو: طالعة مدربة
حمزة(خنزر):ها هما عندك جوج دابا نتفرجو
شرف(هز راضية و كي ضحك):قولي حلوة ا بابا
راضية:حلوة
شرف:يرضي على مك
صامد:ابتسام اجي أجي نعطيك حلوة أجي
(خلاتهم و مشات عندو هزها و هز الحلوى):بغيتي هذه
حمزة:ارا البنت
صامد(بعدها):جلس في بلاصتك
(شاف فيها):الا بغيتيها قولي هذه لي نقول ليك دابا
ابتسام:واخا
صامد:قولي جوج حوالة ب 10 دراهم
شرف:لا ا بنتي لا حشووومة
صامد:سكت قولي ا بنتي
ابتسام(ضحكات):جوج حوانا ب 10 دراهم

ضحكو عليها حيت مزال مكتخرجش الهضرة صحيحة يوسف هز بنت ولدو و كي بوسها و هو كي ضحك

مينا:عطلعو ليا بنتي منحرفة محشوماش عليكم
شرف:طالعة لمها
مينا:بعد مني شهدي على راجلك كي جبدني
اكرام(كتعطي لراضية و شمس يفطرو): بيناتكم اختي انتوما تلاقاو اما تنفخو ليا راسي
مينا:امتبقاش فيك غير تسنا معرفتش علاش تزوجات بيك ختي لا زين لا مجي بكري
شرف:كيتك و انا المخيرة في البنات تمنى مني غير شوفة و بنات كروب وردات الملوك شاهدين على هذه الشي
اكرام(دارت عندو مخنزرة):و حتى نمشيو الدار ا سي شرف الدين
شرف:اغير كنجاولها انت الاصل
اكرام(دارت عند راضية):اش كي قول ليك باباك منين كنغوت عليكم
راضية:هديك غير حمقة متديوش عليها
اكرام(ضارت عندو):شفتي شحال كنجمع ليك
شرف:اواخا ا النمسا وااااخاااا طالعة الباك
مينا:الحاجة لي متشبه المولاها حرام
شرف:راها طالعة عندك سبحان الله غير انت بالقشرة
مينا(خنزرات فيه):أجي ا ابتسام ابنتي أجي عندي هذوك عيفسدو ليك اخلاقك
حمزة:الله عليك يا اخلاااقك
مينا:حمزززة

ضحكو عليها و جماعة ديالهم شحال حلوة منين سلاو ناضو يا لالة شمرو على يديها و دازو يجمعو الدنيا إما الرجال خرجو القهوة عند شرف و جلسو فيها كي دويو و يضحكو حتى ادن الضهر ناضو مشاو توضاو و دخلو الجامع يصليو اما العيالات تحاماو على الدار حتى طاب الغدا كل وحدة جلسات حداها ولادها و وكلاتهم مزيااااان بقاو يصورو حتى جاهم النعاس و دخلوهم البيت مجاو فين يساليو حتى لقاو الرجال رجعو و طلعو جلسو حطو يتغداو مجموعين على ضحك بدون خديعة او اي حاجة معمرة القلب و كل مشاكلهم تحلاااااات اكرام زادت تاخد لحم الرأس و هي تشم ريحة خانزة

اكرام:واش خانز هذه اللحم
عيشة:باسم الله عليك ابنتي اشمن خانز
اكرام:لا لا امي شمي
ايناس:جابو صامد من الباطوار يالله تدبح و كتقولي خانز شدي كولي

قربوه ليها و هي دفعو و ناضت الطواليط نرد و هما كي شوفو فيها مفاهمين الرجال والو هي تدوي نادية معاهم

نادية:دارها الحرامي عوتاني
شرف(شاف في مو):اربي ربي
(ناض كي دفع في صامد):حيد ا صاحبي حيد نشوف المدام علاش كتوحم
صامد(طل على ايناس):ا مشي شغلي حتى انا بغيت مراتي توحم علاش باش حسن مني هو

غير قالها حتى لخرين تبعوهم و هما كي ميقو فيهم و كي ضحكو