🔥 اكرام توبتي 🔥 ( الدارجة المغربية ) تيما مبارك

الاجزاء 103/104

✳ الجزء 103 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

طلعات البيت و جلسات فيه كترد الروح كان صهد بزاف حيدات حوايجها بقات بالبيجامة كتنفس حتى وصلها ميساج في الواتساب مشات ليه فتحاتو لقات مكتوب فيه انا شرف ردات عليه مرحبا و حطات تيلي و نفسها ممستقرش حطات يديها على قلبها لي كي ضرب

مينا(فتحات الباب و دخلات):لالة العروسة
اكرام(شاف فيها):شنو
مينا:وينو على الخوينزة حتى هي عتزوج و تولي ماما
اكرام(ضربات ليها يديها):بعدي لهيه
مينا:صافي واخا احم شنو كنتو كديرو في لوطو مقلتو والو

اكرام شافت فيها و تنهدات مبغات تقول ليها والو على الحديث لي دار بينها و بين شرف في الكلينيك حيت كتشوف هذه الشي متعلق بيهم هما بجوج فقط و منين عطاها وعد راه شهد الله سبحانه و ملائكتو لي مرافقانا فين ما مشينا هذه الشي كافي ليها في النهاية راه عتكون مراتو كاين شي حوايج خاصنا نتغاضاو عليهم و ميعرفهم حد حيت كتبقى ضمن اسرار الزوجية

هزات راسها بتبات و تبسمات:والو الحمد لله على سلامتك و صافي
مينا(تقادات حداها بالجلسة):بغيتي صرحة ا اكرام واخا معنديش معاه ولكن راجل و نص

اكرام(مشات جبدات صنديقة)؛اش عرفك
مينا:مشفتيهش لبارح شنو دار عليك في سبيطار ويلي ويلي
اكرام:استغفر الله

مينا:راه دابز مع سيكيريتي حيت قال ليه خليها تم ولا ديها عليا

(ضحكات):عرفتي شنو شد مو و عطاه بروسية و قال ليه :بطانة هي يا ولد الحرام يا

(شافت فيها):خسر الهضرة اختي معنقولش ليك لا ولكن مسح بباه الارض مزيان حتى و كون ما حمزة و مول طاكسي كون كملناها في الكوميسارية اوا هي هديك مشينا الكلينيك واخا قلت ليه نمشيو الدار و لكن مبغاش و

اكرام جلسات حداها و كتسمع ليها و لكلامها احساسها في شكل حاساه الداخل ديالها تبسمات و سرحات بعيد و الابتسامة على شفايفها منحوثة و شكون فينا لي متفتاخرش براجل لي ناوي يتزوج بيها شرف منين عطاها وعد بدلات نظرتها ليه و خلاها تشوف الجانب زوين فيه و هو جالس و هو كي دوي و حتى في المشية ديالو و كيفاش متجرأش عليها و محتارمها و شي لي دار على قبل شرفها راه متنساهش

كانت النص كتسمعو و نص لا شي لي خلاها ساهية مكايناش في هذه العالم نهائيا شي حاجة لي مخليتها بدات تفرح لهذه الزواج ولكن معرفاتش شنو هي بالضبط غمضات عينيها و حلاتهم و تنهدات كتدعي الله في خاطرها و تدعي بالهداية دورات راسها كتشوف مينا غادا خارجة تكلم و كتدوي

مينا:مزال ما ساليت انا جاية نكمل ليك

ضحكات على ختها و خرجات اما اكرام ناضت خرجات من البيت و هي هازة حويجاتها و مشات الحمام دوشات و توضات خرجات  طلقات سجادتها و صلات اوقاتها لي فاتوها و حطات قدامها القرأن كتقراه بصوت ما شاء الله و سلام✳ الجزء 104 ✳