🔥 اكرام توبتي 🔥 ( الدارجة المغربية ) تيما مبارك

الجزء 47و48

🌙 رمضان كريم  🌙

        ✳ الجزء 47 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

وصلات الحومة و مشات نيشان قاصدة دار ديال نادية دقدقات و رجعات لور كتسنى المنضر لي دار ليها شرف حسات بالحگرة منين حتاجها كي جري لعندها و هي ستقبلاتو بكل صدر رحب و منين سلا حتى كلمة شكرا مقالها و زيد عليها عطاتو نعمة الله ينوض هو و يرميها شكون يكون في ملك الله گاع

هبطات نادية بجهدها لي عندها مسكينة و مشات حلات الباب شافت اكرام و تبسمات ليها بحب و سلمات عليها

نادية:مرحبا بيك ا بنتي
اكرام:ربي خليك اخالتي
نادية:زيدي دخلي
اكرام؛كاين ولدك
نادية(ستغربات):شرف واش دار ليك شي حاجة
اكرام:غير واش كاين
نادية:اه الفوق زيدي

دخلات معاها و حطات صباطها في الباب و طلعات كان متكي و كي تفرج و كي تسنا الغدا تحطو ليه مو حتى كي شوف اكرام داخلة تقاد في الجلسة و كي شوف فيها اما اكرام مشات حطات من يديها فوق الطبلة شرف هز راسو فيها و عقد غوباشتو كثر و كثر

اكرام:سمع اولد الناس جيتي عندي و ثلتي ليا مي مكايناش في الدار و جيبي شمس من الحضانة انا خدام ستقبلتها بكل صدر رحب و جبتها شمس عزيزة عليا و بزاف .. قلتي ليا تبقا معاك قلت مشي مشكل ملاك مزالة صغيرة جيتي ديتيها حتى كلمة شكرا مسمعتهاش من عندك دوزتها مشي مشكل حيت اصلا مكعرفش الصواب من هذا زمان ولكن باش ترمي النعمة ديال سيدي ربي في البركاصة هذه لا منقبلهاش

شرف كي شوف فيها و دار يديه تحت دقنو كي سمع ليها و نادية حاطة يديها على راسها

اكرام :واش عارف حكم انك ترمي  الطعام الزائد في الزبل او لا اكيد مغديش تعرف و الا معرفتش انا نعلمك كيتحرم انك ترمي شي خاجة من الماكلة الصالح للأكل في الزبل؛ لحقاش هي نعمة من الله تعالى، وفي و انك ترميه في الزبل هي بحد داتها إساءة لهذه النعمة و مشي غير إساءة لا بل احتقار ليها وكفر بها والواجب على المسلم باش يكون شاكر لله على نعمه عطاياه أن هذا التصرف فيه إتلاف للمال، و رسول صلى لله عليه و سلم نهانا عليه بقوله: «إِنَّ اللهَ كَرِهَ لَكُمْ ثَلاثًا: قِيلَ وَقالَ، وَإضَاعَةَ المالِ، وَكَثْرَةَ السُّؤالِ»  و قال الله تعالى << وَكُلُوا وَاشْرَبُوا وَلَا تُسْرِفُوا إِنَّهُ لَا يُحِبُّ الْمُسْرِفِينَ >>(الأعراف/31)

شرف كي شوف فيها و شاف في الخبز تبسم ناض هزو و مشات الكوزينة هز طارو الزبل و رماه فيها و رجع عندها كي كتشوف فيه مصدومة

شرف:الا بقا فيك 30 درهم ديال طاكوس نعطيك فلوسو دنيا هانيا ا استادة الفقه و الاصول

خلاها كتشوف و دخل البيت سد عليه نادية جلسات الارض من هذه الولد شهمها ديال معقول اما اكرام دارت سلمات عليها و خرجات معصبة منو بزاااف🌙 رمضان كريم  🌙