✳ الجزء 157 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
مينا كانت ملاهية مع المفتش لي جا عندها هي و ايناس في العشية جبد هذه شوف هذه قلب على هذه متهناو حتى مشا بحالو من تما هاد تنفسو و رجعو كل حاجة لبلاصتها مع سمعات خبار كتفرح كانت نشيطة فوق العادة سمعات الباب كي تطرق شافت في ايناس
مينا:يكون رجع
ايناس:يمكن نسا شي حاجة
مشات حلات كتشوف في حمزة ضحكات على الودنيها:جيتي
حمزة(كي طل):مزالة معطلة
مينا(شداتو من يديه و دخلاتو):أجي دخل متبقاش في الباب مزال عنرتبو شي حاجة
حمزة(خدا كرسي و جلس عليه):ايناس لاباس بيخير كيف دوزتي النهار
ايناس:سول كيف مدوزاتوش السيدة فرحانة
مينا(ضرباتها بالوراق):بااااز
حمزة:مشي مشكل حتى انت فرحان
مينا(شافت فيه):دويتي مع مك
حمزة:لا مدويتش
مينا:علاش احمزة كان خاصك تقولها ليها
حمزة:مشي دابا حتى حتى دوز الخطبة
مينا(هزات كتافها):انت تعرف
حمزة(سمع تيلي كي صوني جبدو لقا رقية جاوب):نعام الوليدة
رقية:ولدي واش عتعطل في الرجعة
حمزة:عندي ما يدار علاش
رقية: اوا راه سعيدة دارت ليك واحد مولاتي دجاج محمر تاكل عليه صباع يديك
حمزة:بصحتكم عتعشى على برا بسلامة
كان صوت تيلي مجهد و مينا هزات عينيها فيه مخنزرة و جمعات يديها عندها: حمزززا هذه اللعب معاجبنيش كيفاش الدجاج محمر
حمزة:مينا بقا غادا و بعدو عتفرش القضية انت ديها في راسك و شنو خاصك و خرجي هذه السوق بيني و بين ديك السيدة
ايناس:عندو الحق ا مينا
مينا:دابا نشوف سالينا
حمزة(وقف):يالله نتعشاو
ايناس(خرجات عينيها):بصححح
حمزة:اه يالله
ناضو سدو البيسي و شاشة الكاميرة و خرجو مينا ركبات حداه و ايناس لور داعم ريسطو صغير طلبو طاكوس و موناضة تعشاو كي ضحكو مجموعين حتى سلاو و ناض وصلهم مع عيدخلو كي لقاو عيشة و نزهة كي تسناوهم مشاو البيت و تبعوهم✳ الجزء 158 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
بقاو جالسين شي يشوف في شي و هي تنوض ايناس تمشي البيت و خلاتهم حاسة براسها مدگدگة نيت اما مينا شافت في عيشة و هضرات
مينا:مي الا عتبقاي هكا ساكتة خليني نوض نمشي نرتاح
عيشة:جلسي في بلاصتك ندوي معاك
مينا:الله يسمعنا خير
عيشة:اليوم راجل ختك جااا و انا عارفة الخبار في راسك
مينا(كحزات حداها و حطات راسها على كتفها): الله يخليك ليا
عيشة(باست راس بنتها):اااا بنتي انا مواقفاش في وجه سعادتك راه رقية لي صعيبة و خايفة عليك
مينا(هزات راسها و جلسات مقابلة معاها): معندك مناش تخافي عليا امي انا و حمزة متفاهمين على كلشي
عيشة:جيني غير الصرحة واش كتبغيه لي متشبتة بيه حتى لهذه الدرجة
مينا هبطات راسها و عيشة خنزرات:دوي ا مينا
نزهة:دوي ا بنتي
مينا(شافت فيه):بزاف
عيشة:و هو
مينا:حتى هو
عيشة:راه كان جاي يخطب ختك
مينا:لا لا امي اكرام معندوش في البال مرة والله تيقي بيا
تنهدات و بقات تمسح على يديها و تنهد كتشوف قدامها عينيها مغرغرين دارت شافت فيها:الا جا يخطب ا مينا راك خرجتي من مسؤوليتي راك عتولي مرة الراجل عتحملي العواقب عتكوني حارة و ديال الزمان عتحملي رقية و لي عديرو ليك
(خنزرات فيها):الا قبلتي ا مينا على هذه الزواج اليوم خديتيه بزز مني مترجعيش عندي غادا غضبانة عتجلسي في دارك و تحلي امورك مع راجلك سمعتيني
نزهة:اويلي رجوع الله ا عيشة اش هذه الكلام
عيشة:خليني ندوي معاها قاصح حسن من كداب
مينا(تبسمات و حطات راسها على حجر مها و عينيها مدمعين و اول مرة تشوف عيشة بنتها كتدوي بحرقة): معنتزوجوش بزز منك امي كوني هانية قلتي ليا متزوجيش بيه معناخدوش و نصبر ناخد لي حب خاطرك امي لي حب خاطرك غير متقوليش ليا هذه الهضرة
عيشة:انا بغيت مصلاحتك مبغيت والو بغيتك تعيشي مرتاحة وسط ناس يبغيوك و يهزوك فوق رأسهم مو راه متسوى ما تصلاح
مينا(شافت فيها):من غادا الا قلت ليه نسكن بوحدي يقول ليا واخا نسكنك بوحدك ميقولش ليا لا ها انت امي
كتمسح عينيها من دموع:جلسي معاه نهار جمعة ياكي و دويو و تفاهمو الا قال ليك لا ولو على حاجة وحدة والله ما ناخدو انا خاصني غير رضاك انت امي عافاك
عيشة(تنهدات):نوضي ا بنتي تعشاي و دخلي ترتاحي نوضي
ناضت من حداها و طلعات البيت و عيشة تنهدات متقدرش تخسر ليها في نفس الوقت خايفة على بنتها و شكون فينا لي مو متخافش عليه ذه الشي لي واقع مع مينا لي طلعات البيت لي كانت فيه هي و ختها و جلسات على سرير تنهدات دارت هزات تيلي ديالها و صيفطات ميساج لحمزة لي كان حتى هو بدورو جالس في الصالة معاهم غير سمع وصلو ميساج في الواتساب دخل قراه في البلاصة كان على شكل كتابة
مينا:حمزة وقيلة ماما معتقبلش
حمزة(عقد غوباشتو و طلع بحالو تحت انصار رقية و صيفط ليها):ياك قلتي دوات مع شرف و قالت ليه واخا
مينا:اه قالتها ولكن اووف حمزة الا مرضاتش ماما على هذه الزواج
حمزة:مينا حتى انا مي معترضاش على هذه الزواج و متشبت بيك
مينا:انت مشي هو انا
حمزة:شعلي الكاميرة
مينا:مقاداش
حمزة:دوي اوديو انا نصوني عليك جاوبي
مينا:مقاداش ا حمزة والله
خمزة:واش كتبكي ياك مينا واش انت باغياني بصح
مينا:اه
حمزة:اذن عنتزوجو و في بقا يوقع يوقع مك نهار الجمعة عندوي معاها انت متبكيش
بقات هضرة تديهم هضرة تجيبهم بجوج و قدر يقنعها انه كلشي عيدوز مزيان حتى صباح الحال
أنت تقرأ
🔥 اكرام توبتي 🔥 ( الدارجة المغربية ) تيما مبارك
Aksi🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
