🔥 اكرام توبتي 🔥 ( الدارجة المغربية ) تيما مبارك

الجزء 101/102

✳ الجزء 101 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

بعد ما نزلات التحت سولات خرجات من الطبيب لقات حمزة جاي بلوطو خنزرات فيه و زادت هو نزل و شاف فيها غادا حك شعرو و غوت

حمزة:مينا
منيا(دارت عندو):اش كاين
حمزة:فين غادا
مينا؛نعطيك وقيلة رابور ديالي
حمزة:مالكي معصبة عادي سولتك
مينا:اممم

دازت و شافت في لوطو و دارت عندو:ديالكم
حمزة:كريتها لشي غراض
مينا:امم تكايس على جيب دنيا و زمان هذا
حمزة:أجي نقول ليك
مينا(كتشوفو جاي عندها):مالك
حمزة:ركبي ركبي نوصلك فين غادا
مينا:الاجونص
حمزة:زيدي نوصلك وفريق فلوس طاكسي

تنهدات و مشات ركبات نيشان طريق كاملة و هو كي عرفها براسو و هي ساكنة كتسمع ليه و العقل غايب تبسم منين وقف قدامها ستغربات منين عرف ولكن محكراتش نزلات و دخلات شافت في ايناس

مينا:سوارت سلام نوفل صافا بيخير
نوفل:الحمد لله
مينا(شدات سوارت دخلات مشات الكوفر نيشان):داك جوى ديال المانضة لي شدينا انا وياك فين كاين
ايناس:راه غير تما
مينا(جبداتو):ها هو
ايناس:اش غديري بيه
مينا:3000 درهم ليلة لي باتت فيها اكرام
ايناس:ناري و كيف بقات هي
مينا:صبحات مزيان
ايناس:انا حتى ليل عاد عنشوفها
مينا:الخدمة هي الأولى ايناس 500 درهم من بعد و نعطيها ليك صافي
ايناس:مبيناتناش

تبسمات ليها و خرجات بالفلوس مشات ركبات مع حمزة و هي كتحسبهم اما نوفل تبعها بينيه و شاف في ايناس

نوفل:مالها
ايناس:بنت عمي مرضات بالسالمة داوها لطبيب لبارح
نوفل:الله يجيب الشفاء
ايناس: امين

تبسم ليها و رجع متبع معاها اما مينا كانت وصلات الطبيب لقات عيشة واقفة مع الفرملية وقفات عليهم كيف عاصي ربي

مينا:ياك لاباس
عيشة:والو غير كتوصي على صحة ختك
مينا:جيبو الفلوس امي
عيشة:بشحال باتت
مينا(جراتها الجنب حمزة فهم راسو دخل الداخل عند صاحبو):3000 درهم ليلة
عيشة:تبارك الله راهم مرفحين على هذه الحساب
مينا:وااا مي ردي معايا عقلك انا نمشي نخلص و انت عاوني اكرام صافي
عيشة:سيري ابنتي صحة ختك هي الأولى

تبسمات ليها و نزلات التحت و عيشة ركعات عند اكرام دخلات لقات خديداتها حميمرين و كتاكل بشهية كبيرة و كتبسم غير بوحدها معارفاش انها دوات هي و شرف و عطاها الامان و راح قلبها لي كان خايف حيت منين رحتات لقاتو على برا✳ الجزء 102 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

مينا واقفة مع المحاسبة كتقلب و تعاود او والو هزات راسها في منا و هي مستغربة

محاسبة:راه مخلصة
مينا:ميمكنش يكون مخلص انا يالله سجلت الفلوس
محاسبة:الآلة راه مخلصة
مينا:فوقاش
محاسبة:لبارح في ليل
مينا: معاياش

كان خارج و اكرام شادة فيها مها و حمزة صابقهم يالله وصلو و هما يشوفوها واقفة مشا عندها شرف سمعها

شرف:انت لبارح خلصت يالله
مينا:معامن تشاورتي
شرف(بانفعال):سمعي راك بديتي تطلعي ليا فوق راسي متشوفينيش من لبارح ساكت ليك تقولي هذا راه مقادش عليا
مينا:اوا حربش قرب تشوف
اكرام:مينااااا زيدي اختي الله يعطيك الستر مقادة على صداع
مينا:ختي راه خلص
اكرام:من بعد ا ختي من بعد

شافت في شرف و زادت هو مشا تبعهم حل ليه حمزة الباب و طلعو ب 3 و شرف طلع القدام دار شاف في اكرام

شرف:مرتاحة
اكرام(هزات براسها بزاف عليها هذه الاهتمام كلو):اه
شرف(دار قدامو):مزيان
حمزة:باسم الله
شرف:فوقاش خديتي هذه الحديدة
حمزة(كي شوف في مينا):غير صباح دوزت لاجونص
شرف:عنوض نجري على بيرمي ديالي نرجعو
حمزة:خير ما عديرو والله
شرف:واحد الرقية كيف بقات
حمزة:حاجبة على دريا ممخلياهاش تخرج
مينا:واخا تسد عليها بسناسل لا ااااااااا اكراااااام مالكي

اكرام :سكتي شوية
مينا:ها هي ساكتة
شرف(كي شوف في طريق و يحك شفايفو): لالة عيشة غادا الجمعة أن شاء الله عنكونو عندكم الا كان خاصني عبار اكرام على الخاتم باش ناخدو ليها
عيشة:واخا اولدي
شرف:غادا نتفاهمو على كلشي
عيشة:مرحبا بيك
شرف:الله يجيبنا في صواب

سكتو مني وصلو الحومة لقاو نزهة عند الباب نزلو العيالات و بقا شرف جالس القدام و حمزة حتى هو نزل دار عندها و شاف فيها

شرف(مد ليها تيلي):بغيت نمرة تيلي ديالك
اكرام:واخا
شرف(رجعات ليه تيلي و تبسم منين دخل سجل نمرة بزوجتي):عنصيفك ليك و كتبي ليا لي خاصك الخطبة غادا باش نتقدى
اكرام؛واخا

شرف(دار عندها):بالنسبة هذه الشي لي وقع دوينا و سدينا لموضوع منبغيهش يتعاود صافي
اكرام:واخا
شرف(تبسم):هزي عويناتك فيا

اكرام(زيرات على يديها و هزات راسها فيه لقاتو كي تبسم ليها في وجها)
شرف:مزالة خايفة
اكرام:لا
شرف:معندك مناش تخافي زواجي بيك بالمعروف ابنت الناس كوني مرتاحة من هذه الناحية
اكرام:ان شاء الله
شرف:يالله نزلي ختك عتاكلني بعينيها
اكرام:مينا ضريفة والله خاي غير تعرف عليها
شرف:مقلت والو غير فمها مبري منها

تبسمات من تحت نقابها و نزلت من لوطو و حتى هو دخلوها الداخل و خرجات عيشة عند شرف شافت فيه

عيشة:لهلا يخطيك اولدي
شرف:واجب ديالي ابتدأ من اليوم محسوبة مراتي
عيشة:الله يبعد عليكم ولاد الحرام

تبسم ليها و دار دخل الدار اما حمزة كان طار الدارهم مشا بحالو