🔥 اكرام توبتي 🔥 ( الدارجة المغربية ) تيما مبارك

الاجزاء 203 و204

✳ الجزء 203 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جالسين كي فطرو و باين على حمزة فرحان بالخطوبة ديالو مرة مرة كي دور يشوف الخاتم لي فيديه و يتبسم اما رقية كتشوف فيه و تخنزر معاجبها حال على هذه الخطوبة لي دار ليها و كيفاش خلا المجمع كلشي كي مدح فيه هذه الشي مبانش في رقية انها فرحانة غير مكانت كتفقص و تغدد و كتسنى غير مينا تجي عندها الدار و تخرج عليها بالمعقول حالفة حتى دوز عليها الحر لي مداز على حتى واحد

يوسف:امالكي ا رقية عاگداهم
رقية:انا لي نعگدهم غير البگرة راكم شارينها ليهم بدقة و تفليقة
يوسف:يا هد المرة ولدك فرحان عتنكديها عليه بغا يكبر بيها
رقية:يكبر بيها
(شافت فيه):كون دا الهمة و شان و بنت الدار لكبيرة
حمزة(شاف فيها):بانو ليك هما جيعانين
رقية:سير طل على ختها حتى دهب كيف الناس مدايراه في يديها غير تسنا اولدي نهار لي دخل هذه الدار تبقا تنتف منك و تعيط لمها و ختها و داك سكايري ديال راجلها

يوسف(عرف الا تعصب عتبر هي):هذه الشي مباينش عليهم الدار الكبيرة ديالهم هما لي مرضاوش يحطو يديهم على الكاملة حتى كلاو الناس
رقية:ميتين غير بالجوع
حمزة:دابا ا مي اش خاصك
رقية:خاصني انت تفيق و تعيق
حمزة:الكاسيطة ديال كل مرة طلعات ليا في راسي واش مكتبان ليك غير مينا
رقية:بغيتك تفيق هذيك متصلتحش ليك اولدي سمع كلام مك تربح
حمزة(ساس يديه و شاف فيها):مينا انا و ياها كنا سالينا بمسبتك انت و ختك انا لي مشيت طلبت و رغبت بي البنت لي باغي نكمل معاها حياتي
رقية:لا لا لا لا ا ولدي ساحرين ليك مفيهاش الشك
حمزة:ستغفري مولاك امييي الله يعاون
رقية:هاااه نوض فين ما ندوي معاك نوض و هرب
حمزة:الا بقيت معاك عتسطيني

خرج من تما و هو كي حك راسو عندو حصة مع 9 الدراري خاصو يوصل في الوقت ركب في لوطو و صيفط اوديو لمينا و حط تيلي حداه و كمل طريقو المدراسة

اما رقية كانت مفقوصة لواحد الدرجة مكتصورش و  هي مراضياش بهذه الزواج معارفاش ان رسول صلى الله عليه وسلم و ص و قال ما على المتحابين الا الزواج لهذه الدرجة بعض النساء لي متسليطات كي كونو ناسيين الدين اشنو كي قول و كلام الله و رسول الانانية لي ركبات في الانسان حلاتو ما يفكر ولا يخمم ولا يقول ها اشنو عيوقع ليا الا خالفت شرع الله

هنا كنرجعو كلام شرف نهار لي قال لحمزة ان مك استغلالية و المجهدة و خاصو وحدة تكون مجهدة كون تزوج حمزة باكرام او سعيدة راه تديهم حتى البحر و تردهم عطشانين عكس مينا بنت ديال الزمان و حتى واحد ما يحگرها دقتها  تردها و تخلي فيك علامة لي تفكرها حياتك كاملة و حتى رقية معمرها نسات ليها الاهانة لي دارت ليها منين مشات طلبات العشاء من عند مالين العرس او نسات ليها طلب السماحة من اكرام قدام لي سوى و لي مايسوى و معمرها نسات ولا عتنسى ليها الطبيب لي صيفطاتو ليها

غضبها نساها ا مينا وحدة مساهلاش واخا هذه الشي كامل لي دارت الا انها باقا مبغات توب و باقا باغيا مينا تجي عندها و تحكها هنا نقدرو نقولو عيوقع العكس✳ الجزء 204 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند اكرام كانت كتفطر مع شرف اما نادية صبحات ناعسة و هبة مشات الخدمة صباح بكري واخا صهرات شرف كي فطر و يفكر العيد الكبير جاي و الماكينة مخصرة اكيد معيهزش من المليون لي شاط ليهم خاصو يديزو على الفلوس لي مخبي على قبل عائلتو اما اكرام كتاكل و مرة مرة كتشوفو مكاينش هنا كي فكر

اكرام:فطر ا شرف مولاها ربي
شرف(خرجات ليه تبسيمة من شفايفو و هز راسو فيها كيفاش دارت عرفات انه مهموم): ونعمة بالله
اكرام:عتشري الماكينة اليوم ياك
شرف:عنمشي نشوفها و ناخدها القهوة دابا بقات واقفة من الخدمة
اكرام(تنهدات):خاصك وحدة تكون مزيانة
شرف: ضروري ما تكون مزيانة باش تشد ليا الخدمة
اكرام:لي كانت عندك شحال دوزات ليك
شرف:7 سنين
اكرام:تبارك الله راها خدمات ليك
شرف:اه
اكرام:نقدر نفتيش عليك واحد راي الا بغيتي زعمة انا مكندخلش ليك في خدمتك
شرف(نفض يديه و شاف فيها):شنو دخلي شريكة
اكرام(خدودها توردو منين غمزها):لا لا مشي هذه الشي المهم الا كانت 7 سنين الماكينة كدير 3 المليون الا ضربنا 7 في 12 الشهر كتعطينا 84 نقسموها على 30 الف درهم  كتعيطنا 358 درهم في العام هذه 358 درهم كل عام تحط الا طول الله العمر من لهنا ل 7 سنين تكون عندك 3 المليون ديالك ديال الماكينة عتهزها و نشوفو من هنا وهنا و تشري وحدة جديدة كانت لي عندك مزيانة تبارك الله غير خودها عاون بيها مكانتش وقفات كيف هادي صافي حيدها و حط الجديدة في بلاصتها باش متبقاش تالفة بيك الدنيا بحال هكذا

شرف طلع حاجب و هبط حاجب عجباتو بتفكيرها و كل ما زادت كل ما كتكبر في عينيه مثال المرأة الناضجة المرأة المناضلة في دارها تساند و تعيط راجلها الحلول مشي لي نسمع الماكنة تخسرات تقول ليه عوم بحرك واخا ضرها بكلامو و جرحها و غوت عليها الا أنها صابرة عليها بكل حب هز ليها يديها و باسها و هز راسو فيها ببتسامة حيت كانت كتشوف فيه بصدمة

شرف:كنفكري ليا بزاف لهلا يخطيك عليا ا عمارة داري
اكرام:شنو دابا واش عديرها
شرف:عندك الحق بزاف ا اكرام قسمي هذه 358 درهم على 12 الشهر شحال عتجيك

دار يجبد التيلي و هي تنطق:30 درهم في الشهر
شرف(دار عندها و تبسم نسا راه جالس مع كونطابل):اذن 30 درهم في لشهر نحطها
اكرام:طاحت و صبنتها درهم في النهار رميها في الصنديقة ديال الحديد
شرف(ضحك):حتى هذا نضر كتعرفي تسيري
اكرام:دبلومي ا شرف ضروري اودييي زهر لي عنديش
شرف(باس راسها):لهلا يخطيك عليا و خلاص انا عنمشي
اكرام:الله يعاونك و يوقف معاك

تبسم ليها و خرج مشا هي مشات جمعات الدنيا و نصبات الغدا و عجنات الخبز وصلات 1 كانت نادية يالله فاقت كيف قالت اكرام منين جاو نعسات حتى 9 و ناضت لي بغا يرتاح حتى ليل و ينعس و يشد راحتو ميضيعش النهار عليه ربما عندو فيها ما يتقضى