🔥 اكرام توبتي 🔥 ( الدارجة المغربية ) تيما مبارك

الاجزاء 217 218

✳ الجزء 217 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جاية هازة في يديها طبسيل ديال اللحم مشوي قطبان حطاتهم و الابتسامة ممفارقاش وجها رجعات جابت اتاي غير شافت شمس غادا تمد يديها غوتات عليها هي تخنزر و رجعات كتشوف في اكرام جامعة تخنزيرتها اكرام حتى هي دارت يديها على جنبها مخنزرة في شمس

اكرام:عيدير ليك ديدي
شمس(هزات صبعها كتخاصم عليها):دي دي دي دي
اكرام:لا انت لي عيدير ليك ديدي
شمس:نأء تييي دي دي دي دي
اكرام:انا خايفة عليك
شمس(جمعات فمها): ناااااح
اكرام:نتخاصمو دابا كتغوتي على ماماك ياك
شمس(طلقات غوباشتها و مشات عندها تعنقها):ماما انااا
اكرام(شافت دميعاتها مسحاتهم ليها):لحبيبة دمامها
(هزاتها):متبكيش عافا بنتي و حبيبة ديالي توقع ليك شي حاجة انا شنو ندير اااه صافي متبكيش ا ماما متبكيش

شمس طالقة حلوقها و دافنة وجها في عنقها هذه المشهد خرج معاه شرف و تبسم ليها بحب و قرب عندها شدها من عندها و هي حالفة ما تطلق من اكرام

شرف:مالها
اكرام:قربات لقطبان و خفتها تعمي عينيها ولا توقع ليها شي حاجة خنزرت و قلت ليها تحيد حتى هي خنزرات قالت ليك و كتخاصم عليا
شرف:باك الباسلة
اكرام:و صافي متبكيش ها انا عنبكي معاك
شمس(كتمسح دميعاتها):حححممم
شرف(هزها):أجي ا بابا نعطيك هذه الباسلة معتبغيش تعطيك بعدو ليا من بنتي تهز لي بغات

مشا جلس دورات راسها كتشوف نادية و هبة طالعين حتى هما بالشوى ديالهم حركات راسها بلا محليا اكرام دير لي عجبها في حوليهم و واخا كي ياكلو مجموعين بقاو كي ياكلو و يمدو لشمس حتى كي صول لشرف ميساج هز تيلي كي لقاه من عند معاد غير قرى اش فيه وجهو تخطف منو اللون و ديك الضحكة لي كانت على وجهو رجعات ليه بتخنزيرة زير على يديه و نفسو ولا ممنتاضمش ناض من فوق الطبلة و هو مخنزر مفهومو والو خرج

نادية:اربي سلامة
اكرام:مالو
نادية:نوضي ا بنتي تبعي راجلك شوفي مالو
اكرام:واخا ا خالتي

ناضت جمعات الوقفة و نزلات عندو التحت لقاتو جالس و كي كمي يبرد على راسو غير حس بيها هز راسو عينيه حومر

شرف:طلعي
اكرام؛كيفاش بغيتيني نطلع و انت في ساعتك تبدل حالك ا شرف
شرف(مزير مقادرش يدوي):اناااا بيخير ا اكرام حالي مزيان رجعي طلعي
اكرام:ولكن
شرف(غوت عليها):طلعييييي

قفزها من بلاصتها حنات راسها و طلعات بحالها و دمعة حابسة ليها عند باب عينيها مشات جلسات واخا سولوها قالت ليهم بغا يكمي و سلام اما شرف خرج من الدار و زدحو وصلات حتى العندهم و افكار ولاو يجيوه ياربي السلامة كأنه رجع لحالو كيف شحال هذه مجرد ما علموه ا البزناز رجع من السفر راه هنا تزاد عليها كلشي

اما اكرام الماكلة مبغاتش الدوز ليها حتى معدتها تقلبات و ناضت غير كترد لي في مصارنها كاملين و المرار قاتلها حتى كتقول صافي الموت هذه نادية وهبة تبعوها خايفين عليها

هبة(نغزاتها):مي
نادية:مالك
هبة:تكون حاملة
نادية:باش عرفتي
هبة:راه باينة الدوخة و التقية راه شهران و نص ديال الزواج
نادية:حاسبة ليهم ولكن عندك الحق تقدر تكون حاملة
هبة(بحمس):ياااربي

نادية صغرات عينيها و رجعات كدق على اكرام حتى خرجات و مشات تجلس تشد راحتها لكن غلباتها رجليها و طاحت على طولتها✳ الجزء 218 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

غادي فين ما داتو رجليه عيمشي معمرو ينسى و معمرو يقدر ينسى نهائيا اش كان واقع من مور ضهرو مشا الجردة و جلس فيها و حط يديه على راسو كي حاول يرمي دوك الافكار لي ستوطنو راسو عاماين و هو يقلب عليه عماين هو خالف حتى يرزيه في روحو معمرو دوز ليه طريفة لمياء كانت روحو لي باقة مستوطنة على عقلو عند بالو هكدا عيقدر ياخد لا حقها معمرو ينسا نهار لي جات قالت ليه عتمشي الخليج باش تخدم في الميناج معمرو ينسى نهار لي قالت ليه عناسس حياتي و نصيفط ليك نجيبك عندي نعيشو بجوج ياما غوت عليها و وصلو حتى الفراق ولكن بمكالمة منها هي و هي في المطار كتبكي خلاه ينسا گاع الخلافات لي كانو بيناتهم و مشا عندها كي جري

هو كي فكر و طرف اخر جالس على حافة الناموسية و كتغزز سنانها و خايفة من لي جاي في طريق مفطناتش ان البزناز راه ممعاهش اللعب و في بلاد كيف بلادنا مع القانون كي يج بصفك راه عياخد حقك

هي سباب هي لي عمران ليها راسها هي لي قالت ليها سيري تخدمي و جابت ليها المرأة حتى الدار ستغلات فرصة ان البزناز مكاينش في الحبس و دارت ما بغات

نرجعو شوية لور ب 3 سنين هذه كانت لبنى جالسة هي و لمياء و سميرة مع المرأة الدهوبات معمرة يديها و صاك اخر موديل كطلع في لمياء و هما مدورينها بيناتهم هذه المرة كانو يعيطو ليها لالة بامو

بامو:اوا ا بنتي لمياء اش گلتي
لمياء (مهبطة راسها كتفكر غير في شرف): لا ا خالتي بامو منقدرش نمشي
سميرة:علاش بسلامة
لمياء:مرات با شرف منقدرش نخليه هو خدام واخا طالب معاشو ولكن كي حتارمني و كي بغيني
سميرو(مخنزرة):سمعي ا لمياء في هذه الوقت خاصك غير تجمعي ريالات تحت منك
لمياء:عارفة و قادرة نديرهم في بلادي و حدى شرف

لبنى(معجبها حال):سمعني مزيان ا لمياء شرف راه عندو الماستر في الهندسة الميكانيكية مقارنة انت لي معندك حتى شهادة غادا ولا بعدو منين يخدم في شي شركة يحساب ليك عتبقاي تباني ليه انت مكتشوفيهش كيفاش كي خسر فلوس صحيحة على ختو باش تقرى فكري بهذه العقل على الاقل سيري و بني حياتك و رجعي ديك الساعة ديري دارك و حتى واحد ما يقدر يتحاسب معاك و شرف الا كان يبغيك عيفكر لمصلاحتك

بامو؛ايه ا بنتي شحال من وحدة مشات التمى و خدمات و جات برزمة الفلوس تما راه الفلوس كتلقايها غير طايحة راه الخليج هذاك غير في عاماين تجمعي شي 50 ولا 60 مليون و دخلي بحالك ديري دويرة راسك و طونوبيل و كملي قرايتك و خلي ولد المرة يقلب عليك
سميرة:بصح ولد***

هكا كي دويو و لمياء كتفكر في لي جاي و تبسم كلاو ليها دماغها مسكينة و حلات عينيها خلاها توافق انها تمشي و شرف تدوي معاه و الا كان بصح كتهمو مصلاحتها راه يخليها