✳ الجزء 219 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
خرجات من الدار و هي مقررة كتجمع الوراق و فين ما تدوي مع شرف حتى كتقرب تقولها ليه و و كتسكت حتى تحدد نهار لي عتمشي فيه و فعلا قرب داك النهار و مشات العنود القهوة خرج عندها و هو مبتاسم جرها الدريبة و عنقها كيبغج فيها كيف بغا حتى بعدات مخنزرة كتقاد في شعرها
لمياء:و شرف حشومة الا الا شافونا الناس
شرف:راه عتكوني مراتي الهبيلة صافي دويت مع الوليدة و قررت نجي نخطبك
لمياء(تبدل فيها اللون):كيفاش
شرف؛كيف سمعتي امالك مفرحاناش
لمياء:شرف
شرف:نعام ا حبيبة ديالي شنو
لمياء:انا عنسافر
شرف:فوقاش
لمياء:غادا في صباح
شرف(خنزر):علاش مقلتيهاش ليا عتمشي عند خالك لعروبية
لمياء:لا
شرف:و فين
لمياء:عنسافر الخليج نخدم تما
شرف:مفهمتش كيفاش خليج و ن*** واش باغيا تجهلي طسيلتي
لمياء:انا عنشرح ليك
شرف(تعصب بقا كي غوت):اش عتشرحي ليا اااه انك انت خدامة كتجمعي الوراق و مبيدقتني و مخلياني ندوي مع الوليدة باش نجيبك لداري عروسة في الاخير تقولي ليا عنسافر دوييي
لمياء:دوي غير بشوية ا شرف بلا شوهة
شرف:الشوهة هي لي دايرة انت و كتقلبي عليها
هو كي غوت و هي كتدور راسها في الدرب لي غادي و الجاي كي شوف فيهم و هي تهز راسها:قررت ا شرف عنمشي مبني مستقبالي و عنرجع. و لا ها انت عنصايب ليك الوراق و تجي عندي
شرف عياكل جنابو بالفقصة على كلامها ضرب يديه مع الحيط و بقا غادي جاي قالت ليك تصايب ليه الوراق زوينة هذه رجع شاف فيها مخنزر و دوى
شرف:سمعي ا بنت الناس مشيت معاك بنيتي و بغيتك لحلال من اللخر عتزوجي ليا و نعيشو هنيين مشيتي لداك الخليج ما انت كتعرفيني ما انا كنعرفك
لمياء:واش داوي من نيتك ا شرف
شرف:اخر كلام عندي ا لمياء
زاد بحالو و هي شدانو:شرف
شرف(نتر يديه):بعدي مني
زاد خلفة مع الطريق و خلاها واقفة ولكن موقفاتش هنا لا بالعكس لغدليه ساق الخبار بلي مشات مشات و مشافتش من موراها و قرر يكمل حياتو بلا بيها
رجع الارض الواقع على صوت تيلي كي صوني جبدو من جيبو لقا هبة خنزر و جاوب:اش بغيتي
هبة:شرف عتق ا خويا اكرام مبغاتش تنوض الله يعطيك الستر أجي ندويها الطبيب ولا نعيط لومبيلونص
شرف(غوت):واش باقا كتشاوري عيطي ليهم انا جاي
تنفض من بلاصتو و مشا كي جري الدار فتح الباب و طلع في الدروج حتى لقاها مجبدة في الارض مشا تحنا عندها و حط يديه عليها كي حاول يفيقها و والو هز راسو
شرف:اش وقع ليها
نادية:كيف خرجتي هي ناضت ترد و تعاود شي ربع ساعة و هي في الطواليط و منين خرجات خرجات دايخة و طاحت
هبة:وقيلة حاملة
شرف(هز راسو بصدمة):كيفاش واش بصح
نادية:هذه غير كتدوي ا ولدي ما باين عليها حالة حمل ياااربي تلطف ياربي
سمعو انبيلونص وصلات نزلات هبة تفتح و شرف دخل جاب نيقابها غطا ليها وجها طلعو هبطوها و الجيران كلشي خرج طل و خصوصا عائلتها غير شافوها هي لي خارجة خرجات عيشة و مينا بلا عقل مفاهمين حتى زفتة✳ الجزء 220 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
واقفين على برا كي تسناو و اكرام الداخل مع الطبيبة و شرف غير غادي جاي معاهم و كي علموه بأي حاجة واقعة بحكم انه هو راجلها و ولي امرها باقيين من تحليل تحاليل و من راديو الراديو و هو معارف مالها لي قالوه كي ديرو غير يعرف اكرام اش عندها
اما عيشة جالسة تبكي و ترد على قلبها من جهة بنتها لي معرفو والو و نادية كتقول ليهم انها كانت بيخير حتى ناضت ترد و سخفات رجع عندهم شرف و عينيه حومر واخا سولوه ولكن والو مقال ليهم والو من غير معارفش
بقا جالس معاهم تقريبا ساعة اخرى عاد جات عندهم الطبيبة شافت في شرف و قالت ليه يتبعها مشاو المكتب ديالها دخلو و هو جلس كي شوف فيها متفائل تقول ليه مراتك بيخير
طبيبة:اممم معرفتش شنو نقول ليك صرحة
شرف:واش عندها شي حاجة
طبيبة:مراتك مريضة
شرف(كي شوف فيها مفاهم والو):كيفاش مريضة و هي كانت معايا صحة سلام
طبيبة:مراتك عندها مرض التهاب في المرارة و هذه الداء كي كون يا اما وراثي او كتصاب بيه مرأة الحامل
شرف:معمرها قالت ليا شي واحد من عائلتها مريض بالمرارة
طبيبة:هذه المرض ا سي شرف هو معدي يقدر تكون تعادات خصوصا ان المناعة ديالها ضعيفة و حتى ان هذه المرض كي جي فجائي يعني على غفلة بصحوب بالام في البطن و الدوخة و حتى انها كترد
شرف:بصح على غفلة جاها هذه الشي
طبيبة:مرضها مزال جديد و الحمد لله لي فطنا بيه
شرف:واش كاين علاج
طبيبة:علاج اه و شوية قاصي عيكون
شرف:كيفاش
طبيبة:خاصها تقيل صايمة لمدة شهرين و تشرب غير سوائل منين تفطر اي حاجة تقيلة تبعد عليها و عتبع حمية غذائية و تاكل اي حاجة صحية و زيد عليها انها عنكتب ليها مضاضات تشربهم باش يقلص ليها شوية من الحريق لي عيجيها
شرف:عتشافا
طبيبة(تنهدات):صرحة المدام ديالك عيخصها عملية و هذه العملية مكلفة شي شوية
شرف:شحال
طبيبة:6 المليون
شرف:مشي مشكل معيوقع ليها والو ياك
طبيبة:الاعمار بيدي الله
شرف(حط يديه على وجهو و هو تالفة بيه الدنيا):واخا فوقاش تقدر تخرج
طبيبة:غير نعلمها
هز براسو و خرج من عندها و هو مصدوم من كلام الطبيبة وقف و مقال ليهم والو حدو قال ليهم مزيانة غير دوخة عادية حتى يقولها لاكرام و يشوف واش تعلم العائلة خصوصا ان شرف مباغيش يشوف نضرة شفقة عليها في عينيهم جرا عليهم يمشيو حيت عيبقا معاها دخل فعلا لقاها فايقة دورات راسها شافت فيه
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
