🔥 اكرام توبتي 🔥 ( الدارجة المغربية ) تيما مبارك

الجزء 11 و 12

🌙 رمضان كريم  🌙

        ✳ الجزء 11 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جالسة في شرجم كطل و تشوف الغادي و لي جاي ايناس و اكرام جالسين حداها في البيت كي دويو و يتحتو حتى خرجات عينيها مينا

مينا:ناري على بوووكوووووص شكون هذاك ا ايناس
ايناس (ناضت عندها تشوف):اااه هذاك شرف ولد خالتي نادية
مينا:اجي تشوفي ا ختي نوضي
اكرام:الله يهديك راه بشار بحالنا بحالو دوزي تجلسي
مينا:و بااااز

ضحكات و جلسات:قولي ليا مزوج
ايناس:هذه عاماين باش ماتت مراتو و خلات ليه بنية ولكن مسكين بكثرة ما كيبغيها مصبرش على فراقها ولا يشرب و يسكر
اكرام:مرضاش بقضاء الله ولا شنو
ايناس:البنات في الحومة كلشي كان مزعوط فيه هو او واحد صاحبو استاد مشا أكادير اوا ختك منهم
مينا:يستاهل تزعطو فيه
ايناس:مو ولات معدبة معاه ها انتوما في ليل مع الفجر توليو تسمعو صوتو جاي سكران و يغوت واااا حلووووو لييييي ينعل و يفصل و يخيط بتخسار الهضرة
اكرام:استغفر الله
ايناس:ايييه اختي المهم ما علينا منين عرفتي عتستقرو هنا واش صافي عتاخدي المحل لي فراس الحومة
اكرام:وقيلة اه الا شفت الموقع ديالو مزوين
ايناس:شنو عتبيعي فيه من غير العبايات
اكرام:الصبابط و كساوي الحجبات
مينا:5 سنين ديال القراية فوق الباك مشات خلى
اكرام:لقيت الخدمة و تشرطت عليها ياك شركة لي مشيت ندفع ليها كي قول ليك حيدي الخمار راه عتخلعي موضفين ديالنا
ايناس:عندك الحق
اكرام:حنا عندنا الخدمة في هذه بلاد السعيدة طالعة على المضاهر و صافي
ايناس:مزيانة ديري مشروع راسك
مينة:أجي بعدة ا ايناس غادا ان شاء الله عنمشي ندور و نقلب على agence propre يا وفاكاش ولا كاشبليس نحلها خاصني غير المحال
ايناس:حلو قريب بابا عندو محل في المدينة گاع عنمشيو نشوفوه هو الاول عاد نشوفو للجونصات هنا في مراكش
مينا: ان شاء الله

بقات هضرة تديهم و تيجبهم و شحال متخصايش بهذه الجماعة عيطو ليهم يتعشاو كلاو لي قسم الله و بقاو سهرانين حتى ل 3 الصباح ضحك ديالهم كي تسمع لفين و فين الا اكرام ضحك بالعبار يالله كل واحد تخشا في بلاصتو باش ينعس ولكن شكون خلاك ولد نادية جاي راس الدرب و كي غني ليك مزك غير مع راسو

شرف (في راس الدرب):هوااااااا لي بغااااا الفراااااق هوووووو لي سسممممح فياااااااا ماااااااات و مقااااالهااااا لياااااا حااااااالف حتى نباااااااالييييي بيييييه وااااااامييييييي فتحييييييي لياااااا مييييييييي و تااااااتووووووومااااااا نوووووضووووو فتحووووووو

نادية ناعسة سمعات صداع ناضت طاجة هي و هبة قلبهم كي تقطع حارو مع هذه الولد نزلو كي جريو اما في دار نزهة كان فؤاد ناض مسكين و كي حرك راسو بلا حولة ناض لبس صندالتو و خرج الزنقة كي شوف فيه مشا شدو و هو شرف معرگها شراب و قال ليك كي دق على مو تفتح ليه

فؤاد:الله اولدي واش معديرش عقلك
شرف(سكراااان كي دوي كيف السكايرية): عمي خليني مختارمك هذاك الشغل شغليي و اصلا انا حر في راسي

شاف فؤاد الباب تحل دخلو الداخل و حطوه في الصالة و نادية دايرة يديها على راسها

فؤاد:الله يرد بيك اوليد الله يرد بيك
نادية:الله يكتر خيرك اسي فؤاد
فؤاد:تصبحي على خير الالة ندية

مشا دخل و شاف فيهم كي طلو:سيرو تنعسو و دعيو معاه بالهداية سيري
اكرام:ادم بالله دخل زيد زيد دغيا تصبح على خير ا عمي
فؤاد:تلقاي الخير ا بنتي

دخلات البيت عند ختها و سدات الباب مشات جلسات شافت في الساعة كان الفجر قرب يأدن خرجات توضأت و رجعات البلاصتها هزات القران و تدعي مع ام شرف يهدي ليها الله ولدها لطريق المستقيم🌙 رمضان كريم  🌙

        ✳ الجزء 12 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

صباح الصباح

الدار صبحات كلها خامرة ناضت نزهة و مشات عند ايناس فيقاتها بالسيف عليها ناضت كتهرنن حيت منعسو حتى 4 الصباح دخلاتها الكوزينة

نزهة:افيقي معايا ا هيا وينا
ايناس:ها انا امي اش بيتي
نزهة:عتمشي الحانوت و تجيب الحليب و الفرماج و دوزي معاك الباتيسري جيبي معاك كرواصة و الباگيط يالله سربي
ايناس:واخا ا مي

عطاتها الفلوس و خرجات اما نزهة رجعات تل الفطور عيشة سمعات تقرقيب ناضت كدور وجها كي بانو ليها بناتها ناعسين ناضت تحرك فيهم برجليها

عيشة:انوضو اهيا
مينا:واخا امي
عيشة:مينا نوضي ااا مينا
مينا: امممم
عيشة:اويلي على اممم تي نوضي
مينا:واخا امي غير شوية غير شوية
عيشة:اكرام نوضي
اكرام:نعام
عيشة:وا توما نوضو اييييه يا لي عتقضيو شغلكم الصباح بكري
اكرام:علاش شحال في الساعة
عيشة:12 نوضو

اكرام مشي من العاكزين جمعات الموضة و ناضت دخلات الطواليط اما مينا بقات معاها عيشة بالصباط لا هي لا ادم حتى ناضو خرجو يتسناو اكرام تخرج هزات مينا راسها كنلقا 9 خنزرات

مينا:محشوماش عليك ا مي تقولي لينا 12  و هي 9
عيشة:يالله تنوضي متجي فين فين تقضي شغلك حتى تكون 12 لحگات
اكرام(خرجات كتشهد و شافت في مينا):و انت مزالة كتيقي في مي
عيشة(ضحكات):الله يمسخكم ادم نوض أجي تسخر ليا
اكرام؛غير خليه هذاك عينيه رايبين بالنعاس انا نمشي اش خاصك
عيشة:أجي ا بنتي

دخلات معاها البيت و جبدات البزطام و شافت فيها:سيري خرجي الا لقيتي شي مول السفنج ولا شي حاجة جيبيه ولا شي مول باتيسري هنا و دوزي الحانوت جيبي معاك الفطور المهم راك عارفة
اكرام:خلي فلوسك عندك امي انا نجيب
عيشة:الله يرضي عليك ابنتي

تبسمات و لبسات خيمارها و خرجات بالحس بقات كدور في الحومة كلشي فائق يقضي شغلو مشات امول الحانوت خدات من عندو الحليب و القهوة نسكافي و خدات الكاشير و الفرماج وبقات كدور في الحومة حتى طاحت على الباتيسري دخلات ليه و شافت ايناس كتسنا نوبتها

اكرام:ايناس
ايناس(دارت):صباح الخير اش خرجك دابا
اكرام:غير شي سخرة و صافي
ايناس:صافي ناخدوها و نمشيو نعستي مزيان
اكرام:منين عيجيني النعاس صداع ا صحبتي واش ديما كي جي سكران بحال هكذا الحومة
ايناس (هزات راسها و تخلعات):صافي ها نوبتي جات

حركات راسها بلا حوالة و تسناتها