🔥 اكرام توبتي 🔥 ( الدارجة المغربية ) تيما مبارك

الاجزاء 92 و 93

🌙 رمضان كريم  🌙

        ✳ الجزء 92 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

مكدبوش منين قالو الحضاية راه عطاهم الله هذا مكان في حي الملاح كامل تبرگيگ هما ماليه خرجات مينا و عيشة و ايناس نزهة كي شوفو فيها ضحكات ليهم و الفقصة شاداها و بغات تصلح ما بقا

مينا:مرحباااااا مرحباااا زارتنا البركة
رقية(لاخر محاولة):سمعي ا بنتي انا غلطت و شيطان ولد الحرام دارها ليا خليني ندخل ندوي مع ختك و نخرج و مريضنا مع عندو باش

مينا(رفعات صوتها شي شوية):النهار خرجتي على ختي هضرة مكايناش مالك ما قلتي الشيطان
عيشة:لفعة هذه لفعة
مينا:نية ختي غلباتك و برجليك برجليك حتى لهنا طلبي السماحة
سلمى:عيطي ليها و خلينا نمشيو بحالنا

مينا(دوات بدلع):ختي عيانة شوية ما شكينا عليك غير بشوية عليها تنزل درجة درجة حتى توصل غير الموت لي كتجي في خطرة

رقية(عتاكل جنابها)

بقاو كي تسناو و في دار شرف لي كان جالس يلعب مع بنتو و هي كضرب ليه في يديه و ضحك سمعو صداع في الحومة ناضت هبة طل و رجعاات عندهم كتجري

هبة:نوضي نوضي مينا عتجفف برقية الارض
شرف(ضحك):عطاني ربي لوسة لفعة
نادية(ضحكات):هي لي تليق ليك

تبعاتها و خرجو كتلقا رقية وقفة و مينا جالسة  في العتبة تسناو حتى نزلات اكرام بشوية عليها و دوخة شاداها خرجات عندها و رقية خنزرات فيها كتشوفها لابسة النقاب كتغوت عليها غير الغراب

رقية:على سلامة لالة العروس
مينا:جمعي فمك و عرفي اش كتخرجي على فمك
رقية:صافي غير سكتينا حيت نطلب منك السماحة
مينا:علاياش
رقية:عبد القادر كدب عليا ولد الحرام و مع انا فيا كثرة الهضرة دويت مع حليمة البرگاگة ولكن مكنتش عارفة بحالي بحال الجيران

اكرام (كتشوف فيها حتى كملات):شكون خرج عليا الهضرة و شكون لا مكهمنيش انا عارفة راسي و اشنو كنسوى و لي خرجها راه مدواش غير على شرفي انما شرف مي و ختي و باااا الله يرحمو و بوليه يرحمتي الله معارفش ان الصمطة كدور و البزيم كي قصح نخاف عليك و على بنتك دوقو من لي دقتو ا رقية و تندمي ديك الساعة سيري ستغفري مولاك و توبي ليه ربما يسمح ليك اما انا على شرفي لي زطمو عليه الناس ما سامحة ليك لا دنيا لا أخيرة

قالت كلمتها و دخلات كاين لي شمت فيها و كاين لي بقات فيه على شوهة لي دارت ليها ولكن كي بقى شرفها و شرف باها هذا تفكيرها كثر دخلات و طلعات الفوق يالله تخطي كتجي مردوخة في الارض و تسمعات حتى العندهم هما لي سدو الباب و دخلو بحالهم مخلينها بوحدها طلعو كي تجاراو عندها🌙 رمضان كريم  🌙

        ✳ الجزء 93 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

شمتة خايبة و شحال شمتات رقية في اكرام و شرفها لي وسخاتو عارفة الحق كاين ولكن معمية عليه في هذه اللحظة لي هضرات فيها اكرام عاما خاف فعلا خااافت

اكرام مأداتها بوالوا كون ادات مينا نقولو واخا ولكن هذه شنو دارت من غير ولدها لي لصق فيها و بغاها يتزوج بيها زواج مشي حرام و مشي عيب و هو بغا يدخل من الباب فقط لانها شافها عارفة بينها و بين الله

لكن منين جينا نشوفو كنلقاو انها غالطة و بزاف رجعات بحالها لا كلمة لا جوج و كلام اكرام كي تعاود ليها في ودنها منين قالت ليها الصمطة كدور مكدباتش عليها

حمزة دخل الداخل و شاف مو غير ساكتة و سلمى كتشوف فيها مفاهمة والو :ياك لاباس
سلمى:منين دوات مع اكرام و هي ساكتة

حمزة:مي مالك
رقية:خليني عليك الله يرضي عليك
حمزة:ميبقاش فيك الحال انت درتي لي عليك
رقية:صافي ا حمزة صافي

ناضت دخلت البيتها و سدات عليها بقات غادا جاية و الخوف سيطر عليها بجوج كلمات منها خافت العدالة الالاهية تحقق و تصدق خارجة في بنتها و الفضيحة ما يبغيها حد الا مسامحاتش ليها اكرام راه معندها فين تنعس قلبها كي ضرب و يعاود بالخوف

اما على برا بقات جالس كي شوف في ختو و يشوف في باه لي غير ساكت و كي تفرج

حمزة:مي بيها شي حاجة
يوسف:اااا غير خليها دابا توگد و تخرج بشي تنوعيرة عوتاني
حمزة:لا لا ابا مي منين جات و هي مبدلة
سلمى(جلسات)

حمزة:كاينة شي حاجة ا سلمى
سلمى؛والله ما كاين ا خويا طلبات السماحة و جينا
حمزة:مشي من عوايدها

دورو راسهم منين تفتح الباب و خرجات عند سلمى نيشان خدات ليها تيلي و خلاتهم كي شوفو دخلات الواتساب تقلب و الأبيل و حطاتو في صدرها و شافت فيها

رقية:سمعيني انت الباب الزنقة منبغيكش تعتبيه نهار نجي القراية عنخرج معاك و نجي معاك حتى نهار لي تزوجي سمعتي

سلمى:وا ماما مالي اش درت انا عوتاني
رقية:تگلي سمعي الهضرة و متعانديش و الا شفتك خاااارجة

(مشات قرصاتها حتى غوتات):والله حتى نقرس والديك كيييييف هوكا سمعتيني ا زرمومية ياك

سلمى:واااباااااباااا
يوسف:بيناتكم منين تافقتو كنت معاكم

حمزة حرك راسو و ناض طلع السطح يطل منو و جبد تيلي كي شوف للتصاور