✳ الجزء 350 و الاخير ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
نازل من الفوق و هو كي حك نيفو و عينيه حومر باين يالله فايق من النعاس مخسر سيفتو غير بوحدها حتى حاجة معاجباه دري في 17 العام من عمرو شعرو هابط على عينيه و جسمو باين خدم عليه حيت منين هو صغير و هو كي لعب في الكراطي الرياضة لي كتعجبو و متحكم فيها دخل الصالة مع باه الباه و ولا كي تريني بيه نقدرو نقولو بنات الحومة كلها مزعوطين فيه و هو هاز خنافرو ما هو ولد شرف لي رباه مزيان قلب بعينيه مبان ليه غير خوه الصغير كي لعب في التيلي مشا نتفو ليه و هز راسو مخنزر
رضى:نادر حيد داك تيلي من يديك
نادر:و رضىىى ا صاااحبييي حشومة عليك خسرتي المانش
رضى:فطر باش نوصلك في طريقي
دور راسو كي شوف ختو الكبيرة جاية و جايبة في يديها طرح المسمن و الابتسامة منورة وجها
شمس:صباااح الخير ا مولاي السلطان هاد فقتي دابا
رضى(مشا جلس):فين راضية
شمس:التحت مع الميمة طلعها تفطر و ماما في الكوزينة
رضى(رفع صوتو):وااا الوليد عنمشي القهوة هذه الصباح و ندوز المطعم عاد نمشي المدراسة
خرج من الحمام كي نشف شعرو هز راسو فيه:تسنى نمشيو بجوج فطر بعدة
(شاف في شمس و رتب على ضهرها):گلسي تفطري باش توصلي معاك خوتك المدرسة
شمس:واخا ا بابا نلبس غير عبايتي
هز براسو و دخل لبس عليه اما شمس دخلات البيت لبسات عليها عبايتها و خرجات جلسات نيت كانو تجمعو فوق الطبلة حتى جات اكرام بكيكة في يديها
اكرام؛هاك ا نادر هذه كيكة ديرها في المحافظة اولدي و ديها معاك لمياء في طريقك
نادر:واخا
شرف(شد ليه ودنو):نسمعك دابزتي معاها منتفاهكش انا و ياك سمعتيني
نادر:اي اي اي واخا ا بابا
شمس:يالله انا ساليت نوضو راضية يااالله
نادر:واخا
ناض خرج و شرف دار عند رضى كي فطر و هو يتبسم رتب ليه على ضهرو؛الخدمة مشي هي كلشي اولدي ها شمس قرات و تخرجات استادة التربية اسلامية واخا بالتعاقد اهم حاجة هي انها بالوضيفة ديالها حتى انت بغيتك تقرى و توصل
رضى:حتى انت قريتي و الوليدة قرات اشنو ستافدتو اللهم الصنعة في اليد
شرف(تنهد):رضى الصنعة الا غناة تستر و الا مسترات وقيلة تزيد في العمر و الصنعة بلا قراية اشنو عتستافد منها اولدي اللهم قاري و خدام ولا و جاهل و خدام راهم ولاد الحرام يضحكو عليك في اقل حاجة و يشمتوك
رضى:واخا عناخد الباك و نشوف شنو ندير
شرف:الله يرضي عليك متخسرش مستقبالك
رضى(باس ليه يهديه):واخا الوليد
هز راسو في اكرام لي كتفطر و تدوي مع نايدة ممسوقاش و هو ينطق:فقيهتي كيف راكي ياكما تكرفص عليك الواليد
شرف(خنزر):اواااا بعد ليا من مراتي
اكرام(ضحكات):وجهك مقصدر اولدي طالع لباك
رضى(ضحك):انا مشيت نسبقك انت مزال معطل
نادية:أجي ديني معاك عند هبة في طريقك
رضى:يالله الميمة زيدي
نوضها خرجات و هما كي شوفو فيهم اكرام حطات يديها على قلبها كي ضرب و هي كتشوف كبدتها كبرو دارت عند شرف
اكرام:المال و البنون زينة الحياة و ربي عطاني وليدات ماشاء الله عليهم
شرف(باس يديها):بصبرك معايا ا عمارة داري عطيتيني واحد الحياة لي مكنتش نحلم نعيشها لقيت فيك كلشي لقيت فيك مرة ديال الزمان لي وقفات مع راجلها و بنتها لي سانداتهم و خرجاتهم من العيشة لي كان عايش
اكرام:ربي لي حطني في طريقك باش تفتحات ليك باب التوبة
شرف:نقدر نقول ان الله كرمني بيك انت اكرام توبتي ا عمارة داري
(باس راسها و هو شاد يديها مزير عليها و عاود نطق): اكــــــــــــرام تــوبــــــــــــتي
💖الـــنـــــــهــــــــايــــــــة💖
مسخيتش بيكم ولكن لكل بداية نهاية و هذه مشي نهاية عند ابطالنا حيت حياتهم هاشوها بالحلوة و المرة ديالها
خليتكم على خير ابنياتي بسلامة عليكم
انتهت يوم 7/7/2022
أنت تقرأ
🔥 اكرام توبتي 🔥 ( الدارجة المغربية ) تيما مبارك
Боевик🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
