🔥 اكرام توبتي 🔥 ( الدارجة المغربية ) تيما مبارك

الجزء 45و46

🌙 رمضان كريم  🌙

        ✳ الجزء 45 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

شرف دارها في لمو و نفخ حيدها و صبر العون كي شوف في الآلة و هو يتبسم
هز راسو فيه و سلم عليه و مشا شرف حك يديه مع بعضياتهم و تبسم بخبث

منين جات عندو سميرة و غوتات عليه على قبل البنت و نوضات معاه غوتة باش تديها عرفها عتضربو بالمخزن و ضروري ما تحرك داكشي علاش منين جاتو الدعوة الدار مشا ليها كان مدناوي يخلي عشتها ولكن الصف جا من جيهتو و تلاقا مع العرج و حرشوه عليه حتى نوضها معاه و تضرب في الطبيب خطط يغرق ليها الشقف و عارف انه الا تشدات معتقدرش تدي ليه البنت تحت اي ضرف كان و بخوص شراف ف 40 يوم كي نتاهي تأتير ديالو من على الجسم ديالو و هذه شهرين كانت كافياه باش الدم ديالو يصفى منها

جلس و خدا ليه القهوى كي رشف منها و جبد گلرو يكميه و دابا عيدوز السميرة و يشوفها في الحبيبس و يتفاوض معاها من ناحية لي هو كي شوفها مزيانة

بقا عاصر على ديك القهوة حتى جا عندو منعم وقف ليه عند راسو

منعم: خويا شرف
شرف(هز راسو):شنو
منعم:لاعبة الكورة
شرف:شكون
منعم:المغرب و مصرى
شرف:عيجيو الناس لهنا
منعم:اه
شرف:رد البال معاهم و خصوصا صحاب المشاكل انا ندي بنتي الدار و شي جوج سوايع و نجي لهنا
منعم؛هي الأولى ا خويا

هز براسو شرب من القهوة و حطها ناض مشا كي حك نيفو بيديه وصل الحانوت ديال اكرام وقف برا و غوت اما الداخل كانت اكرام شادة شمس و كتخفضها القرأن و هي بصوت ديالها يالله كي خرج و الهضرة معندهاش مقادة غير سمعات صوت باها نزلات من عند اكرام و خارجة عندو كتضحك

شرف:شموسة بابا
شمس:بابا
شرف(تحنا هزها):الغزالة ديال بابا لباس عليك
شمس(هزات براسها)
شرف:لعبتي مع خالتو اكرام
شمس(هزات براسها)
اكرام(خرجات ليها مخفظتها و الماكلة ديالها): هذه ماكلة ديال شمس

شرف(كي شوف فيها)

اكرام:راها تغدات مزيان و شاط عليها هذا هاكي ا حبيبة
شمس(خداتها من عندها و باستها)
شرف:يالله ا بابا

زاد بيها بدون ما يقول ليها شكرا اكرام بقات كتشوف فيه و خنزرات جات تدخل و هي دور راسها صغرات عينيها منين شافتو خدا من عندها داكشي لي بقا على شمس و رماه في البركاصة و كمل الطريق و هو ممصوقش نهائيا  معجبهاش الحال من المنضر لي دار جمعات راسها و مشات البركاصة هزاتها و رجعات الحانوت تجمع باش تمشي بحالها🌙 رمضان كريم  🌙

        ✳ الجزء 46 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

حطات يديها على فمها من زلت اللسان لي وبقات ليها بدون ما تقصد اما نوفل بقا كي ضحك رجع ضهرو على الكرسي و كي شوف فيها كيفاش كتدوي معاه باش تعتق الموقف

ايناس:سمح ليا ا نوفل والله ما قصدت غير قلت زعمة نعتق الموقف فقط والله سمح ليا
نوفل:عادي عادي مديريش في بالك

تبسمات ليه و هي تشوف فيه

ايناس:وا اصلا هذه الشي لي كاين انتوما دايرين كيف لي كي سوقو لديور

نوفل:في هذه الشي ا ايناس كاينة واحد الحاجة اسمها زوق تبيع خاصك تكون عندك حلاوة اللسان باش المشروع ديالك يزيد القدام
ايناس:انا حرشةكيف عبد القادر

نوفل(حرك راسو بلا):مشي هذه الشي لي قصدت خاصك تعرفي كيفاش تعاملي مع الكليان و كيفاش تكوني وقت الصح و كيفاش الوقت المرح غير دابا قلتي ليا ديرت كيف لي كيبيعو الشيتة السنان ب 20 درهم و هي في الاصل 5 الدراهم ادن باع ليك 3 البرودويات بلاش و انت في الاصل شريتيهم ب 5 دراهم الوحدة و هذه هي الخدمة

ايناس:كتجي في الضعيف
نوفل:مشي الضعيف هو لي جا العندك ا ايناس هو لي قال ليك خلصي ليا فتحي ليا صيفطي ليا مشي حنا
ايناس:اه صافي
نوفل:كنتمنى تكوني فهمتي
ايناس:فهمت والله حتى فهمت
نوفل:مزال مع الخدمة عتفهمي حوايج اخرين

تبسمات و هو يصوني تيلي يدال نوفل تبسم و جاوب ديك الساعة:وي حبيبي

ايناس(خرجات عينيها بصدمة واش هذا داوي من نيتو)

نوفل:اوا صافي انا نخلط عليك لتما بسلامة

قطعات معاه و شاف فيها:المهم ا ايناس تقدري تمشي دابا حتى لغدا و نكملو صافي

ايناس(فين هي السيدة مصدومة من كلمة حبيبة)
نوفل:ايناس
ايناس(شافت فيه):اممم
نوفل:تقدري تمشي
ايناس(هزات صاكها و وقفات):واخا بسلامة

تبسمات ليه و خرجات من تما مصدومة شدات طاكسي و كتدوي غير مع راسها حتى مول الطاكسي ضحك

***:الله يعفو
ايناس(خنزرات):بنت ليك كنضرب شقوفة
***:لا غير كتدوي مع راسك
ايناس:و ديها في سوگان ديالك و قيلني عليك
***:ها هو

دورات راسها مخنزرة حتى وصلات لاجونص شدات سوارت من عند مينا و دخلات جلسات في الكرسي و جمعات عندها يديها

مينا:امالكي
ايناس:الكراش
مينا(ضحكات):مالو
ايناس؛طايح مع شي وحدة
مينا: عادي راه ولد
ايناس(جمعات عنها شفايفها):تكون زوينة عليا
مينا:توء انت غزالة و فنا
ايناس:و علاش مدايهاش فيا
مينا:حيت عور
ايناس:اممم طنزي عليا
مينا(ضحكاتها):المهم ساليت يالله نمشيو الدار
ايناس(شافت الساعة كانت 8 العشية)؛عنمشيو العرس
مينا: ناااري مقادااااش
ايناس:عادت غير الحد زيدي و سكتي

طفاو البيسي و خرجو سدو المحل و زادو كي دويو و يتناكرو على نوفل حتى شدو طاكسي و وصلو الحومة طلعو الدار لقاو نزهة و عيشة حاطين ليهم قفاطنهم و اكرام جالسة مخنزرة