🔥 اكرام توبتي 🔥 ( الدارجة المغربية ) تيما مبارك

الاجزاء 273 274 275

✳ الجزء 273 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

وقف عندهم و شاف في مينا هز ليها براسو و حمزة راسو عيطربخ مزال الداخل و مخرجوهش نهائيا دازت مدة حتى خرج عندهم الطبيب و شاف فيهم و قال ليهم بلي جاتو أزمة قلبية و كان عيمشي فيها لولا لطف الله دخلوه العناية المركزة و عيخليوه فيها يوماين عاد يقدر يخرج و خاصو يبعد على اي حاجة تعصبو خلاهم و مشا

جلس حمزة على الكرسي عاد رجعات فيه الروح اما رقية كانت عتسطا كون وقعات ليه شي حاجة لا هي لا الكبيرة عالم الله بنتها و حالتها دابا جات تنوض و هو يهز راسو حمزة و خنزر

حمزة:لاين ا مي
رقية:بنتي ا حمزة بنتي راها ختك
حمزة:معندي خواتات
فؤاد:اولدي اتسهدى بالله واش هذه الهضرة لي كتقول
حمزة:قلت لي عندي
فؤاد:اش عتكون دارت هذه البنت گاع اااه كاملين كنغلطو
شرف(شاف في حمزة مبدل الموضوع):المهم انا عنمشي ا صاحبي الا حتاجيتي شي حاجة قولها ليا صافي
حمزة:دي مينا معاكم و الميمة متخليوهمش هنا
مينا:بغيت نبقا معاك
حمزة(خنزر):واحلة في روحك ا مينا سيري ديها ا صاحبي

هز ليه براسو و نوض حتى عيشة مشات من تما دازو عند اكرام دخلات مينا و عيشة وهي تخرج عينيها بالصدمة بحال الا ضربتيها بطرشة ما دوات ولا تكلمات قالت لايناس تبقا معاها حتى العشية و تخرجها تجيبها عندهم الدار نيت لايمشي يدير فيها حمزة شي موصيبة ولكن كان حمزة من موراها مخلاهمش يديوها مدخلوش و خرجو بحالهم سد الباب مشا عندها حط يديه على راسو و هزو فيه

حمزة:شكون باه
سلمى(كتبكي):خويا
حمزة:متقوليش ليا خويااا حيت كون كنت خووووك تراعيييي ليه و تراعيييي لباااااك لي مليوح في سبيطاااار
سلمى:ضحك علياااا والله حتى ضحك عليا انا انا**
حمزة(قاطعها):متعاوديش ليا قصة حياتك شكوووون هووو هذه ولد ق** شكووون
سلمى:ولد سوسي
حمزة:الكبير ولا الصغير
سلمى: الكبير

ناض جمع الوقفة و خرج من تما و هو حاير معارف فين يرد الرأس رجع عند باه و جلس تما كي تسنا مو حداه كتدعي غلط واحد قادر يشتت عائلة كاملة سلمى كانت تشوف خوها تابع مينا و باغيها لزواج تاقت في البراني انه كيف خوها و حتى هو ناويها الزواج و خصوصا خوها كان شاد في مينا شدة العمى معارفاش ان مرات خوها كانت عازة راسها معمرو حتى قرب خوك ا بنت الناس هو ولد الجيران ولا واحد مكتعرفيهش متعة ساعة ها هي رجعات عليك بشتات عائلتك خسرتي مك باك خوك قرايتك مستقبالك حلم و عيتحط في يديك دري لي المجتمع معيرحمكش عليه نهائيا

راجعو قراراتنا و حياتنا قبل ما نخطيو هذه الخطوة الكبيرة علينا✳ الجزء 274 ✳

   ♥اكــــــــــــرام تــوبــــــــــــتي♥