🔥 اكرام توبتي 🔥 ( الدارجة المغربية ) تيما مبارك

الاجزاء 139 140

✳ الجزء 139 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

بقات عيشة كتنهج و كتشوف في مينا شيباتها و مينا مخبعة من مور نزهة لي محامية عليها و غالباها الضحكة جلسات عيشة و شافت فيها

عيشة:امي قلبي عتسكتوه ليا بلا وقت أجي جلسي ندوي معاك
مينا:و حطي ديك الصندالة من يديك
عيشة:دوزي غير دوزي سخفتيني

مينا(مشات جلسات و شافت فيها):هانا
عيشة:عمرك خرجتي انت و ياه
مينا:مرة وحدة كليت معاه الطنجية و تفاهمنا صافي و الهضرة غير في تيلي معمري فت الحدود معاه والله
عيشة:مينا واش كنبغيه
مينا:حيت قبلت عليه راه كنبغيه
عيشة:ااااش
مينا(تبسمات):كي عجبني عندو كاريزمة لي كنقلب عليها
عيشة:مقابلاش بيه معنديش بنات لزواج
نزهة:الولد باين باغيها
عيشة:لا لا لا ا نزهة مو مو خارجة طريق الله ما تعرف لا الله لا والو معمري نسا نهار لي جات تعزل و تخير يحسابها جالسة عند الخضار
مينا:زعمة انا ساهلة ليها والله حتى نتوبها
عيشة:انا لي عنوض نتوبك
اكرام:مي يهديك الله متوقفيش في وجه سعادتها
عيشة:انت دخلي سوق راسك تزوجتي كحزي لهيه
اكرام:و انا اش قلت
مينا:ها انت مي راه حمزة والله حتى يدخل ليك الخاطر ولد الناس و ضريف واش انا عنقبل عليه كون ملقيتش فيه داكشي لي باغيا ااه غير فكري و مو معندها منين دوز ليا والله

جالسة حداها كتشوف فيها بنص عين و هي محملاش هذه الشي لي واقع مينا شدات ليها في ولد رقية و عارفة بنتها ما تمشي حتى تاخدو معتقدش عليها

عيشة:ابنتي المشكل مشي في حمزة الله يعمرها سلعة المشكل في مو
مينا:قادة بيها
عيشة:مينا الله يرضي عليك انا ما بغيت نتناسب مع ديك الجاهلة شفتي داك النهار كيفاش جات تعزل بيناتكم
مينا:انت عارفني كيف دايرة نتوبها

اكرام(هازة في يديها شمس و تشوف فيها): حمزة مفيه ما يتعاب و شرف براسو قالها ليا امي خليها
عيشة:تافقتو
اكرام:هي عارفة مصلاحتها

عيشة:معرفاش حر الزواج و العدوزة معرفاااااش هااا نزهة تعاود ليكم اش داز عليناااا انا و ياها مبقاااااتش في انا نتوبها راه ولدها هداك الا سخطات عليه معمرو يربح و ختك عتعاااني معاها

مينا(ضربات يديها مع بعضاتهم):دابا غير قولي ليا اش دار ليك حمزة لي مباغياش يكون راجل بنتك

عيشة(عصباتها بالمعقول شيرات عليها بصندالة):و الله يحرق جد بوه و بوه دبوه الكلب ديري لي عجبك عطيني غير التساع

غفلاتها جاتها الرأس قصحاتها سكتو كاملات و كي فكرو لهذه الحريرة و هي تشوف فيهم اكرام

اكرام:مممم مي
عيشة(هزات راسها):مالك انت تاني
اكرم(دخلات شمس مع مينا و بقات واقفة في باب البيت ديالهم):صدقة
عيشة:مزال عليها الحال
اكرام:تافقت انا و شرف قبيلة ياكي و غادا عتكون صدقة و نمشي لدار راجلي بزز عليا معندي ما ندير

سدات الباب بالساروت و عيشة مشات تخبط و تجدب عليهم بجوجات و هوما كي ضحكو و نزهة كتضحك المهم رونوها مسكينة عيخرجو ليها العقل بجوج وحدة بغات تزوج و شدات ليها في ولد الرقية و التانية صدقة غادا اش جا معرض ليها النسا و تقول ليهم غادا اجيو و طلبة و الزيد و زيد✳ الجزء 140 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

تيلي اكرام كي صوني هزاتو عيشة كتشوف زوجي خنزرات و هي تجاوب مغددة باغيا غير فيمن تبرد غدايدها

شرف:اكرام كيف بقيتي
عيشة:هذه مهااا
شرف:الله خالتي لباس عليك

عيشة(تفركعات عليه):قول ليا ياولد نادية انت لي باغي صدقة غادا بسلامة معامن تشاورتي اااه معارف انه خاصنا نوجدو معارف معندناش خاصنا نجمعو ما عرف مها مفلعصة خوها في سبيطار اااه نهار الاول منين ضربتي عليها الصداق دي عليا هذه مراتك من الدار متخليهاش عندي هنا

اكرام(كتندب الداخل و مينا (تسمع)

شرف(حك شعرو):خالتي بغيت مراتي فيها شي حاجة
عيشة:مرتك كون ديتيها من هذا شحال متخليهاش عندي هنا مطلعة ليا الفقصة لي خلاتو ختها تكمل عليا هي

مينا(حلات الباب):اري نبرد ليك غدايدك فيه
عيشة(هزات الشارج و شيرات عليها بيه حتى تسمعات عند شرف):انا جاية الوالدين مكم بجوج يا مسخات غير تسناو
شرف(عقد غوباشتو ):مراتي مشي مسخة
عيشة:مسسسسسخخخة سمعتيني مسسخة انا مها و كنقول ليك مسخة
شرف:دابا اش حب الخاطر
عيشة:غادا أجي دي عليا هذه مراتك من لهنا
مينا(غوتات):وااا شراااف عتضربناا
شرف(تنهد كي حك شعرو):اي اي اي اي تكايصي ا خالتي الله يعطيك الستر راه بنتك روحها عند نيفها
عيشة:مشغلكش في بنتي غادا أجي ديها عليا
شرف:دوزيها ليا

مشات دقدق و كتدوي:حلي اديك المفلعصة حلي
اكرام:لااااا
عيشة:حلي ياااا المسخوطة راه راجلك بغا يدوي معاك
اكرام:عضربيني
عيشة:يااا عتحلي ولا عندخل الوالديك
اكرام:حطي التيلي و سيري لهيه انا نحل و نهزو

عيشة عتنتف راسها حطاتو و مشات تلبس جلابتها اما اكرام حلات الباب بشوية كطل كيف راس المشوط ملقاتهاش هزات تيلي و دخلات سدات الباب و نطقات

اكرام:سلام عليكم