🔥 اكرام توبتي 🔥 ( الدارجة المغربية ) تيما مبارك

الاجزاء 169 170

✳ الجزء 169 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في بيت عند مينا كانت اكرام جالسة و شمس ناعسة حداها اما مينا كانت غادة جاية في البيت و كتشوف في الشرجم حتى سمعاتهم جاو و دخلو اكران كدوز على شمس و تنش عليها عرقات بزاف

مينا:جاو جاو
اكرام:انا نزل التحت شوية و نطلع
مينا:أجي واش انت مخاصمة مع شرف
اكرام:لا
مينا:باين من عينيك حتى انه باقي ما جا نادية و هبة هنا و هو والو
اكرام:الغائب حجتو معاه ا مينا نخليك

هزات كسوتها من التحت و خرجات وصلات العندهم و دخلات سلمات عليهم و الكبيرة باست ليها راسها و جلسات حدا نزهة لي همسات ليها

نزهة:فين راجلك
اكرام:شوية و يجي
نزهة:صوني عليه يجي حشومة اليوم خطبة خت مراتو هو لي خاص يكون حدا فؤاد
اكرام:واخا انا جاية

ناضت خرجات من البيت و مشات السطوان و صونات عليه شوية و سمعات الباب كي دق مشات فتحات لقاتو هو دخل كان لابس قميجة بيضة و سروال توب في الاسود و مقاد شعرو اما ريحتو عاطية و الا قربتي منو تشمي ريحة الكارو

شرف:تعطلت
اكرام:مكانش يحساب ليا مكانت عائلتي رخيصة حتى لهذه الدرجة عندك
شرف(هز يديه حتى رجعات بلور):عنضرب ديلمك على هذه الكلام
اكرام(هزات عويناتها فيه كانو عاطيين العين بالكحل ولو انه ممعيقش):شنو تفسيرك انك جاي معطلة

شرف سلباتو بعويناتها بقا غير كي شوف هز ليها نقابها عرى على وجها و بقا حاضي غير تقاسيم وجها لي اصلا حميمرين من عند الله

شرف(حاصرها مع الحيط و حط يديه على خدها):كاين واحد الحاجة اسمها الغائب حجتو معاه
اكرام:واخا يكون شنو ما كان كتبقا خطوبة خت مراتك واخا معندي مكانة عندك
شرف(شد دقنها زاد طلعها عندو ببتسامة): شكون قالها ليك امم الا عاد جيت يا لالة هذه الشي بسبابك
اكرام:كيفاش مالي أنا
شرف(عض شفايفو):قلتي مالك هممم

دور راسو ينزل لشفايفها و هو يسمع مو كتدوي بالحس:اوييييليييي شرف ا شكدير

اكرام(دفعاتو عليها ):دخل مفضوح و فاضحني معاك 
نادية:زيد دخل
شرف:غير سيري انا جاي

مشات الكوزينة و دار عند اكرام كي حك جبهتو مخنزر :عيونك
اكرام:مالهم
شرف:ديري ليهم شي حل الله يرحم باك
اكرام:كيفاش مفهمتش
شرف:منين نعمي شي  زاا. مل عينيه في زنقة عتفهمي ديك الساعة

قاد وقفتو و كان غادي دار عندها شدها من دقنها ما تفاك حتى خدا لي بغا و دخل عندهم ببتسامة و جلس حدا فؤاد مرة مرة يدور يشوف في اكرام لي فعلا كانت كتبان ليه كيف ياقوتة وسط منهم بلباسها المحتشم بقاو كي دويو و يعاودو حتى زادت الكبيرة كتدوي مع فؤاد على مينا و بلي طالبين يديها غوتو ليها نزلات عندهم و هي حشمانة و جلسات سولوها و لكن خلات القرار لعيشة لي وافقات بعد ما طمنها حمزة بلي عيكون ليها سند و بلي معمرو ييجرحها هذه الشي لي خلاها توافق في عز كلامهم سمعو الخبيط في الباب ناض فؤاد و شرف خرجو كي جريو✳ الجزء 170 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرجات من الكوزينة كان كلشي واجد و مقاد بقات غادا جاية عليهم و سعيدة نزلات عندهم لابسة قفطانها مقادة معدلة و شافت فيهم

سعيدة:مزال ما جاو
رقية:اااح الناس عندهم العدوزات مسكدين انا عندي شيطان الله يحضر السلامة
ضاوية:صوني ليه يجي ا رقية
رقية:راهم طافيين تيليفونات
ضاوية:الا عندك نمرة ديال هذه حليمة صوني ليها
رقية:معنديش ا ضاوية
سعيدة(عينيها دمعو):10دابا و مزال ما جاو
رقية(عنقاتها):متبكيش ا بنتي والله على ما خرجتها منهم

في عز كلامهم كان تيلي رقية كي صوني كانو صحاب الحسنات وصلوها ليها سخونة خلاوها غير كتشوف كانت جيران نيت صوناو ليها حيت ملقاوهاش معاهم حتى سمعو زغاريد في الدار عاد تاكدو انه جاي يخطب مينا نيت مشي معروضين عاودو ليها بحجة مباغينش يخليوها في دار غفلون اما هما الغيرة و الشمتة عتقتلهم من ناحية بنات عيشة خداو سياد الرجال كيف سماوهم خلاوها غير مصدومة و مفقوصة قطعات و مشات لبسات جلابتها و خرجات من الدار غادة عوالة على خزيت تبعوها ضاوية و سعيدة مفاهمين والو

وصلات الدار و دقدقات بالجهد حتى خرج عندها فؤاد و شرف شافو فيها و غوتات:فين هيييييي ديك عيشة فييييين
عيشة(شافت في مينا و خنزرات):هااا حنا بدينا
مينا:عنخرج ليها
عيشة:باقي عندك الوجه گلسي الارض

جلسوها لا توقع ليها شي حاجة اما حمزة شد مو هو و يوسف و جروها لوطو ركبوها

حمزة:شنو كديري
يوسف:واش هبلتي
رقية:الهبال هو لي دايرو انت و ولدك اااه منااافقييييين و انا كنقول مالهم حاطين الراس على الراس ولكن والله ما تبقا فيهم ليلة نشوه مها تريكة الناقصة
حمزة:مييي عتجلسي في بلاصتك و معتديري والو سمعتي عتدخلي معايا كيف الناس و طلبي سماحة من الفوق

رقية:ياااااك انت جاي تخطب و مخلي ديك البنت المسكينة

حمزة(ضرب في لوطو و غوت على حر جهدو): شاورتيني ااااه سولتيييينييييي لقتي ليااااا ا حمزة واش قابل كلشي كديريه من تحت راسك و معمرك سولتيني انااا اشنو باغيييي كنسكت و نحني الراس مي عارفة مصلاحتي ولكن الا هذه مي الاااااا هذه عندي البنت لي باغي قلبي عنتزوج البنت لي كتبغيني و تحدات عائلتها على قبلي عندي البنت لي نهار خطبتها و هي هازة حمل الدنيا و الدين ان عائلتها رافضيني

رقية:رافضينك حيت معند مكككك نفس
حمزة:قولي لي بغيتي دابا و لكن اقسم بالدي بعثة محمد ا رقية الا خرجتي دابا و غوتي او درتي شي حاجة لي مهياش ديك الدار عنخويها و نسااااا بلي عندي مييييي سمعتي

حمزة هذه المرة قصح مع مو الهضرة مهامو لا ضاوية لا سعيدة لي عينيها تنفخو و هي كتشوف السيد لي بزو عليها تاخدو خلاها نهار الخطبة و جاي خطب وحدة أخرى نزلو ب3 من لوطو و مشات و هي صمت مصدومة من كلام ولدها عطاها جوج طروش وحدة تشوهات مع ختها و التانية ولدها ناوي ينكرها هزات عينيها في عيشة و ببتسامة مزيفة و هي مناوياش دوز هذه الشي على خير سكتات

رقية:سمحي ليا و الله يكمل كلشي مبارك و مسعود
يوسف:سمح لينا ا سي فؤاد
فؤاد(كان عارف هذه الشي عيوقع شاف في شرف لي تبسم):دوزو دخلو تعشاو مرحبا بيكم

دخلو و كلشي كي شوف في سعيدة كيفاش البلان دابا عتصدق شاهدة على خطوبتو من وحدة اخرى