✳ الجزء 177 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
الفجر قال الله اكبار ناضت حلات عينيها و دورات راسها ملقاتوش حداها كان الفجر كي ودن تعطلات ناضت توضأت و صلاة و قرات القرأن و خرجات من البيت تقلب عليه ملقاتوش نزلات التحت شافتو ناعس فوق السداري عينيها دمعو هو مضربهاش ولكن باين تعصب مشات جلسات حداه في الارض و حطات يديها بشوية على وجهو كتبعد عليه الشعر لي هبط ليه تنهدات و هبطات راسها جات تنوض من حداه و هو يشد ليها يديها و حطها على شعرو
شرف:خليك يديك حنينة
اكرام(عينيها دمعو كاتمة صوتها)
شرف(حل عينيه و شاف فيها):علاش كتبكي
اكرام:مزال مقلق مني
شرف(تگعد و جلس):علاش
اكرام( هبطات عينيها الارض و نطقات): تبرهيش لي وقع انا مكنتش باغيا هذه الشي يطرى
شرف(شد يديها و هزها طلعها جلسات حداه و شاف فيها):لي كان سمعتو عارفك معندك دخلك منين قلتيها ليا في الاول و راس الحربة هي ختك
(زير على يديه):واش متاكدين هذيك ختكم
اكرام(هزات براسها):اه ختنا
شرف:مباينش حيت طالعة عامرة بالتحرميات
اكرام:علاش مضربتينيش مع هبة
شرف(تبسم و قرب عندها):روح عندك غير في نيفك بغيتيني نضربك
اكرام:لا روحي مشي في نيفي
شرف:هي بغيتيني نضربك
اكرام(حركات راسها بلا):واخا مضربتينيش ولكن مقلق مني
شرف(تنهد):ااااخ ا اكرام مبغيتش نشوفك داخلة في شي معماعة انت مراتي و مبغيت ليك غير الخير
اكرام(هزات براسها):مدخلتش معاهم و انا عارفاك مقلق مني
شرف(دوز على خدها):ممقلقش
اكرام(وقفات):لا مقلق و الدليل ها انت خليتي بلاصتك و جيتي الهنا تنعس
(مسحات عينيها):انا لي كان خاصني منعسش في البيت حيت اصلا مقلقة منك بزاااف
شرف(تبسم و ناض):و دابا مزالة مقلقة
اكرام:اه عرفتي انك معدة دكر اسمي دكرتي اسم مراتك الأولى عرفتي باش حسيت او لا و فوق هذه الشي كتقول ليا انت مدرت والو باش نعثادر عرفتي احساس المرأة مجرد ما يشوف في وحدة غير في شارع باش كتحس ما بالك يغوت ليها باسم وحدة أخرى
(حطات يديها على صدرها و كتشوف فيه): هذا باقي الدابة كنحسو مزير عليا فين ما نتفكرها و فوق هذه الشي لبارح جاي معطل و كتصرف عادي بحال الا حتى حاجة مواقعة
(شافت في عينيه لي كي شوفو فيها و فيهم واحد اللمعة):عارفة تزوجتيني على قبل شمس مكنلومكش حيت قبلت هذه الوضع ولكن انا قلتها ليك و كنعاودها مطالبة منك والو ا شرف والو فقط تراعي ليا في النهاية مكنعرف حتى راجل في هذه الدنيا من غيرك غير انت لي حسيت معاه بالامان متخلينيش عايشة معاك في الخوف حيت مكاينش اكثر من حاجة تقهر المرى غير اهمال راجلها ليها
مسحات عينيها و هو شدها و جارها ليه كي مسح ليها على راسها خشات راسها في صدرو و كتبكي و تشهق هو باس راسها
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
