✳ الجزء 348 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
مد ليها ما زهر رشاتو على قبرها و باستو ليها البنت عندها 7 سنين من عمرها شرف جلس على جنب و شد يد شمس و باسها برقة و اكرام واقفة عليهم كتشوف فيهم
شرف:شموسة
شمس:نعام ا بابا
شرف؛عارفة شحال كنبغيك بزاااف ياااك ا بابا
شمس(هزات براسها)
شرف(شاف في اكرام و ولا شاف في شمس): اكرام و انا عندنا شي كلام باغيين نقولوه ليك
شمس(شافت في اكرام)
شرف:اكرام مشي ماماك ياااك
شمس (عنقاتها):اكرام ماما انا
شرف:واخا و انا
شمس:بابا
شرف:لا احبيبة بابا مشي باباك انا كبحال اكرام هي ماماك و مشي ماماك و انا باباك و مشي باباك
شمس(عينيها دمعو):بحال ماما اكرام
شرف(هز براسو):اه بحالها ولكن انت بنتي لي تولدات على يدي و كبرات على يدي واخا مشي من صلبي
شمس:و ميمة مشي ميمة و رضى و راضية خوتي و مشي خوتي ياااكاااا
اكرام(جلسات حداها):لا احبيبتي انا ماماك و شرف باباك و نادية ميمة ديالك و راضية و رضى خوتك مكاين حتى فرق
شمس:ولكن عتبغيوني ياااكو صحبتي في المدراسة باباها و ماماها هما حقيقيين ولكن سمحو فيها عند جداتها و هي كتبقا ضربها انتوما لا انتوما زوينين و كتبغيوني معتخليونيش
اكرام(عزات عليها و ربي لي عالم قداش قطعات ليها في قلبها مسحات ليها دميعاتها): انا سمحت فيك ا ماما
شمس:لا حتى بابا لا
اكرام:معيتبدل والو و نقول ليك سر
شمس:شنو هو
اكرام:انت مكتوبة على اسمي و اسم شرف
شرف:يعني اكرام ماماك و انا باباك و حتى واحد معارف هذه الشي حيت في الوراق حنا عائلتك
شمس:معيديونيش منكم ياااكو
شرف:لا ا بابا
شمس:و خالو صامد و خالتو مينا و خالتو ايناس و نانا عيشة و نانا نزهة و جدي فؤاد و خالو ادم و عميتو هبة معيسمحوش فيا ياااكو
اكرام(باست ليها يديها):لا ا ماما هذا سرنا حنا مقاسمينو انا و انت و بابا و ماما الله يرحمها حتى واحد ما غدي يعرف هذه الشي
شمس(حطات يديها على فمها):حتى ماما عارفة
اكرام(هزات براسها):اه ا ماما حتى هي عارفة داكشي علاش عندفنو هذه سر ب 4 بينا
شمس:كيفااااش ا ماما
شرف غير كي شوف اكرام اشنو عدير مشات حفرات حدا لمياء شوية و خدات كاغيط و دفناتو هي و شمس و هي كضحك حركة لي تقدر البنت صغيرة تفهمها اما كون كانت كبيرة عتقبل الوضع محدها باقا صغيرة عطاوها الفكرة و منين تكبر عتقدر تفكر بعقلها و تفهم اشنو داير بيها اهم حاجة انهم مكدبوش عليها و شمس ما شاء الله طالعة دكيا و مسالمة
شمس:دابا صافي مبقاش ياك ا بابا بحال ماما حتى هو مات هذه السر ياااك معيوليش يرجع عيمشي الجنة مع ماما ياك
شرف(باس راس بنتو):اه ا بابا معيبقاش يتجبد
شمس(شافت في اكرام):ماما دابا بابا بحالك انت هز بابا و مشي بابا ولكن كيبغيني حيت انا بنتو
اكرام:ضروري ا روح ماماك شفتي باباك كيبغيك بزاااف بزاااف
شرف:عنعطيو وعد ا بابا هذه الموضوع ما عيتجبدش نهائيا ياااك صافي دفناه و عنمشيو بحالنا و نخليوه من مورانا
شمس:حتى خوتي
اكرام:حتى واحد بغيتيني نتقلق
شمس:لا
شرف:صافي نساوه واخا
شمس:اه ا بابا صافي معنوليش نجبدو حيت هذا سرنا
اكرام:الله يرضي عليك يالله سلمي على ماماك باش نمشيو
شمس:واخا
مشات سلمات عليها و شرف شد يد شمس و زاد اكرام شافت في قبر ديال لمياء و تنهدات: عهدي هذا ليك قدام اللها لمياء شمس بنتك نصونها و نحميها و نكون ليها ام حتى توصل فين بغات غير كوني مرتاحة عليها معمري نفرقها على واحد من ولادي ان شاء الله يقدرني حتى نتلاقاو في دار الحق و تشوفي امانتك كيف كتمناي
تنهدات و خرجات تبعاتهم ركبات مع شرف و عينيها حومر اما هو كي جاوب على أسئلة ديالها و كي وصيوها متجبدش هذه الموضوع و احسن حاجة انها كتصنط لكلامهم و انها مشي بروالة
أنت تقرأ
🔥 اكرام توبتي 🔥 ( الدارجة المغربية ) تيما مبارك
Ação🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
