🔥 اكرام توبتي 🔥 ( الدارجة المغربية ) تيما مبارك

الجزء 27 و 28

🌙 رمضان كريم  🌙

        ✳ الجزء 27 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

بقا الشمكار كي دور راسو من قنت القنت و كي شوف في اكرام و في عينيها لي لي باينين و هي راجعة بلور و خايفة حتى لصقات مع الحيط

اكرام:شنو باغي
الشمكار(جبد الموت و كي دورو قدام عينيها): المحال كنت حاط عليه العين نوضي انت أجي فتحيه محل المحجبات
اكرام:هذا المحل ديالي انا
الشمكار:وا الدراري سمعتو اش قالت
***:ايييييه
الشمكار:و شكتسناو ديرو دخدمتكم

بداو كي رميو ليها الحوايج في الارض و هي عينيها دمعو الشمكار حابسها بالموس كي شوف فيها شوفات الغدر

الشمكار:حيدي هذه الشي شنو زعمة مخبية علينا زينك

مد يديه يحيد ليها نقابها و هي ترجع لور كثر و حطات يديها على وجها:بعد منييييي
الشمكار:اربي ربي بغيتي نبعد منك و حيدي نشوف واش زينة و مخبياها علينا او مخبية شي حاجة اخرى

مد يديه كي تقابح معاها باغي يحيد ليها النقاب مكيحس غير الراسو شدود من القرفادة ديالو و هاز مضى في يديه

شرف(كي حرك في مو):اش قلت ل *** انا شنووو
الشمكار:المحال كنت حاط عليه العين باش ندير**

عطاه شرف بضهر المضى حتى جالو في الارض و لاخر رمى الموس من يديه اما الدراري لي معاه غير شافو شرف هربو من تما لا يصدق فارعهم حتى هما

شرف(زطم ليه على يديه):علاااش جاي العندها اااه طوالو المك اليدين وليتي تهزهم على المرة و تعري ليها وجها و هي بنت الحوووومة
الشمكار:والله ا خويا شرف ما كنت عارفة بنت الحومة معمري ما شفتها والله
شرف(عطاه بالركلة):نوض طلب السماحة نوووووض
الشمكار(نوضو شرف من تيشورت لي لابس): سمحي ليا اختي معمرها تعاود
شرف(خرجو برا و عطاه بركلة لداك النص حتى جابو مرگد في الارض):منشوفش المك كطوف بهذه المحال والا عنفر ع الز **ل لي خط سمعتي
الشمكار:هي الأولى

شرف(هز راسو و في يديه المضى كي حركها): اهربتو الديلمكم او الله ما تبقا فيكم اولاد ** غير بلاتي

مشا الشمكار كي كي جري و حمزة كي تفرج صاحبو ولا شمكار 100% و فيهاش تخرشيش  بالحق عجبو بلي دار دخل عند اكرام بانت ليه كنجمع حوايج من الارض و هي كتبكي هزات عويناتها فيه

اكرام:شكرا
شرف:ما تشكريني ما نشكرك خيرك رديتو ليك دابا ما كتساليني ما كنتسالك الله يعاون

خرج من تما و حمزة كي شوف في صاحبو تبدل 180 درجة مبقاش هذا هو شرف لي كي عرف الدري الرزين المتبت ولا خايف غير لا يدير شي فضيحة و صدق خارج على راسو ديال بصح