🌙 رمضان كريم 🌙
✳ الجزء 76 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
واقفة على برا كتاكل ظفار يديها و كنتسناه يخرج مرة تنوض مرة تجلس حتى طلعات عندها ايناس مخنزرة
ايناس:اويلي نزلي ا صاحبتي
مينا:علاش مخلانيش عمي نكون انا معاها
ايناس:حيت لسانك مبري منك
مينا:راها ختي شنو بغاني ندير
ايناس:خلاص ا صحبتي ها هو عيخرج و دخلي عندها
مينا(كتشوف فيها):عندك الحق ولكن مشي بحال الا عنسمع بودني معاهم
ايناس:بااااز والله العظيم
صونا ليها التيلي طلات كنلقا نوفل خنزرات مينا صغرات عينيها:سيري جاوبي الكراش سيري
ايناس:اصلا راه دار معايا اليوم في العشية و ممشيتش
مينا:الخدمة هذه ا ايناس مفيهاش اللعب
ايناس:كانت عاجباني السيد عندو حبيبتوو انا كنتفقص
مينا:و باز تقولي غير ضارب عليك خط زناتي
ايناس:باركة متفقصي فيا
مينا:ها هي ساكتة
عاود صونا ليها و هي طلع السطح گاع جلسات و جاوباتو كتلحن صوتها:الوو
نوفل:سلام ايناس
ايناس:لباس عليك ا نوفل
نوفل:الحمد لله حيت ندير الكونطرول ديالي في لاجونص لقيتها مسدودة
ايناس(عضات شفايفها):راه وقعو شي مشاكل و ضطرينا نسدو
نوفل:و انت علاش مجيتيش السطاج ديالك
ايناس:راه قلت ليك انوفل
نوفل:واخا مشي مشكل غير مرة أخرى علميني
ايناس:واخا ا سي نوفل بسلامة
قطعات عليه و هي مخنزرة و هبطات التحت تلاقات مع شرف نازل من الدروج و على وجهو مكاين حتى تعبير دخلات عند البنات لقات مينا جالسة حداها كتسولها و هي حرام واش بغات تقول ليها شي حاجة سكتات على ما بيها شافو في ادم هز كتافو حيت خنزرات فيه اكرام و ناض خرج نزل التحت لقا غير عمو و مو و مرات عمو جالسين مشا جلس حداهم
فؤاد:بقات غير اكرام تجاوب الولد
عيشة(ساكتة)
فؤاد:عيشة اش قلتي
عيشة:شنو نقول ليك ا خويي بقا ليا ما نقول
نزهة:الولد دخل من الباب على الله تكون اكرام فال عليه و يتوب من داك الشراب
عيشة:الله يدير لي فيها الخير
نزهة:امين اختي نوض ندير ليها شي حاجة تاكلها راها مكلاتش من الصباح
عيشة:علاش حنا بقا لينا ركابي علاش نوقفو الله ياخد فيها الحق هذه النهار
ناضت تبعاتها الكوزينة كي دويو و تسول على شرف واش كان مزيان ونزهة كتجاوبها🌙 رمضان كريم 🌙
✳ الجزء 77 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
دازت الايام و شرف مزال ما عطاتو اكرام الخبار و شنو عدير حمزة كل ساعة يفكر شرف في مو باش تنازل كي قول ليه بلاتي واخا انا نشوف نيتو كانت نية و هذه الشي باين لعمى بغاها تربا مزيااان و منين كنقول مزيان راه في الحبس مكاينش التخرشيش راه قادر يغرق لمها الشقف و كلشي شهد ضدها ولكن حيت صاحبو مابغاش هذه الشي قال ارى نربيها شوية باش تبعد التيساع هكذا بقا غادي بيه حتى دازت سيمانة كتجري
لا من حمزة لي باغي يخرج مو لا من شرف لي المحكمة قربات و اكرام مزال ما عطاتو حتى جواب تنهد كي تفكر شرطها لي شرطاتو عليه كي رشف من القهوة معاهم فوق الطبلة و واحد الصمت رهيب بيناتهم ميعلم بيه غير الله اش من وراه
نادية:اكرام مزال ما عطاتك شي خبار
شرف(تنهد):قالت ليا عمي لي عيقول ليك واش قابلة او لا
نادية(تنهدات):اوا المعمول
شرف:نتسنى
نادية:الله يدير شي تاويل ديال الخير
سمعو الدقان ناض نزل التحت و حل الباب كي شوف حمزة جا عندو هز راسو فيه و نطق: عتدوز معايا دابا الدار نرغبهم على مي تخرج
شرف:حمزة تسنا شوية
حمزة:شرف شنو بغيتي كثر قلتي ليا بعد من اكرام بعدت عطيتك كلمة الرجال حتى انت كون قد كلمتك
شرف(تنهد و عض قنوفتو التحتانية و ولا شاف فيه):سير عند فؤاد المحال انا جاي
حمزة:عتجي
شرف:اه عنجي غير سير
حمزة:اوا واخا انا غادي
مشا و شرف دخل و سد الباب مشا الصالة لي في السفلي و جلس فيها كي فكر اشنو يدير اشنو يدير و هو يتبسم ناض لبس صبادري ديالو و طل من الدروج
شرف:مييي انا خارج
نادية:واخا اولدي
هز تيلي ديالو دارو في جيبو و سوارت ديال الدار وصل راس الحومة و شد طاكسي نيشان لكاش بليس نزل و دخل كانت مينا و ايناس بجوج جالسين حتى كتقشعو مينا و خنزرات مزال ما كيتصرطش ليها شرف
مينا:ايناس شوفي مع الكليان
ايناس:واخا زيد اخويا
خرجات العندو و وقفات برا شرف شاف فيها و تبعها وقفو قدام الباب هزات راسها فيه:كاين ما نقضيو
شرف: جيت عندك على قبل شي حاجة
مينا:اشنو هي
شرف:حمزة من نهار وقع لي وقع و هو تابعني باش نطيحو الدعوة و نسحبوها
مينا:و انا مالي
شرف:مينا سمعيني حمزة صاحبي و مو غلطات اه و حتى انا ضريت من هذه المعماعة و مقلت والو
مينا(قطعاتو):راك مضرور خلوق بلا ما تجيب سبة على ختي و لي وقع
شرف(طلعات معاه الصهدة و كتمها مشي من مصلاحتو يتعصب عليها دابا):لسانك صليط و حنا عنوليو نساب
مينا:الا قبلات ختي
شرف:واخا الآلة انا مرور خلوق اشنو قلتي
مينا:واش تسطيتي راها شوهات ختي شوهااااااتها واش كاين ما كثر من هذه الشي
شرف:خسارة كنت عنفتي عليك واحد الراي حتى انت دليها كيف شوهات ختك ولكن مبغيتيش
خلاها و زاد مينا بقات دورها في راسها و هي تنطق:كيفاش
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
