🔥 اكرام توبتي 🔥 ( الدارجة المغربية ) تيما مبارك

الجزء 19و 20

🌙 رمضان كريم  🌙

        ✳ الجزء 19 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

طلات ايناس كنلقا شرف هاز في يديه شمس و عتهبل بالبكا و عتصطى ليهم نزلو كلهم التحت و حار جيران نزلو يعرفو اش واقع

نزهة:شرف ولدي هاااااا

شافت البنات شهقات هزات راسها فيه:مالها
شرف:راجلك عندو طوموبيل قول ليه يوصلنا دغيا راه حتى طاكسي معيبغي يوقف الله يرحم الوليدين
ايناس:ها طوموبيل كاينة ولكن بابا مكاينش و حتى البيرمي معنديش

نادية(كاتبكي):ها العار لي عندو البيرمي
ايناس(دخلات كتجري جابت السوارت و جابت معاها حتى التلج):هاك ا خويا
نادية:راه حيدو ليه البيرمي الله يااااربييي سير اولدي الشاريع نشوفو طاكسي

متسناهاش تكمل مشا كي جري الشاريع اكرام نزلات على صداع منين كملات صلاتها دارت خمارها و نزلات كتشوف نادية تابعة ولدها و باب الدار محلولة خلاوها الله يحسن العون

اكرام:مالكي
مينا(نتفات السوارت من عندك ايناس):سيري ركبي تبعيهم وصليهم السبيطار البنت ولا لحمها ملفط بالحرقة لا تمشي توقع ليها شي حاجة 
اكرام:شكون
ايناس:شمس شمس

خدات من عندها السوارت و ركبات في طوموبيل ميمشيش بالكم بعيد ديك لي كي هزو فيها السلعة ركبات و ديمارات حتى راس الشاريع لقاتهم كي وقفو الطاكسيات وقفات عليهم و نزلت

اكرام:طلعو اخالتي سربيو

شرف طلع و شمس كتغوت في يديه كي تالم معاها واخا مكانش يديها فيها راها مبدتو حيت عارف مو رادة ليها البال اما نادية مسكينة راها عتحماق الا وقعات ليها شي حاجة نعتات لاكرام فين كاين السبيطار و مشات ليه نيشان نزلوها و دخلوها نيشان حيت كانو غير خما لي جاو في داك الوقت

اما في الحومة ايناس دخلات الدار و طفات البوطة على المسمن لي تحرق و دارت خارجة تهز الساروت لقات البراد اتاي مهرق في الارض شدات في صدرها

ايناس:نااااريييي مسيكينة

سدات الباب و مشات دخلات كتجري عندهم لدار:واااا ميييي عرفتي شنو تهرق عليها
نزهة:شنو
ايناس:اتاي امي اتاي هو لي تهرق عليها طايب طايب نااااريييي مسيكينة عزات عليا
نزهة:الله على كبيدتي الله الله الله

جلسو يتسناو اكرام تصوني ليهم تعطيهم شي خبار🌙 رمضان كريم  🌙

        ✳ الجزء 20 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

واقف غادي جاي كي حك شعرو بيديه و هو تالف نادية مسكينة غتهبل بالبكا و اكرام شادة فيها لا تمشي طيح خصوصا انه مكاين لا كراسة لا والو علاش تجلسي شرف معالم بيه غير الله دار كي لقا نادية كتبكي و غمض عينيه و ولا فتحهم

شرف:علاش كتبكي دابا علاااش فكري قبل ما تحطي البراد اتاي فوق طبلة
نادية:انت كنت جالس حداها شحال قدني نحظيييي الحاضي هو الله
شرف:كون محطيتيهش مكانتش عتكون هنا
نادية:شنو بغيتيني ندير اولدي شنوووو راه مكتاب هذه الشي معندي ما ندير
شرف:اوا وقعات ليها شي حاجة امي راه تحملي انت المسؤولية

اكرام(شافت فيه مخنزرة):واقيلة راك كتشوف حالة الام ديالك ا سيدي معدة تسمعها الهضرة دعي الله تكون بنتك مزيانة بيخير و على خير

شرف(مخنزر):ديها في راسك انت مشغلكش
نادية:يااااربي يااااربييي حمي ليا بنتي يااااربييي انت العالي و عالم يااااربي

اكرام:اللهم ان لا اسألك رد القضاء انما اسالك اللطفة فيه

بقات كتدعي معاها مسيكينة حتى خرج عندهم الطبيب شرف وكاملين وققوو عندو هو حيد الكمامة من فمو و تكلم

طبيب:معندكم مناش تخافو حرقة بسيطة و حنا عالجناها
شرف:ولكن راها لفطات ليها
طبيب:الدرجة الأولى متخافش عنكتب ليك بوماضة الحريق عطيها ليها و حاولو متغطيوهاش بشي حاجة سخونة حتى دوز سيمانة
نادية:الحمد لله يااااربييي حمدتك ياربي و شكرتك

خلاهم و مشا شرف دخل لقاه داير الفاصمة البنتو:انا نمشي نجيب ورقة الطبيب و نجي
نادية:واخا اوليدي

مشا و اكرام دخلات عندها لقاتها حالة عويناتها  شافتها فرنسات و خديداتها حميمرين بالبكا لي بكاتو

اكرام: شمووووسة شفتي خلعتينا عليك
شمس:ديدي هنننن
نادية:الحمد لله دابا يفوت ا بنتي دابا يفوت
اكرام (باست ليها يدياتها):يخلي ليا هذه ليديدات لي كي ديرو الشغب في الدار
نادية(عاد وجها تبشر و ضحكات):الحمد لله على سلامتها الحمد لله

كي هضرو معاها و يضحكو دخل شرف و شاف فيهم:مي يالله

دخل هز بنتو و هي دورات يديها عليه لي فيها الفاصمة و كتشوف في اكرام من لور ديال ضهرو و تفرنس ليها و عيونها مزال اثار الدموع فيهم نادية قربات من اكرام و تبسمات حشمانة

نادية:سمحي ليا بنتي على الكلام لي قال ليك قبيلة راه غير الخلعة هذيك
اكرام:مديريش في بالك اصلا مكنديرش في قلبي عارفة غير الخلعة هذيك
نادية:الله يكمل بعقلك

تبسمات ليها من تحت النقاب لو انها مشافتهاش خرجو و ركبو معاها رجعو الحومة يالله وصلو كانت ايناس و هند و مينا جالسين حدا باب ناضو بالجرى حلو الباب يشوفو شمس كيف بقات هزاتها هبة و دوز على شعرها و بتبوسها اما اكرام لقات غير كتشوف فيها و تبسم من تحت خمارها ولكن عيونها راهم باينين بلي فرحانة

نادية(قربات من شرف و نطقات):طلب من البنت السماحة و قول ليها شكرا
شرف (شاف في مو):مالها هزاتنا على ضهرها دور ت**

طلع بحالو الدار و خلا نادية غير كتشوف عارفة ولدها مكيرضاش يطلب السماح و هذه عادتو من هذا زمان