🔥 اكرام توبتي 🔥 ( الدارجة المغربية ) تيما مبارك

الاجزاء 107/108

✳ الجزء 107 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

طلعات نادية لقات هبة و شمس خرجو من الحمام و جالسين كي ضحكو و شرف كي كمل ماكلتو باش يالله ينوض يتيسر لشغالو حتى شاف مو طالعة

شرف:اش واقع
نادية:نزهة جات عيطات على هبة و شمس ينقشو
هبة(فرحات):بصح
نادية:اه الا كملتي نوضي دي شمس و سيري
هبة:و الشغال
نادية:حيدنا الكتير و انت معتباتيش تم
هبة:مكرهتش نبقا عافاك امي
شرف:سيري بلا تنقاز
هبة(خنزرات):صافي واخا

هزات شمس و مشات و هي كدير ليهم باي باي شرف ضحك على بنتو و بقا كي كمل فطورو

نادية: البيت غادا ان شاء الله نتعاونو نخويوه
شرف:ان شاء الله
نادية:عتعاود ايه فراشو من الاول
شرف:اه
نادية:بزاف عليك اوليد كون غير طلعنا فراش لي كاين في البيت تحتاني
شرف(حط لقمة من يديه و هز راسو في مو)؛ داك البيت حتى واحد ما يوصل ليه
نادية:علاش
شرف:هكداك

طولات فيه الشوفة و تنهدات من قلبها

نادية:اخخخخ ا بنتي ا اكرام اخ عتعاني معاك اولدي عتعاني بزاف
شرف:علاش بسلامة

نادية:الكسدة هنا و العقل مع لمياء مسحات ليك داك العقل اولدي حتى مبقيتي تشوف حد من غيرها دابا اكرام مكتبغيكش ولكن الحب كي جي مع العشرة الا شي نهار بغاتك اش دير ديك الساعة اولدي عتقول ليها كنبغي مراتي الأولى و معمري نسيتها اااه

شرف(تزير هز راسو فيها واقفة ليه الدغمة): غير باغيا تحرمي علينا هذه جوج دغمات و سلام امي

نادية:كندوي معاك على الصح المرة اولدي منين كتزوج زواج بحال هكذا مكي بقا يبان ليها حتى واحد في عينيها من غير راجلها و أنا متأكدة اكرام لازم عطيح في حبك من لهنا التما اش دير ديك البنت ااه و خا نحيدو هذه الشي كامل قول ليا الا عرفات بيت لي كان جامعك انت و مراتك الله يرحمها مسدود و خلي ساروتو باقي كل حاجة في بلاصتها باش عتفسر ليها

شرف(جا يدوي سكتاتو)

نادية:نهار الاول قلت ليك الا حزنتيها عنسخط عليك واعدتيني تحطها في عينيك ولكن كي بان ليا وعدك عتخلفو من لهنا

شرف(جمع قبضة يديه و هز راسو مخنزر سمع تيلي ديالو كي صوني حداه طفاه و شاف في مو):علاش امي دائما كتشوفي فيا الخايب علاش مكتشوفيش فيا الزوين علاش دائما انا لي منسواش علاش دائما كتفضليها عليا علااااااش شنو ناقصني امي شنووو باش هي حسن من ولدك لي تسخطي عليه على قبل وحدة عرفتيها البارح ااااه على قبلها هي بالضبط علاش مكتحسيش بيا انت لي مي علاااش

(مسح على وجهو و تنفس و هز راسو فيها): بغيتي تعرفي اه كنبغي لمياء كنموت عليها على قبلها قادر نقتل و نمشي الحبس بعينيا مغمضين اكرام خاصها تقبل هذه الشي مكنبغيهاش اااه منكرش هذه الشي ولكن عنعاملها بالمعروف و كيف ما مطلوب مني الا بغاتني فشغلها هذاك مشغليش فيها حتى واحد ما بزز عليها و قال ليها بغي شرف هي عارفاني كيف داير و عارفاني اشنو كنسوى فمتجيش في الاخير تشكي عليك و تقول ليك راه مكيبغينيش حيت حتى واحد ما ضربها على يديها امي حتى واحد لي كي همني مصلاحة بنتي تعيش مع ام الله يجعل البركة

ناض من تما مكره يخرج هذه الهضرة اصلا نيتو مشي هكدا و مكانتش هكدا زعمة يبغيها كان يشوف راها مستحيل ولكن كان كي قول ربما شي نهار يميل ليها ولكن مو لي كتفضلها عليه خلاه ينفاجر عليها بدون قصد خرج شي كلام مخاصش يخرج و هنا كنجيو رجعو اللومة الاول هي الام معمر الام تفضل ولا الناس على ولادها حيت عتكرهم فيهم و هذه الشي من أخطر الحاجات يقدر يوقع مع الواحد✳ الجزء 108 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في جهة كان منفاجر و الجهة التانية كان عينيها نازلين بدموع من لي سمعاتو في تيلي كانت اكرام لي بزات عليها عيشة تصوني ليه و تسولو واش عيجيب معاه شي صاحبو او شي حد اخر معاه باش يديرو بحساب الرجال و الا مكانش راه عياكل معاهم هو في طبلة كيف الناس حيت منين سولو هبة قالت معارفاش داكشي علاش قالتها لاكرام و نيت تزيد يقرب علاقتهم

مكانتش زاعمة تصوني ليه ولكن منين دوزات الخط بقات شحال و هي تسنى حتى كانت عتقطع و هي تسمع كلامو كامل لي جا على ودنها ياريت كون قطعات هي قبل ما تسمع فرحتها لي كانت فيها من البارح تبخرات مع الهوى دخلات و سدات عليها الباب و حطات يديها على قلبها لي كي ضرب بالجهد و دموع غير ما كي زيدو يهبطو

بصح الاعجاب بدا كي تسلل لقلبها متكدبش لاحظات فيه شي امور لبارح مكانوش باينين فيه او مكانتش كتشوفها فيه خلاها تحس باحساس زوين بزاف و داك الاحساس تبخر مع الهوى منين سمعاتو

متلوموش كي بغي مراتو الأولى هي مشي الأولى لي تعرف عليها هي فقط تانية فقط وحدة تانوية لي عيتزوج بيها اشنو عتكون كتسوى بالنسبة ليه كون كانت مراتو عايشة مكانش يشوف فيها حتى شوفة او يدوي معاها اصلا باقي الدابة مكيشوفش فيها حتى الشوفة فقط كي جي يدوي معاها و هذه دويان حاساه فوق نفسو جمعات راسها و مسحات عينيها و خرجات عندهم و هي مخنزرة عوالة تقول ليهم مبقيتش باغيا هذه الزواج واخا يخرج فين ما بغا يخرج معتكملش معاه

يالله خرجات و وقفات في الصالة كتبان ليها شمس كتضحك و تلعب و هما كي ضحكو معاها و كي سولوها واش تبغي اكرام تكون ماماك هي مسيكينة كتقول ليهم اه فرحانة و كتبغي خرج اسم ماما غير دارت شافت في اكرام مشات عندها عنقهات من رجيلاتها و ضحكات ليها و اول مرة في شمس كتخرج ليها اسم ماما من فمها

شمس: ماما

اكرام(هبطات راسها ليها و هي كنسمع ضحكهم و فرحتهم حيت باين عليها انها متقبلاها كأم)

شمس:ماما
عيشة(ضحكات):ها انت ا اكرام هزي البنت و انت تشوفي فيها
اكرام:يدي فيها الحنة امي
عيشة:اااه نسيت دوزي تجلسي راك عروسة

تبسمات ليها و مشات جلسات و هما كي دويو و يضحكو شمس جلسات حداها و كتدوي مع اكرام زعمة و توريها الحنة لي حيداتها في ساعتها

عيشة:دويتي مع شرف
اكرام(هزات عينيها فيها):لا امي
عيشة:علاش
اكرام:يمكن مسمعوش
عيشة:هذه الشي علاش مقلقة ويلي
نزهة(وقفات تمشي تشوف الدجاج):خليها ا عيشة راه يالله عتقول باسم الله

ضحكو عليها و ناضو معارفينش اش سمعات و كون عرفو هما يقفو في وجه هذه الزواج اما اكرام بقات شحال عاد طلقات من جديد و تضحك معاهم و قلبها مزموت عليها ديك الفرحة مكملاتش عندها شوية كتشوف تيلي ديالها كي صوني شافت نمرتو عرفتو طل و عرفاتو لقا ان الخط داز طفاتو في خطرة و حطاتو فوق الطبلة و رجعات تدوي مع مينا و ايناس اما شرف محلياه يحماق على خاطر خاطرو