🔥 اكرام توبتي 🔥 ( الدارجة المغربية ) تيما مبارك

الاجزاء 249 250 251

✳ الجزء 249 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

وقف حدا سطاسيون يدير اليصونص دار عند شمس و كي ضحك معاها و شاف في ايناس لقاها جامعة يديها دار قدامو و هي دور عندو

ايناس:على الاقل نزل جيب لينا غير شيبس ولا شي حاجة ناكلوها ندوزو بيها الوقت
صامد:خاصك
ايناس:و من صباح و انت كنقول ها هو عيفهم راسو ها هو عيفهم راسو ولكن والو
صامد(صغر عينيه):ايناس انا راه مكنفهمش في هذه الشي
ايناس:حتى انا مقلت والو يالله نزل
صامد(صغر عينيه و حيد سوارت):واخا
ايناس(شافتو حيد السوارت):اصلا معنديش البيرمي ا صامد غير تهنا

حرك راسو بلا حولة و نزل هز بزطامو:جيب معاك قرعة الماء باردة

خنزر و دخل الداخل هي تبسمات و دارت عند شمس كتشوف فيها و تفرنس معاها و شمس كضحك ربع ساعة رجع عندها و كي وريها كانت الميكة عااااااامرة حيت لي لقاه جمعو و جابو

ايناس(خرجات عينيها):مالك على هذه الشي كامل
صامد:معرفتش شنو نشري ليكم جبت ليك من كل حاجة وو

جبد ليها سنسلة و مدها ليها:لقيت هذه خديتها ليك
ايناس(شافت فيها):لشحال
صامد:10 دراهم
ايناس(تبسمات):شكرا

حلاتها و دارتها و هزات قرعة ماء صغيرة و مدات شمس كتشرب عاد عطاتها تشيبس ديالها كتاكل و دارت صامد عينيه على طريق مدات يديها خدمات الاغاني هو شد يديها و دوز يديه على ضفيراتها كانت صابغاهم في الاحمر

صامد:متبقايش ديري هذه اللون
ايناس(شافت فيه):علاش زوين عجبني
صامد:كي ضرب على الشعى مبغيتش نشوفك دايراه
ايناس (تبسمات):واخا
صامد:اصلا يديك زوينة متحتاجيش هذه الشي
ايناس:واخا

شاف فيها و بقا شاد يديها و كملو الطريق الاگادير وصلو ليها و دخل ليها شافو شي قهوة و مطعم في نفس الوقت و فيه الالعاب ديال الدراري الصغار و تكون كتطل على البحر دخلو ليها و جلسو مجموعين اول حاجة طلبوها هي  شي حاجة يشربوها و جلسات شمس كتشوف في الدراري كي لعبو حتى هي بقات تلعب نوضها شادها و محني عندها مشا عند لي كي تخلص خلص ليها الالعاب كاملين و دخل معاها ايناس ناضت و مشات عندهم كتشوف فيها جبدات تيلي ديالها و صوراتهم و مبتاسمة هو كي لعب معاها و يضحك و كتجري من جيه الجيه هو تابعها حتى شبعات و شافت فيه

شمس:ميمي
صامد(هزها):اوباااا واخا

خرج و دور يديه على ايناس مشاو جلسو مجموعين طلب الماكلة على اختيار ايناس جابوها و جلسات شمس كتوكلها و صامد شاف فيها

صامد:مرات شرف اش كتجيك
ايناس(تبسمات):بنات العم
صامد:امم كيف كتعامل مع شمس متكدبيش عليا
ايناس:مزيان صرحة عمرها حسباتها بنت راجلها صرحة و غير دور شمس و تسول عليها دابا راها ناسيا اما تنوض تغوت ليها و تبكي
صامد:و علاش دابا مشي معاها
ايناس(تنهدات): بسباب مشاكل لي نايضين لختها صرحة حتى شرف راه معاها اما متخليهاش
صامد:معمرهت ضرباتها
ايناس(ضحكات):سول واش عمرها ضرباتنا على قبلها الا غير بكات تهز صندالة و تشير علينا لي جات فيه هو هداك