🔥 اكرام توبتي 🔥 ( الدارجة المغربية ) تيما مبارك

الاجزاء 147 148

✳ الجزء 147 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرجات عينيها بصدمة في ختها حشماتها قدامهم كاملين اما شرف كان في الكوزينة و هو يسمعها خرج ايه اتاي من فمو كي ضحك مسخوط كون فرعها لبارح كانت عتشوه مع عائلتها اما مينا ليعاتها واحد تلييعة حتى غوتات و شافت في فمها

عيشة:سكتي ا بنت لحرااام
مينا:اااحح وامييي بغيت غير نشوف واش بصح متولي تزيد زيدة عوجة او كي كدبو
عيشة:مزال زايدة فيه
مينا:اصلا كنت عنشوف غير القفيطين جاها غزاااااال ما شاء الله عليها كتفتن
عيشة:بصحة ا زين البنات

كانت جلسات حدا نادية و كبات ليها القهوة دارت فيها السكار:فين شمس
نادية:مزالة ناعسة
هبة: الا مفيقتيهاش انت متفيقش هي
اكرام:خليها تشبع نعاس
هبة:انت شبعاي نعاس
اكرام:الحمد لله
مينا:هبة سولينا حنا واش شبعنا نعاس اختي عنشيو نيشان نطيحو دودة عييينا اختي والله كنجريو من قنت القنت
اكرام(شافت في مها):العائلة

نزهة(ضحكات):لبارح في ليل دخلات مينا الصالة قالت ليهم لي عندها شي خربة تسگم ليها رجلينا طابو

اكرام:واش منيتك جريتي عليهم

مينا:غير ضحكت معاهم صدقو دايرينها بصح
عيشة:غير يمشيو نااارييي طبخو ليا راسي فين خدام اشنو كي دير واش بصح مزوج واش داخلة ضرة راجلها غزال واش عتبقا تخرج بنقاب حداه واش عيحجبها مييييمتيي راسي تنفخ
نادية(ضحكات):هدو هما العائلات ضروري ما يبرگو
نزهة:الا ديالنا اختي الااااا ديالنااا مصيبة كحلة و كملوها ناضو على الصباح مقاتلين على الورث
مينا(ضحكات):خارجة نجيب الكومير يفطرو دازت مرة كبيرة سولاتني واش كي دابزو ابنتي ندخل نفك

(شافت في مها):أجي ا ماما ديك ارض الزيتون مناويش خالي يعطيك حقك ولا
عيشة:هو و وجهو
اكرام:كل عام يجينا 10 يطرو زيت
مينا:قولي كل 3 سنين 4 سنين داك نهار في عرس ولدو دخلت البيت الخزين لقيت البراميل معمرين اقاطع يديه من رحمة سيدي ربي
ايناس(ضحكات)
مينا:بالاعصاب شديت البرامل عريتهم و خرجت منين دخل شاف البرامل جلس كي غوت على خالتي شكوووون لي دخل لهناااا

ضحكو كاملين و جلسو كي عاودو و يضحكو حتى غمزات مينا اكرام ناضت هي و البنات طلعو الفوق دخلو الصالة و جلسو✳ الجزء 148 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

مينا كتشوف فيها بنص عين و اكرام كتشوف في البنات كي شوفو فيها بجوج هبطات راسها و ولا هزاتو

مينا:عاودي لينا اش وقع كيف كانت ليلة تقصحتي
اكرام:ميناا جايبني لهنا على قبل هذه المسألة
مينا:و دوي البعرة دوي
اكرام:معنقولش حيت هذه الشي مكيتقالش حشمو شوية
هبة:مي على حد علمي خويا والله ما يفاتك انا لي كنعرفو ماسخ من درجة الأولى
ايناس:باش عرفتي

هبة:حيت كان كي شد لمياء من وسط منا و يدخلها البيت و يسدو على رأسهم بساعة جوج ماما كتقول ليا نوضي نخرجو باش يبقاو على راحتهم

(تنهدات):اخر مرة قبل ما تموت كان جرها من الكوزينة مي قالت ليا خليتها كدير الغدا و طلعت نكمل صابون منين هبطت لقيت الغدا مطايبش و خوك خارج من البيت معاها
(شافت فيها):عرفتي ا اكرام كانو كيف سمن و العسل معرفش شنو وقع بيناتهم حتى ناض مشكل

هي كتعاود و اكرام كتزير على يديها و مهبطة راسها و تساؤلات كدور في راسها علاش كتعاود ليها مع ان نيتها صافية فقط كتقول ليهم على خوها ولكن اكرام جا في بالها بزااف خصوصا منين سمعاتو في تيلي كي قول لمو بلي مزال كيبغي لمياء كتحس بصدرها تزير عليها و نفسها مخنوقة سبب مجهول هي ماتت الله يرحمها لكن طيفها عيبقا مرافقهم حياتهم كاملة هذه الشي لي كي دور في راسها ناسية معاملة شرف ليها و كون كان باقي شاد في كلمتو لي قبل مكانش يتعامل معاها بداك الحنان هو صافي تقبل ان اكرام ولات مراتو اما اكرام عندها في بالها تخيلات بلي شرف كيبغي مراتو و هي معندها بلاصة في قلبو

كانو كي دويو و يضحكو و مينا كتشوف في اكرام سهات عرفاتها غرقات في شي حاجة نغزاتها هي توگد و شافت فيهم

اكرام:عنزل تجلس مع مي شوية
مينا:حتى انا
ايناس:انا عنبقا مع هبة شوية و نزل

ضحكات ليهم و زادو مينا دورات يديها على دراع ختها و تبسمات:انت لي كاينة دابا ا اكرام لا مراتو الأولى لا ختها مديريش في بالك
اكرام:لا مكاين والو

مينا(وقفو في وسط الدروج و شافت فيها): اكرام كدبي على شي حد اخر انا راني ختك شرف كون ما كان باغيك مغديش تلقاي راسك هنا حداه في دارو و مراتو متخليش الشيطان يوسوس ليك بشي حاجة مكايناش بصح معنديش معاه او كي عجبني نشد فيه بحجة راجل ختي ولكن راه حيت انت مراتو و ام بنتو متخليش شيطان يدخل بيناتكم و يخسر علاقتكم انا شفتك غير جبدات ليك هبة الهضرة على لمياء كيفاش تبدل فيك اللون مخاصكش تلوميه على شي حاجة كانت في الماضي ديالو لمياء كانت مراتو كيف ما انت دابا هديك كانت حلالو يدير معاها لي بغا الله يجعلو يمارس معاها قدام مو و ختو داك الوقت مكنتيش وكون كانت عايشة معتكونيش انت هنا

(شدات ليها في وجيها و مسحات ليها دميعة نازلة من عينيها):متبكيش عافا ختي انت دابا لي مجودة انت مولات دارو و ام بنتو و عتكوني ام وليداتو شدي بيد راجلك و قومي بيه و متخليش ليه الفرصة فين يقولها فيك خايبة متخليش الغيرة تحكم فيك من مراتو لي ماتت سمعتيني او ولا

اكرام:مشي الخاطري ا مينا معرفتش علاش غير كي تدكر سيرتها قدامي كي تزير عليا صدرو

مينا:راه قلت ليك ولبارح طحتي على زنافرك اختي
اكرام(دفعاتها):زيدي بركة من الهضرة الخاوية

زادت كتضحك على ختها و دخلو الصالة و كلامهم داز على مسامع شرف لي تبسم و طلع بحالو البيت حيد القندورة و تجبد داير يديه تحت راسو كي شوف في السقف