🔥 اكرام توبتي 🔥 ( الدارجة المغربية ) تيما مبارك

الاجزاء 51و52

🌙 رمضان كريم  🌙

        ✳ الجزء 51 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

اما في جهة التانية الزهو و النشاط هو لي كاين ايناس و مينا مجلسوش من الشطيح اودي حنا المغاربة فينا الهوايش جرو معاهم حتى هبة دخلوها معاهم و عطاوها هاك بالاك هاك بالاك في الطبلة بعيدة شوية على الديجي كانت عيشة و نزهة و نادية في طبلة و رقية و بنتها جالسين مجمعين في طبلة بوحدهم و كي ضحكو و يقشبو مع بعضياتهم

نادية:كون غير جات اكرام ا عيشة
عيشة:معندهاش مع هذه الشي
نزهة:باينة نهار لي تزوج عدير غير الطلبة
عيشة:راه قالت ليك حتى دكر لي كي قولو الطلبة حرام
نزهة(ضحكات):الله يخليها ليك ياربي
عيشة:امين

كتضحك و تهز راسها كتلقا وحدة شادة تيلي و كتصور بنتها كتشطح خنزرات معاجبها حال و هي تغوت ليها بالاشارة جات عندها جلسات كتنهج

مينا:شنو امي
عيشة:ديك خيتي باركة تصور فيك ا انت كتشطحي دوزي تگلسي
مينا:شكون
عيشة:هذيك لي لابسة قفطان زيتي
نزهة:هذيك رقية جارتنا في الحومة التحتانية
نادية:وليني مكتحشمش
مينا:انا نفرجك فيها غير تسناي
عيشة:أجي الحرامية أجي مينا كوني تسمعي أجي

مسمعاتش ليها ناضت مينا مشات ايناس جات جلسات حداهم:مالكم
عيشة:عتجبد علينا غير النحل
نادية:هذيك خاص لي يحدهم ليها ستغلالية و كتبغي كلمتها مطيحش الارض نهائيا
عيشة:الله يبعد بلانا من بلاها
نزهة:امين

بقاو كي تفرجو اما مينا جلسات حداها و بالضحك و تقشاب كتجبد معاهم الهضرة و حتى رقية لقاتها على سبة كتسولها على اصلها و فصلها و معامن هي طاحت

مينا:اوا خالتي كنتي كتصوريني
رقية:اييه غزااالة عندك الشطحة
مينا:ربي خليك ليا اختي لهلا يخطيك
سلمى:ماما عطيها تشوف
مينا:ايه عطيني نشوف
رقية(جبدات تيلي ايفون كي شقشق خداه لها حمزة و كتفوح على الجيران):ها انت ا بنتي هااا انت ما شاء الله عندك شطيح غزااال كي حمق
مينا(كتشوف الفيديو ديالها كتشطح):غزاااال اخالتي كتعرفي تصوري
رقية:اوا معلوم التيلي جابو ليا ولدي حمزة من أكادير
مينا:الله يخليه ليك

(وقفات و تيلي في يديها دارتو في صدرها): اوا هذه التيلي الا شديتيه راني منسواش و نوريك باشمن حق باركة تصوري فيا الآلة اااه

رقية معرفات راسها باش تبلات بقات كتشوف فيها صدماتها

سلمى:اويلي اختي ردي التيلي
مينا:او لله ما تشدو التيلي اليوم عيبات عند البوليس هذه الشي راه اسمو التشهير مك خدات الادن مخداتوش اوا دابا نربيها باش معمرها تهزو
رقية(سمعات البوليس تصدمات):لا ا بنتي الله يرضي عليك عنمسو
مينا:الا معنعطيهش ليك عيمشي يبات عند البوليس

مشات من حداهم بركات و رقية كتاكل جنابها خلاتها غير كتشوف عيشة تبسمات و بقات كتضحك حطو ليهم العشاء تعشاو و سلمى غادا جاية عليهم تعطيها تيلي و تولول على راسها حيت جبدات النحل اش داها تصور كانت باغيا توريه الولدها ساعة تفزگات ليها

نادية (كتاكل و ضحك):عبرتي عليها بردتي ليا قلبي
مينا:سيبا هذه اخالتي والله
نزهة:لا عنداك ا بنتي هذاك هو سهم اي واحد كي صور بنات الناس حنا في عرس مشي كباري اويلي
ايناس:ربي حسها مزيان و طلعيها و هبطيها
مينا:معندك مناش تخافي

ضحكو كملو العرس حتى ناضو يخرجو و رقية جبدات نزهة ترغب و تزاوگ القضية فيها الحبس و هذه الشي مفيهش الشك لقاو حمزة واقف مع فؤاد لي جا يديهم من القاعة مشات لعندو وقفات عند راسو🌙 رمضان كريم  🌙

        ✳ الجزء 52 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

وقفات عليه كيف الشيطان ترغب و تزاوگ و ولدها مفهم والو مالها سلمى جراتو و عاودات ليه اش وقع و فؤاد كي سمع ليها و العيالات كي تفرجو

حمزة:وا مي و انت علاش كتصوريها واش حماقيتي
رقية:كنت بغيت نوريها ليك
حمزة(حشم قدام فؤاد):ميي شنو هذه الكلام ها هي خداتو و الا مشات البوليس من حقها
رقية:ما عرفت انت معايا او ضدي
فؤاد(غوت): لا حولة و ولا قوة الا بالله مينا
مينا(كانت كتقاد صنادلتها مشات عند فؤاد و وقفات):نعام ا عمي
فؤاد:رجعي التيلي لمرة

مينا:عمي راها صوراتني اش عرفني غادا ولا بعدو تقلب ليها السينتة في داك الرأس و تحطي في اليوتوب ها انا تشوهت بحالكم هما لي مخليين البنات مينوضوش يشطحو في هذه العراسات  و فيها غير النسا يا حصرة قلنا غير الرجال لي فيهم هذه الخصايل ولكن طلعتو كثر منهم

فؤاد:اوا الله يرضي عليك ا بنتي هذا هو المضنون فيك
مينا:عمي انا مدويتش عليك دويت على شمايت
فؤاد:الله يرضي عليك ها هي عتمسح الفيديو قدامك گاه
مينا:الا ا عمي كلامك هو الكبير
عيشة:مينا حشمي من عمك
فؤاد:الله يرضي عليك ا بنت
مينا(خنزرات):صافي واخا ولكن بشرط
رقية:اما هو
مينا(بشر):عتمشي الدخلي عند ام العروسة و تقولي ليها عطيني حقي ديال دجاج ديال راجلي
رقية:واش حماقيتي ولا مالك
مينا:مبقيتش عاطياه ليك

ملقات ما دير شافت في سلمى و جراتها معاها دخلو جهة الطيابة لقات ام العروسة تما حشمات بيها و طيحات بيها الارض هذه التجفيفو معمر رقية تنساها ليها خلاتها ضحكة قدام الناس و جيران خرجاتو ليها و مينا جبدات تيلي و مداتو البنتها تحلو حلاتو ليها و دخلات بلاصة ديال الفيديو و تصاور و مسحات كلشي ولكن مبرداتش ليها رجعات فرماطات ليها تيلي كامل و مداتو ليها خلاتها مصدومات و تغزز سنانها بالفقصة و الغدايد شمتاتها بنت عيشة

مينا:مشي يتيمات راه مشي نسا حرات و لي جا يديرها بينا ردي البال هذه المرة دوزتها ليك المرة جاية نخرجك من عين يبرا

مشات ركبات حدا عمها و ركبو لخرين و زاد رقية دارت كتشوف ولدها متبع الطوموبيل خنزرات

رقية:زيد اولدي زيد معمري نساها ليها
حمزة(حك شعرو و ضحك):يالله الوليدة يالله

ركبو معاه و زادو ميمشيش بالكم بعيد غير طاكسي شدو ليهم مشي لوطو ولفتوها ياكو عقت ليكم اشويطينات