🔥 اكرام توبتي 🔥 ( الدارجة المغربية ) تيما مبارك

الجزء 35و36

🌙 رمضان كريم  🌙

        ✳ الجزء 35 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جات لونبيلونص و هزات شرف معاهم و البوليس حتى هما يعرفو اش كاين صدقو جامعين حتى سميرة و بنتها هي الجيران شهدو انها كانت كتحرشو عليه

داوه لسبيطار و دخلوه نيشان نشوفو حالتو قلبو في جيابو و طلعو تيلي صوناو لاول واحد لقاوه هو حمزة لي كان كي فطر مع مو و باه ختو

حمزة:افاين العشير
***:سلام هذا حمزة ياك
حمزة(ناض وقف و خرج البرا):شكون معايا
***:معاك صبيطار ** هذا تيلي ديال هذه السيد راه تضرب و جابوه السبيطار
حمزة(تصدم):واخا انا جاي

دخل كي لبس سبرديلتو و رقية طلات عليه:فين غادي
حمزة:شي خدمة و انا راجع
رقية:الله يسر ليك اوليد حمزة:ربي يخليك ا ميمتي

خرج من تما و مشا حتى راس الشارع بالزربة و شد طاكسي نيشان الطبيب و هو كي لعب تيلي في يده متوتر و خايف على صاحبو غير وصل دخل كي جري سول عليه داوه حتى العندو كان طبيب  خارج

حمزة:هذا هذا صاحبي لي جابوه واش هو بيخير
طبيب:صاحبك خاصو العملية باش نسدود ليه الجرحة
حمزة:كيفاش مفهمتش كيفاش وقع فيه و فين تضرب
طبيب:الضربة جاتو لكرشو و العندو في راسو خداها باش داخ
حمزة:هو بيخير
طبيب:خاصو عملية
حمزة:ديروها ايه
طبيب:حتى تخلص ا سيدي

حتى تخلص كلمة كتفشل الواحد و هدو هما سبيطارات ديال المغرب حتى تخلص عاد يديرو ليك الحاجة و الا مخلصتيش ميديرها و ها انت مرمي تما منين كنسمعو فلان مات باش مسكين راه دخل الطبيب و مات عرف ان الطبيب معندوش القلب و كي نسا القسم لي كي ادي كي ولي خدام بالوجهيات شحال ما عندك في جيبك شحال ما كتسوى و شرف اليوم تضرب خاصو غير يخيطو ليه قال ليه سير خلص واش حتى لهذه الدرجة نعادمات الإنسانية واش حتى لهذه الدرجة المات ضمير الانساني في بنادم كنشوفو حتى نعياو و نقولو لا حولة ولاقوة الا بالله العلي العظيم

حمزة مشا على سعدو خلص و رجع عاد سي طبيب قبل يدخل عندو و دار ليه العملية او بالاحرى دار ليه جوج غرزات و حولوه البيت و هذه جوج غرزات خلص فيهم 2500 درهم باش دارهم ليه دخل عندو و دخلات الفرمية شافت فيه

الممرضة:راه شوية و يفيق
حمزة:شكرا
الممرضة؛الا كان عيبات هنا خاصك تخلص
حمزة(عقد غوباشتو):كيفاش خلص 2500 درهم لي حطيت كضحك
الممرضة:هذيك غير ديال العملية لي دار طبيب
حمزة:صافي غير سيري

خرجات كتنكر منين حمر فيها حمزة عينيه بقا مع شرف حتى بدا يحل عينيه🌙 رمضان كريم  🌙

        ✳ الجزء 36 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

دخلات معاه الصونطر و تافقات معاهم على موعد لي عيجي فيه و نيت كانت حصة ديك الساعة دخل يشوف القراية كيف دايرة

اكرام:كنتمنى انه ياخد دروس مزيانة
***:كوني هانية اختي الصونطر ديالنا متميز و كلشي كي شهد بيه
اكرام:انا لي عندي اهم هو خويا يتعلم ما ينفعو
***:ان شاء الله
اكرام:كنتمنى ما يجي فين يدخل السنة الدراسية يكون شد للغة ديالو
***:ان شاء الله اختي الله اودي

خلصاتهم في شهر و خرجات كتسبح لله في السر ديالها شدات طاكسي حتى الحومة و دخلات كتشوف نادية غادا كتجري غير شافتها مفهمات والو

نادية:بنتي
اكرام: مالك اخالتي  فين غادا
نادية:ولدي ولدي شرف ضربوه ليا جابو ليا خبارو غادا العندو باغيين يرزيوني فيه الكفرة بالله
اكرام:تسناي نمشي معاك

زادت معاها و نادية كتدوي و هما باغيين يشدو طاكسي مسكينة مبقاتش عارفة اش كتخرج  من على فمها

نادية :نهار الاول قلت ليه ا شرف راه ديك العائلة متصلاحش لينا و هو لا من لمياء نخلاق منها نخلاق من نهار عرفها و ولدي لور لور

(شدات في اكرام و هي ساكتة كتسمع ليها): خرجات ليه على حياتو ولدي مكانش هكدا ابنتي كان كي مشي جنب الحيط ولدي كان مساليم و و حدودي عندو غير نيشان مكعرفش اليكدب مكعرفش يسرق من نهار تعرف عليها و ولدي تبداللللل مااااتتت و خلاتو كيف الحمق معرفت واش ندعي عليها و لا ندعي معاها

اكرام:ستهدي بالله اخالتي راه ربي كبير قادر يردو لطريق الصواب

وقف ليهم طاكسي و قالت ليه نادية فين و هي كتدوي:لا ابنتي لا وليد ولد كرشي حاسة دارو ليه شي حاجة ولدي مسحور مفيهاش شك انا لازم عليا نزورو
اكرام:اخالتي ديري يقينك في الله راه لا يفلح الساحر حيث أتى و انت غير صبري دابا يدير الله تاويل ديال الخير

بقات تصبرها حتى وصلو السبيطار خلصاتو اكرام و دخلات معاها الداخل كتسول و تعود حتى طاحت على البيت ديالو دخلات عندو مسكينة بلا عقل شافتو كي دوي مع حمزة طاحت ليه عند راسو تبوسو و تعاود