✳ الجزء 135 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
هي كانت كتقلب بين حوايج لي تما على لبسو كيف ديالها بالضبط باش متبانش هذه لعيشة و تبدأ عليها بالاسئلة لقاتها و حطاتها فوق الكرسي و جلسات هو كي شوف فيها و الاعصاب راكبين فيه غير صابر و سلام
شرف:مزيان باش متمشيش مغبرة لدار و دم فيك
اكرام:لصقت فيك دمي
شرف(تبسم ليها):ميهمش اهم حاجة هي انت دابا بيخير
اكرام(هزات براسها):يااااربييي مي عتشوف ضربة في جبهتي عتبقا عليا سين و جيم و انا مكنعرفش نكدب
شرف( مد يديه كي شوف جبهة ديالها تبسم و طلع ليها باس ليها ضربة خلاها مصدومة تبسم و هبط راسو كي شوف فيها و وجهم متقارب):دابا عتحيد
اكرام: هااا
شرف(ضحك ليها في وجها):كتاب ليا نشوفك مصدومة
اكرام(نفضات راسها):اممم
شرف(خنزر): صداقة غادا غادا عتكون و منبغي حتى اعتراض
اكرام(قلبها كي ضرب):ضروري غدا
شرف:راه تعطلنا وااه و خصوصا دابا منين شفتك
(غمزها):اش بأن ليك
اكرام(صرطات ريقها):لي بغيتي ولكن واش هدوك عتخليهم يدوزو هكدا راه يقدرو يأديو وحدين اخرين
شرف(تكا على الكرسي):عارف شنو عندير ا اكرام
اكرام؛واخا
شرف(سكت كي شوف فيها كتلعب بيديها متوترة و هو مراقب وجيها كي تنغم بيه و يتبسم باغي يخرجها من الخلعة لي فيها مزالة شادة غير من يديها لي كتحرك بالزربة): الوليدة قالت ليا زينة
اكرام(زادت غرقات في حوايجها)
شرف:ولكن مكدباتش زينة و روحك نقية
(تحنا على رجليه كي شوف فيها):تكايسي عليا ا اكرام بزاف من دقة الأولى تشلطيني بحال هكذا
اكرام(هزات عويناتها فيه حشمانة منو و خديداتها حميمرين):زهواني
شرف(طرطق عينيه):اااا
اكرام(تبسمات غالبة عليه الضحكة)؛زهواني انت
شرف(خرج عينيه و قهقه بطريقة رجولية راقية):كيفاش زهواني تاني
اكرام(ضحكات):كتقول ليا هذه الهضرة يالله شفتيني دابا
شرف:لي شاف هذه الزين و مدواش راه يتحاسب عليه
اكرام:قلتيه غير ليا
شرف؛ربي شاهد عليا اول وحدة تسمع مني هذه الكلام هي انت حيت فعلا شلطتيني ضنيت حتى عييت و في زينك ما جاش على بالي
اكرام:صافي فهمتك
شرف:اش فهمتي
اكرام؛راجلي زهواني
شرف كي ضحك عليها و على عقلها اشنو عطاها اما هي بقات تضحك عليه حتى حبسو بجوج و شاف فيها:زهواني على مراتي صبري مزال ما شفتي تازهوانيت ديال صح المهم الله ينعل الشيطان انا عنخرج انت لبسي و خرجي صافي
اكرام(وقفات)؛واخا
شرف:بلاتي نقول ليك دابا هذه الزين عنبقا نشوفو غير انا
اكرام(حشمها):وووواااا شررررررف
شرف:صافي صافي المهم شفنا ضحكتك يالله انا كنتسناك
خرج و خلاها كضحك عليه بدلات عليها و خرجات هو سد و زاد معاها كي كيتمشاو حدا حدا دار عندها
أنت تقرأ
🔥 اكرام توبتي 🔥 ( الدارجة المغربية ) تيما مبارك
Ação🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
