🔥 اكرام توبتي 🔥 ( الدارجة المغربية ) تيما مبارك

الجزء 33و34

🌙 رمضان كريم  🌙

        ✳ الجزء 33 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند شرف وصل الدار و جلس كي ضرب بالجهد و يعاود حتى خرجات ليه كوثر ختها ديال لمياء غير شفتو تبسمات ليه من قلبها

كوثر:شرف مرحبا بيك
شرف؛كلمي ليا مك
كوثر:مالك
شرف(غوت عليها):كلمي ليا موووووك
سميرة(نزلات كتقاد راسها):مالك ياك لاباس علاش هاجم عليا في داري
شرف:انت لي غادا تدعيني على قبل بنتي
سميرة:بنت بنتي هذيك ا سكايري ديال الخلى

شرف(جمع يديه على شكل قبضة):و ديني و ما تبعدي من طريقي و طريق بنتي حتى نوريك هذه السكايري اشنو كي سوى الحد الان مزااال ساكت على شنو درتي انت و بنتك

سميرة:شنو درت گاع اسمعني هاااا هز راسك و سير بحالك من لهنا و بنت بنتي عناخدها بالقانون
شرف:سمييييررررة دعوة عتنازلي عليها و عتخطيني و الا والله حتى نقلبها على مك و نوريك لعب مع شرف السليماني بشحال كي طلع راك مزال ما كتعرفينيش سولي بنت عليا تقول ليك
سميرة:لي فجهدك ديرو ا عيفت الرجال
كوثر:صافي ا مي صافي يالله ندخلو عافاك
شرف:انا كنقول ليك انا علمتك ا سميرة

سميرة(خرجات ليه و هي هازة في يديها ياجورة):سير بحالك من لهنا سييييير
شرف:انا عنوريك غير بلاتي لا انت لا داك الرويجل ديالك لي يالله خرج من الحبس

هما كي دويو وقف عليه واحد مخنزر اش نقول ليكم وجهو مخصر و ضارب ليك الخط في راسو و يديه كاملة هابطة بالزيزوارات غير شافو شرف و هو يخنزر مشا ليه نيشان عطاه بروسيا حتى طاح الارض و ولا ناض هذا كي عيطو ليه العرج حيت رجليه ناقصة و كي عرج ليها ولكن منوض فيهم الرعب في الحومة

كوثر(غوتات):شرف شرف عنداك راه غدار عنداك
شرف:جاي تمد يديك عليا اشماتة اااه
العرج(ناض و تشاد هو و ياه):عرفتي شحال و انا كنحسب ليك ا ولد نادية ليلة نحي مك جيتي حتى السيكتور ديالي و منكرموكش
شرف:كرم مك الق ***

تزايدو في الهضرة و المطايفة كبرات بيناتهم و سميرة مكاين غير عطيه و ربيه و كوثر كتبغي تفك ولكن ولا صحاب ديال العرج تحاماو عليه و بقاو غير كي عطيوه كاين لي جاي قالك باغي يفك ولكن العكس صحيح عطاوه الضرب الرأس بالكلامونيط حتى طوش الدم و كملها العرج منين جبد موس صغير و خشاه فيه

سميرة تصدمات كانت باغياه غير يربيه بالقتلة العصى ولكن طلع العكس تعكس ليها صدقو قاتلينو غوتات غوتة وحدة

سميرة:اش درتي المسخوط اش درتي

شرف طاح غارق في دماياتو و الجيران كلشي كي تفرج اما العرج هو و صحابو هربو من تما قبل ما يجيو البوليس🌙 رمضان كريم  🌙

        ✳ الجزء 34 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند اكرام لي ناضت صباح و صلاة كيف عادتها و بقات تقرى القرأن حتى كملات و حطاتو ناضت الكوزينة دارت المسمن على حقو طريقو و براد اتاي و حطاتو فوق الطبلة و بدأت تنغز ادام اما مها ناضت الطوليط حشاكم

اكرام:ادم
ادم؛امممم
اكرام:ادم نوض المعگاز نوووض
ادم(حل عينيه):مالك اختي
اكرام:نوض عنمشي معاك صونطر اللغة نوض
ادم:و خليتي نعس
عيشة:عتنوض ولا عنجي ليك بصندالة
ادم(ناض قافز):هانا نضت
اكرام:تخاف ما تحشم

(شافت في مينا هزات مخدة و شيرات عليها)؛نوضي انت
مينا:واااا اكرام واش انت كتفيقي على نبوري باغيا كلشي يفيق
اكرام(نتفات ايزار منها):الفياق بكري بالذهب مشري نوضي راه باقي تابعاك الخدمة نوضي
مينا(ناضت كتحك عينيها):ها هي نايضة

ادم هز راسو و حتى هي شافت فيه و هكا ينوضو كي تصابقو الطواليط حتى دخل ادام كي ضحك و هي جابت ليك الربحة في الارض حتى اكرام و عيشة بقاو يضحكو عليها

عيشة:انوضي نوضي
مينا(كتحك):امي يا مي يا مي يا مي سير ا ادم بغيت ليك السالمة اخويا
عيشة:الله ينجيه ياك اليهودية كتعايري خوك
اكرام(كبات ليها اتاي):اجي تجلس حتى يخرج
مينا(كتحكها):اااح والله حتى تقصحت
عيشة:الطيران اي فيك

سمعو الخطاوي كانت ايناس دخلات مبتاسمة: صباح الخير عليكم
اكرام:زيدي زيدي مرحبا
ايناس:اويلي ا مينا مالكي
اكرام(ضحكات):جابنت الربحة
ايناس(خرات عليها بالضحك):بصحة
مينا:امممم زوينة هذه
ادم(خرج كي فرنس):زيونات مبروك
مينا(مشات ليه و طارت عليه بعضة):ياالله الحمار بعد مني

دخلت الطواليط و خلاتهم كي ضحكو عليها تما ايناس جلسات تفطر معاهم حتى خرجات مينا و بدلات عليها و جلسات معاهم غير كملو ناضو يخرج هي كتلبس صباطها و ايناس كطل حتى كملات و خرجو مشادين المجال حيت دار معاهم نوفل فيه عيتلاقاو اما اكرام خرجات هي و ادم الصونطر باش يدير اللغة