🔥 اكرام توبتي 🔥 ( الدارجة المغربية ) تيما مبارك

الاجزاء 199 200

✳ الجزء 199 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

دخلو بجوج و شرف كي سرح عينيه في المحال و ولا شاف في السيد اما التاني كان كي شوف في شرف و اكرام و تبسم ليهم

***:اش حب الخاطر ا سيدي
شرف:بغيت نسولك على الدهب بشحال ساوي هذه الايام
***:عندكم الزهر طالع هذه الايام
شرف(شاف في اكرام):جبديه

اكرام جبداتو و حطات صنادق فوق الطبلة كانو جوج خواتم و الدبيلجات و كانت سنسلة العنق و زيد عليها جوج مقافل حطاتهم ليه و السيد كي هز و يشوف ستغرب حتى شك بلي سارقينهم حيت منين شاف اكرام مدوات ما تكلمات دخلو الشك لا يكون شي راجل معاه

***:منين جاكم هذه الشي
شرف(عقد غوباشتو):شكتقصد
***:مرة ولا راجل
شرف(زير على يديه مان عيخلي دار بوه اكرام بركات ليه على يديه):مراتي هذه ال**
اكرام: شرف

جبدات ليه لاكارط و تواصل ديال هذه الشي عطاتوم لشرف مدهم ليه شدهم كي شوف و يعاود خنزر و نتف ليه لاكارط حيت فيه تصويرة اكرام

شرف:تأكدتي ولا مزال
***:غير سمحلي بزاف والله
شرف:اوا مزيان على العموم شحال تشري
***:بلاتي نعبر

خداه عبرو و عاود شاف فيه:عيجيوك 3 المليون
شرف:علاش بسلامة
***:هذه الشي لي نقد عليه
شرف:غير هذه 3 مقيفلات ساوين 7000 الف باش شريناه
***:اوا باش تشريه تمان و باش تبيعو تمان اخر

شرف شاف في اكرام و ولا شاف فيه هنا زادت معاه كتشطر و حيت عارفة البيع و شرى و تحربات عليه  بقات مني منك مني منك شرف كي دخل بعد المرات منين كي شوف العين حمارت هي كتقول 5 و هو كي قول 3 خرجو من تما و 4 المليون في يديهم زيرات عليه و هي كتشطح بالخلعة لا يجي شي واحد و يطرو ليهم الساك

رجعو الدار و دخلو البيت و سدو عليهم شاف فيها شرف و باس يديها فكاتو من محنة دايزها الكلام خصوصا ان القهوة هي مصدر رزقهم الوحيد جلسو على سرير و جبدات الفلوس شافت فيه و مدات ليه 3 المليون

اكرام:شفتي مي كان عندها الحق الدهب كي نفع وقت الحزة
شرف:عنرجعو ليك كامل
اكرام:مشي مشكل دابا حنا مزيريين و حتى انا عنوض نتحرك و نرجع نخدم في المحال بركة عليا من الكسل و الخمول في الدار
شرف(تبسم):اكرام
اكرام:نعام
شرف:شكرا بزاف خيرك معمري ***
اكرام(حطات يديها على فمو):علاش مصر تجرحني بهذه الهضرة علاش
شرف(باس يديها من الداخل و تنهد):قد ما شكرتك منوفيش وقفتك معايا
اكرام:كتدوي بحال الا غريبة عليك
شرف(دور يديه عليها و عنقها):لهلا يخطيك عليا ا عمارة داري
اكرام:و الا كنت عمرت دارك بصح خوي داك البيت
شرف(خنزر):يكون خير
اكرام:كنتي مواعدني قبل الزواج تعاود ليا شكون هذوك لي بغاو ياديوني و قلتي حتى تجي لدارك و ندويو
شرف:باقي عند وعدي
اكرام:و منعرف تكون نسيتي ولا شي حاجة
شرف(ضربها لراسها):حمقة
اكرام:خاصني نمشي لدارنا مينا عتكون كتسناني دابا نعاونها امم فين هو قفطاني