🔥 اكرام توبتي 🔥 ( الدارجة المغربية ) تيما مبارك

الاجزاء 297 298 299

✳ الجزء 297 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في الصالة حاطين يديهم على خدمه جميع المشاكل تحلو الا فؤاد لي مقصح راسو معرفش علاش الولد عكيهترف باسم ايناس اش بغا حطات نزهة طبسيل ديال شواء على قدو معاهم الكتف مبخراه عيشة و الموناضة فوق الطبلة واخا العيد خرج ولكن الام المغربية تحوش ضروري فؤاد هز قطيب و شاف في نزهة

فؤاد:نوضي غوتي لايناس تعشى معانا
نزهة:واخا
ادم:عمي
فؤاد(شاف فيه):نعام اولدي
ادم:السالعة لي في ديبو عنحتاجوها
فؤاد:شي عنطلعوه السوق شي عنرجعوه لمولاه حيت معنحتاجوهش
ادم:واخا
عيشة(كتشوف في ايناس جاية و تبسمات):ها انت ا خويا فؤاد بنات الدار كي مشيو وحدة من مور وحدة اكرام تبعاتها مينا و ايناس ان شاء الله تهنى في دار راجلها
نزهة(عضات شفايفها كتغمز):زيدي ابنتي
عيشة:أجي جلسي حدايا
فؤاد:أجي لهنا گلسي

ايناس(مشات جلسات و مد ليها طرف من الكف مبخر و نزهة كتاكل و تشوف فيها)

فؤاد:خودي
ايناس(مدات يديها حيت خايفة يكمل عليها و هي كترجف)
فؤاد(كي ياكل و كي دوي معاهم كاملين):في هذه الحياة دايرة كيف الغابة الا محظيتيش راسك ينهشوك الدئاب خاصك تكون سبع باش تقدر تحارب معاهم و انا ما حطيت عليك يدي الا و حسيت ان تربيتي فيك مشات و تيقتي بيك تزعزعات
ايناس(كتمسح عينيها من الدموع): مدرت حتى حاجة خايبة
فؤاد:عارف و هذه الشي باين و واضح ليا و حسد بنادم فاش يقدر يوصلو ولكن راه قادرة تشوهك مفكرتيش فيها انت
ايناس:كاين المخزن في البلاد
فؤاد:مبقاتش في المخزن حيت منين كي طيح الفاس في الراس غير حنيه و خليه يدوز
ايناس:الا بغيتيني نبقا في الدار معنديش مشكل غير متبقاش شاد عليا من جيهتك ا بابا

فؤاد(دار عندها و مد يديه عنقها و هي كتبكي و تشهق عزات عليهم و هو كي دوز على شعرها):يالله كولي كولي حتى نشوفو حريرة داك الخطية لي جبتي ليا جاي يهددني انا زوينة هذه

ايناس خرجات عينيها و دارت عند مها لي كتقول ليها كولي و سكتي في عز ماكلتهم كي سمعو الزغاريت عند الجيران معرفو شكون منين تصالحات مع باها ناضت تردد فوق السدادر و طلعات تطل لقات الزغاريت جاية من دار شرف

نزهة:انزلي المسخوطة
ايناس:وااامييي واقيلة هبة تزوجات
عيشة:علاش عندهم هذه الزغاريت
ايناس:سمعي

ناضت عيشة هزات تيلي تصوني على اكرام جاوباتها ولكن سمعاتهم كي زغرتو فرحانين و شرف حداها كي دوي

عيشة:ياك لاباس ا بنيت اش هذه زغاريت
اكرام(ضحكات):خالتي قالت ليك بافيت تفقص العديان ا مي
عيشة:علاش
اكرام:حيت أنا حاملة
عيشة:هاااا اربي ربي لوووووووووووووليييي مبارك و مسعود بنيتي الله يفك وحايلك على خير ابنتي الله يفك وحايلك على خير
نزهة:اش اش
عيشة:اكرام حاملة
ايناس:وااااااااع حلفي
فؤاد:سكتينا
ايناس:حيد ا ادم حيد