🔥 اكرام توبتي 🔥 ( الدارجة المغربية ) تيما مبارك

الاجزاء 234 235 236

✳ الجزء 234 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

داك الملاك داز و كيف قالت اكرام لمينا فين ما تبغي شي حاجة تغوت ليها حتى ماكلتها طلعات طيبات ليها بيديها و جلسات حداه و طيابات غير كي شوفو مهامهاش الواحد منين طاب هزات طبسيل و سمات الله غسلاتو و عينيها على الطنجير عاد مشات حطات فيه و هزات الخبز و نزلات عندها البيت جلسات حداها و كتاكل بشوية عليها و مرتاحة حيت ختها لي قائمة بيها منين سلات غسلات يديها ورجعات

ما هي شوية حتى جات عندها عيشة و دخلات عندها كتوصيها على راجلها و حياتها و ترد ليها البال منين دواو هي مينا براسها دارت مناقص من شي عرس غير ملاك راه عرس نيت بقاو معاها حتى خرجات من تما بصلاة على نبي مشاو ركبو باش يمشيو الدار كانت الكبيرة كتسناهم اما اكرام و شرف منعرف فين غبرو حيت الوقيتة ديك الساعة كانت 3 مع الفجر نيت

غير وصلات الدار و بغات الدخل تزير عليها قلبها و مبغاتش محاملاش دخل الدار مباغياش دخل ليها رقية جات من موراها و دوات

رقية:يالله الآلة العروسة زيدي
حمزة(شاف فيها و ولا شاف في مينا و دوا في ودنها مسمعهم حد):ها عار الله زعمي زعمي ا حبيبتي يالله
مينا(دموعها سايلين):فين اكرام
حمزة:عتجي عتجي يالله غير زعمي

دارتها في يد الله و حطات خطواتها و دخلات معاهم نيشان الطبقة ديال ليت حمزة دخلات كان معدل و مصايب سد عليهم حمزة الباب و فك ليها التاج و الداكش يلي عندها فوق راسها

حمزة:ها انت عنخلي ليك الحوايج بدلي ياك و صبري على ما تجي اكرام
مينا:حمزة
حمزة:يا روحو
مينا:مبغيتكش تبقا حدايا
حمزة:ك كيفاش مفهمتش
مينا(هزات عينيها حومر و دوات):بعد مني متقربش ليا
حمزة:مينا تهدني
مينا:واااا خرررررررج متقربش ليااااا خررررررررج
حمزة(شد ليها يديها):مينا صبري واخا صبري
مينا (كتنتر ليه في يديه):ووووو خررررررجججج بحااااااللللك محاااااملاااااااش نشووووفك خرررررججججج

التحت سمعو غواتها طلعو كي تجاراو متفاهمين والو فتحو عليهم الباب و مينا كتغوت يخرج و هو معافر معاها حتى دخلات عندها الكبيرة كتقرى عليها شوية القران و مينا على فمها غير حمزة يخرج حيت محاملاش الشوفة فيه

الكبيرة:مالها اش درتي ليها
مينا(دموعها خيط من عينيها):قولي ليه يخرج عافاك محاملاش نشوفو ولا نشوف وجهو
رقية(خنزرات):اواااا شفتك غير ضربتي الكاغيط وليتي تحكمي
مينا(غوتاات):سكتييييييييي
الكبيرة:انت في عار الله ابنتي

يوسف شد حمزة و خرجو على برا و هو مفاهم والو كي سولو و يعاودو مالها اش دار ليها و هز براسو معارفش اصلا شاد راسو غير بززز حيت اعراض لي فيها فيه حتى هو ولكن هي لي وأكلة الضق كثر منو باش توصل ان شريك حياتك ميبغيكش تشوف فيه حتى الشوفة راه ميتقبلهاش الدماغ✳ الجزء 235 ✳