🔥 اكرام توبتي 🔥 ( الدارجة المغربية ) تيما مبارك

الاجزاء 127 128

✳ الجزء 127 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرجات من الخدمة مع 2 و خلات ايناس حيت كي تناوبو شافت لوطو ديالو كي تسناها مشات ركبات حداه و سلمات عليه من بعيد

مينا:سلام
حمزة:وعليكم السلام
مينا:شوف فيا الموت جوع شوف سير صناك ناخد صوندويش
حمزة:عندوزو ناخدو طنجية معتبرة و ندويو على زواجنا
مينا(تنهدات):غير خليها على الله معرفت كيفاش عنقولها لماما والله
حمزة(دار شاف فيها):عتقولي ليها داك ولد الناس بغاني الحلال صعيبة هذه
مينا:حمزة واش نسيتي مك شنو دارت فينا
حمزة:عارفك مسويهلاش ليها

غمزها حتى ضحكات وقف و نزلو بجوج دخلو مشا هو طلب الطنجية و رجع جلس مقابل معاها و كي شوف فيها و يكملو هضرتهم

مينا:داوية بصح ا حمزة انا تقبلتك واخا و ماما راه مستحيل
حمزة:انت دابا عتزوجي بيا ولا بمي
مينا:بيك طبعا

حمزة:مينا قاد نسكنك بوحدك مشي بعيد عليا هذه الحمد لله بوضيفتي انت مشي مجبورة تسكني معاها في نفس الدار و انا مشي واحد ولد مو لي نسمع ليها الهضرة بزاف

مينا(حطات حنكها على يديها):عارفة راه باين و واضح
حمزة:اش درنا
مينا:لي قالو عمي هو لي عيكون
حمزة:عمك باين عليه موافق خاص انت توافقي و عارف حتى اكرام عتكون موافقة بزيها على مك كيف عنبززها على مي

مينا(تنهدات):حمزة انت معارف والو منقدرش نضر مي و نقول ليه عناخد ولد رقية صحة مي راه هي كلشي عندي هي لي خدمات علينا منين مات با ضربات علينا الكرفي بالمزيان حتى كبرنا لا منقدرش نبزز عليها

حمزة:و انا كنبغيك و باغيك شنو نيدر نشنق راسي
مينا:حمزة حشومة عليك انا مقلت هذه الهضرة
حمزة:اوا هي هذه ا مينا
مينا:متخيرينيش بينك و بين مي راه عنختار مي ا حمزة حيت متعوضش ليا
حمزة:مكنقولش ليك تخيري بيناتنا كنقول ليك حطيها امام الامر الواقع و سلام واش انت مباغانيش اااه قولي
مينا(صرطات ريقها):صافي ا حمزة
حمزة:شوفي فيا و نطقي
مينا:ضروري باغاك

حمزة:اذن عتمشي عند موك و تقولي ليها ا مي راه انا و حمزة باغين بعضياتنا و عنتزوجو
مينا:راك مكتعرفش عيشة المهم دابا نشوف نسيبي يدوي معاها

حمزة:شرف فك حريرتو بقا غير حريرتي
مينا:اشمن حريرة عاود
حمزة:والو والو
مينا:حمزة متجننيش دوي
حمزة:و صافي ا مينا
مينا:الا مقلتيش عنمشي نقلب عليه ديك القهوة و قوووول
حمزة:باغي ختك تمشي تشهد ليه في المحكمة على قبل بنتو
مينا(خرجات عينيها):واش هذا تسطاااا
حمزة:صافي ا مينا قلت ليك متندمينيش

سكتات عتاكل جنابها هما حالة الطنجية زادت كتاكل بالفقاصي و كتدوي و تجمع الدعاوي لشرف مخلات غير لي نسات و هو كي ضحك عليها منين كملو ناضو وصلها الدار و كي وصي و يعاود تقولها لمها و هي غير واخا كون هاني

دخلات الدار كتقلب على اكرام و غوتات ليها حتى دخلات عندها البيت:سيدك شرف مولاي السلطان نسيبي العزيز من دابا عيبدا يجرجر فيك في المحاكيم على قبل بنتو يا لالة نوضي فيقي و عيقي✳ الجزء 128 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في الوقيتة لي كان حمزة كي قولها ليها شرف كان سول اكرام و هو حامي تعابير عينيها و يتاكد واش تبغي على قبل بنتو تمشي او لا صغر عينيه حتى بدا كي شوف غوياتها كي تكمشو دليل على ابتسامتها

اكرام:من فرحات عليا نشهد لشمس
شرف(كي شوف فيها):متأكدة
اكرام:اه متأكدة
شرف:علاش

اكرام:حيت أنا اكتر وحدة عارفة مسؤولية الاب في الدار و عارفة كيفاش البنت الا مكانش الاب ديالها معاها كتكرفص بزاف و على حساب ما شفت ا شرف شمس معتعيش مرتاحة مع خالتها حيت مجهدة كثر من لقياس

شرف:يعني معندك مشكل انك تمشي تشهدي ياك
اكرام:الا كان على قبل فرحة ديال شموستي معنديش المشكل
شرف:شكرا بزااف

تبسمات و هبطات راسها مبتاسمة هو كي شوف فيها دور راسو كي لقا المرة كالقة ودنيها عندهم و هي كتعزل الحوايج صغر عينيه و ولا نطق

شرف:كاين شي مشكل الشريفة
المرة:ها لا اوليدي كنت غير كنعزل
شرف:شفتك طالقة ودنيك عندنا ما باين عليك حالة شريان
المرة:لا بشحال هذه الشال
اكرام:هذيك سبنية و  ب 30 درهم
شرف:حطي الله يرحم باك و درگي زلافتك
اكرام:شرف
شرف(غوت على المرة):ياالله تحركي

مشات المرة كتنگر و شرف شاف في اكرام مخنزر:طالقة ودنيها و تقول ليك لا زوينة هذه عندها
اكرام:صافي ا شرف ها انت جريتي عليها
شرف:راه خاص عمود باش يقادو
اكرام:باز والله
شرف(ناض و دار يديه من مور ضهرو):اكرام
اكرام(ناضت من تما و شافت فيه):نعام
شرف:كون غير عجلنا بصدقة ا اكرام علاش هذه الشهر كامل
اكرام:دازت منو سيمانة صبر شهر التاني
شرف(حك شعرو):انا مشيت بيناتنا تيلي

تبسمات ليه و هو خرج من تما كي مخنزر اصلا عرف المرة شكون حيت متخفاش عليه مرات العرج بنت الهم مصيفطاها سميرة العندها تعرفها دخل القهوة و رجع الخدمتو و هو كي خطط متشوفوهش عمدا مهدن و مداير والو حيت الحد ساعة راه مزال ما بدا حتى دوز ما محكمة بنتو ديك الساعة عيبدا يتحرك

اما اكرام جمعات داكشي حين كانت 4 و خرجات و كنحس بالراحة حتى نضرات الناس مشات مبقاش كيف شحال هذه كلشي كي نعت فيها بالعكس ولا كلشي كي عطيها الاحترام دخلات الدار سلمات عليهم وطلعات تبدل حوايجها و تصلي حتى كتدخل مينا كيف الرعدة قالت ليها لي كاين

اكرام(كتشوف فيها):فراسي
مينا(صدماتها):فوقاش قالها ليك
اكرام؛مشي مهم
مينا:معتمشيش ياك
اكرام:داكشي متعلق بشمس بنتي هذيك
مينا:موالدهاش خليه هو يمشي
اكرام(دار عندها):هي معزيزاش عليك و هي كتقول ليك اتوووو بداك الفيم صغيور ديالها
مينا:مشي هذه الشي قصدت ولكن انا كي بان ليا شرف كي ستغلك
اكرام:شرف بغاني نعاونو بكوني مراتو صافي متزيديش فيه
مينا:اوا ديري لي بان ليك غير منين قالها ليك و انت عارفة بركة

مشات بدلات و خلات اكرام بدات صلاتها خرجات من البيت و نزلات عندهم التحت تجمه معاهم