🔥 اكرام توبتي 🔥 ( الدارجة المغربية ) تيما مبارك

الاجزاء 294 295 296

✳ الجزء 294 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند اكرام لي 4 ايام و هي قاطعة عليه الماء و ضوء و حتى انه مبقاش كي شوفها قليل حيت ولا كي عمر بزااف في القهوة حيت فكرة انها غضبانة كتقهرو حيت مكقدرش يقرب منها و يقول ليها داكشي لي فقلبو من جيهتها حيت هي سكان عليه هذه الباب ولا كي صيب راحتو و يروي شوقو ليها غير في ليل و في نفس الوقت ميقدرش يسمح فيها حيت كي جهاد عليها الحريق و مكتلقاه غير هو جنبها

جالسة كتنقي الزرع مع نادية في سطح على طبيلة صغيرة و من الفوق مغطيين بايزار كبير شاد ليهم على الشمس شمس كتلعب جنبهم و تنقز و شوية سرحات بعقلها مبقاش معاها نادية هزات راسها لقاتها مشات و هي تنغزها

نادية:فين مشيتي ابنتي
اكرام(شافت فيها):معرفتش واش ضلمت شرف معايا دابا ا خالتي
نادية:اش درتي ليه

اكرام(تنهدات):صرحة ا خالتي يمكن زدت في ردة فعلي بزااف مكانش خاصني ندير هكدا نهائيا و نقطع عليه شي حاجة هو من حقو لمياء كانت مراتو و عاشرها سنين مشي غير لبارح و زيدي عليها هو قال مكانتها
(شافت فيها):ضروري ما تكون عندها مكانة في قلبو غير انا لي الله يهديني

نادية:كل واحد ا بنتي عندو في قلبو ناس عزازين عليه و كي بغيوهم لمياء جزء من حياة شرف انت معتقدريش تحيديها من هذه الوجود و كيف ما هو ميقدرش يحيدها من هذه الوجود نهائيا شرف حتى هو بنادم و اكيد عيراعي ليك كنشوف سلوك معاك تصرفات معمرو دارهم مع لمياء نهائيا شفتي الماكلة ا بنتي معمرو سبقها عليه كي جي ياكل و نوض اما أنت لا من لي شفت راه داير ليك قيييمة و كبيرة بزااف

اكرام:كاين فرق بين مكانة و القيمة ا خالتي
(شافت فيها):واخا هكداك مكانش خاصو يقول ليك مراتي في عقلي واش انا ساكنة غير في عقلو واااه
نادية:هداي عليا جلسي انت و ياه فوق الطبلة و تحتو و دويو انا في العشية عندوز عند المباركة على حساب العقاد و انت جلسي معاه و دويو على راحتكم

هزات براسها و كملات معاها تنقية منين سلات ناضت كباتو ليها في الخنشة و عاوناتها هبطاتها السفلي و طلعات الفوق نصبات الغدا و دارتو يطيب و جلسات في البيت كتقرى الاذكار حتى طاب و ناضت طفات عليه شوية سمعات زطامي في الدروج قلبها بدا كي رفرف و شكون من غيرو هو لي طالع يهز ليه ما ياكل دخل مشافش فيها و هي تنهدات شافتو غادي الكوزينة غوتات ليه

اكرام:شرف
شرف(دال عندها):ياك لاباس
اكرام:بغيت ندويو
شرف:فاش
اكرام:في هذه الشي لي حنا فيه

خنزر حيت اصلا معصب مع فؤاد و صامد لي كي تحلف مقادرش دوي هو و باها يشد ليها الخاطر حيت اصلا هو معندو خاطر خاف يبداو الهضرة و تقول ليه شي حاجة ميتحكمش في راسو و يصدق معورها معاها دابا