🔥 اكرام توبتي 🔥 ( الدارجة المغربية ) تيما مبارك

الجزء 39و40

🌙 رمضان كريم  🌙

        ✳ الجزء 39 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

اما عند لالة نادية كانو صولو قبل من اكرام دخلوه الداخل و قادوه في بلاصتو خرج حمزة يجيب ليه الدواء و داز على شمس جابها من الحضانة ديالها كي ضحك معاها اما نادية جلسات حداه و هي مخنزرة

نادية:حالك معاجبنيش ا شرف  اولد كرشي مبقيتي كيف كنتي
شرف(هز يديها و باسها):مدرت والو هما لي تهجمو عليا
نادية:غير هكاك شنو عندك في داك الرأس
شرف:معندي والو امي خليني في تيقار الله يرحم الوليدين
نادية:اممم دابا نشوفو

(ناضت):اااربيييي حبيبيييي سيري ا سميرة كيف بغيتي ترزيني فكبدتي بغيت ربي يرزيك في ما عز عليك ياربي راك عالي و عالم دعوة بيهم لله ليوم الدين

شرف(شاف فيها):مي
نادية:شنو
شرف:بغيت نسولك
نادية:فاش
شرف:اكرام

مزال ما كمل كلامو خنزرات فيه؛متصلاحش ليك البنت تاقلها و قيلها عليك داك الدماغ راه ناوي على خزيت و هي بعيدة عليك عطيها التيساع

رمات ليه الكلام و هو فهم خنزر و شاف قدامو نادية صغرات عينيها:سميرة عيبقاو شادينها البوليس حتى تنازل ليها
شرف:خليها تربى شوية
نادية:انت تعرف اولد كرشي

خرجات من عندو هو هبط راسو ليديه لقاه مزير عليه معاجبوش كلام الام ديالو كيفاش متصلاحش ليه مالو مشي بنادم هز راسو في صورة ديال مراتو

شرف:واعدتني و خنتي العاهد حتى انا هذه الوعد عنخونو كيف ديرتي ا المياء و من اكرام بنت عيشة نخلاق درتها في راسي بيها عنحمي بنتي

غراضو غراض فيها و عينيه عليها باش دوا هو و حمزة كان طانز ولكن كي بان ليه حمزة باغيها بصح مشي كدوب و هذه الشي باين من عينيه داكشي علاش عيفطر بيها قبل ما يتغدى بيها حمزة

اما نادية خرجات البرا و جلسات كتلعب بيديها و تحكمهم حتى سمعات الدقان نزلات التحت كتبقا حمزة هاز في يديه شمس تبسمات خداتها من عندو كضحك معاها و دخلاتها الداخل

نادية:حمزة ولدي
حمزة(كي شوف فيها)
نادية:معارفش شرف مالو و اش بيه
حمزة:لا ا خالتي
نادية:ولدي تبدل بزااف و مبقاش شرف لي كنعرف تحت منو واد سكوتي اوليد
حمزة:اش نقول ليك اخالتي شرف مكيقول ليا والو حتى انا مخبي عليا شحال من حاجة والله
نادية:الله يدير تاويل الخير
حمزة:انا مشيت
نادية(حلات ايه الباب):سلم على مك اوليد
حمزة مبلغ

سدات الباب هزات شمس و طلعاتها البيت🌙 رمضان كريم  🌙

        ✳ الجزء 40 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرجو على صباح مشاو الحانوت اليوم عيجيبو ليهم المعدات ديالهم لي خاصهم اما في هذه شهرين جاوو شافو الموقع و باين عليه انهم عجبهم وقف معاهم نوفل على الوراق و كلشي لي يحتاجوه الا الكونطرة مزال ما تسناتش حيت منين جات الدار و قراتها اكرام عليهم حيت دومين ديالها لي قرات ليه هو هدا معجباتهاش و غير عيغرقو راسهم في مشاكل هما في غنى عنها

تنهدات كتشوف مينا لاجونص من الباب كانت عاطية العين حتى و بقا ليهم غير يبداو الخدمة

ايناس(غوتات ليها):مينا
مينا(دخلات عندها و شافت فيها):ياك لاباس
ايناس:نوفل غوت ليا خاصني نمشي على حساب السطاج عنبدا معاهم باش نقدر نشد البلاصة
مينا:فوقاش دار معاك
ايناس:غادا ان شاء الله
مينا:مزيانة الله يسر
ايناس:امين

طلات كنلقا فؤاد جاي تبسمات ليه و هو دور يديه على مينا مفتاخر بيهم:مبروك عليكم المشروع
ايناس:الله يبارك فيك بابا
مينا:الحمد لله
فؤاد:يالله خلصو ليا واحد أورونج
مينا(تبسمات):هي الأولى

دخلات الداخل و جلسات و ركبات نمرة و شافت فيه:عندك 200 درهم
فؤاد:لا غير 199
مينا(بدلع صغير):وااا عميييي درهم ديال سيستيم
فؤاد(ضحك مد ليها 200):هاكي ابنتي

خدات كتخلص و هما كي ضحكو دخل واحد كي شوف و لقا فؤاد واقف سلم عليه سلام رجولي مبتاسم

مصطفى:سي فؤاد هذا
فؤاد:سي مصطفى ا كيف راك لاباس بيخير
مصطفى:الحاميدين الشاكيرين هي شي مشروع درتي ولا كريتيه
فؤاد:هو مشروع ولكن بنيتي و بنت خويا مشاركين
مصطفى:ماشاء الله مزيان مزيان الازبقيتو تسناو ا بناتي الخدمة معمرها تجي خاص انتوما لي تنوضو تقلبو عليها
ايناس:كاينة ا عمي
مصطفى:قولي ليا ابنتي كتخلصو الضو و الماء
مينا:اييه
مصطفى:و تيليفون
مينا(ضحكات):كلشي ا عمي حتى من الشباكية كنصيفكوها
قؤاد(بافتخار ضحك):سمعتي
مصطفى: ماشاء الله الله يسر عنبقا نجي غير عندكم

فؤاد:نوصيكم يالله فتحتو الخدمة عتكون قليلة الكليان راه حجر وطوب و كاين ولاد الناس و كاين ولاد الحرام ردو بالكم و عنداكم ا بنتي من النصابة و صحابين الوقت
مصطفى:و الفلوس المزورة
فؤاد:دابا نضبر ليكم على ماكينة الفلوس واخا غير قديمة تعديو بيها ان شاء الله غير انتوما متملوش راه ان شاء الله ما يكون غير الخير
مينا:ان شاء الله اعمي

ضحكو و خرجو كي تحتو فؤاد فرحان و مفتاخر بيهم و كي تمنى المشروع ينجح ليهم حيت يستاهلو دخلات ايناس و جلسات حداها

ايناس:دابا الخدمة كاملة عتكون عليك هذه 15 اليوم
مينا:عادي دنيا هانيا
ايناس:عرفتي شنو متوترة
مينا:حيت عتلاقاي بالكراش
ايناس(ضحكات):نارييي على ضحيكة عندو ا صاحبتي
ايناس:ا فيقي يعطيك ضربة

سكتو منين دخلات مرأة شافت فيها و خدات طلب ديالها و الجو ديالهم لا يخلو من المناگرة ببعضياتهم منين كملو حتى 8 ناضو سظو و تاكدو مزيااان من الباب لقاو فؤاد كي تسناهم مشاو دخلو الدار و مينا طلعات الدار كتلقاهم جالسين كي تفرجو و تلفازة منقوص منها ولكن صوت اكرام في تجويد القران مخليك غير حال فمك