✳ الجزء 285 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
في الدار يوسف جالس و مكيشوفش في رقية و هي محاملاش الوضع لي فيه الا بغا الحاجة كي غوت لمينا صافي حتى هي شادة الخاطر حتى دوز هذه المحنة كاملة
طالقة القرأن في الدار و هي في الكوزينة كدير الغدا واخا الخاطر مكاين صايبات شوربة ليوسف حتى دخلات عندها رقية
رقية:مكيشوفش فيا حتى شوفة
مينا:صبري ا خالتي كلشي محملك المسؤولية
رقية:و انا لمن عنرميها اااه كبدتي ا مينا كبدتي
مينا(عنقاتها):صافي ا خالتي الله يعطيك الستر كلشي عيتصلح كلشي
الكبيرة:مسحي عينيك ا رقية لي عطا الله عطاااه و ديك البنية بنتنا معنفرطوشي فيها
رقية:و يوسف
مينا(طلات عليها):اوا هااا انت ا ميمة خالتي ياغيا حتى عمي يوسف
رقية(فلتات ليها ضحكة):راها عشرة العمر
مينا:هي الا تصالحتي معاه و راضيتيه مشي انت جالسة ساكتة و هو جالس ساكت واخا يعاتبك ولكن راه ميدوزكش
رقية:عندك الصح
خلاتها و خرجات الكبيرة غمزات:ها هي عتنوض تاني
مينا(دارت تنقي الخضرة):خليها هو لي قرص ليها ودنيها
الكبيرة(ضحكات):ضحكتييينييي ابنيتي والله
مينا:اودي كثرة الهم كي ضحك
كملات الغدا و كتسناو غير حمزة يدخل شوية هو يحط صباطو و دخل سول على باه هو الاول و قال ليه لي كاين هز ليه براسو حطات مينا الغدا و تغداو و هي مع يوسف حتى كمل الشروبة ديالو عاد ناضت هي تاكل منين سلات جمعات الطبلة و غسلات الماعن و مشات طلات على سلمى لقاتها ناعسة خلاتها ترتاح و هبطات جلسات معاهم حتى سمعو الدقان ناض حمزة فتح لقا عبد الجبار و معاه ولدو دخلو الداخل و جلسو غير الرجال مع بعضياتهم
محمد:خويا دارها انا مستاعد نتحمل المسؤولية
يوسف:بنتي تغصبات لقاها نية و ضحك عليها خوك انت لي جاي دافع عليها
عبد الجبار:عارفين لي كاين ا سي يوسف طلبتو حل لقيت غير هدا والله الحاج كون كان بيدي نجيب صفوان حتى لهنا ولكن غالب الله
محمد:سي حمزة حنا راه مشي ناس خايبين و مناويين على والو عارفين و حاسين
يوسف:كون كان عندكم البنات عتحسو باش حسيت تمنيت كون ولدت غير الولاد ولا نولد بنت
عبد الجبار:كي جيب ليك الله ا سي يوسف انا كنقول ياربي من عطيتيني بنت في بلاصت ولد
محمد:حتى واحد ما لقاها كيف بغاها
عبد الجبار:انا اليوم جيت طالب راغب في يد بنتكم سلمى لولدي محمد نديرها بنتي و الولد يتربى بيناتنا معمرك تشوف منا كلام العيب
حمزة:عيب بان من الاول ا سي عبد الجبار
عبد الجبار:هذا لله ا ولدي حمزة ملقيت ما ندير
هبطو راسهم حمزة و يوسف تشاورو و خرجو بقرار و عطاوهم شروط منين هذه الشي عيتصلح و عتزوج✳ الجزء 286 ✳
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
