🌙 رمضان كريم 🌙
✳ الجزء 88 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
مسح على وجهو و تنهد كان عارف جوابها و مكدباتش عليه شرطها في النهاية هز راسو فيها و هو جامع تخنزيرتو تگاد في الجلسة
شرف:معترفضيش حيت عندي بنت
اكرام:قلتها و عاودتها و متخلطش الامور انا دويت عليك اما شمس غير ملائكة مدخلهاش في هذه النقاش
فؤاد:كنضن ا ولدي راه مجبداتش ليك واش عندك بنت او لا
شرف(شاف فيه):منحقها و من حقي نخاف على بنتي و كون
(شاف في اكرام):مكنتش متأكد انك عتديريها كيف بنتك مكنتش نطلبك لزواج
اكرام:كنتسنى جوابك
شرف:واخا الآلة كنعطيك عهد معمري نقرب لطريق الحرام مزال
اكرام(تبسمات):امنا بالله
شرف:دابا كنتسنى جوابك مزال ما عطيتيني جوابك
اكرام(صمت)
شرف:واش قابلة تزوجي بيا
اكرام مكان من جيهتها غير الصمت شرف و فؤاد شافو في بعضياتهم و تبسمو
فؤاد:كي قولو سكوت علامة الرضى الله يكمل عليكم بالخير
اكرام:انا عنمشي ا عمي
فؤاد:واخا ا بنتي
ناضت من تما و خرجات كتفرك يديها مع بعضياتهم شرف رجع لور و تنفس بعمق و اخيرا نطقات
فؤاد:جيب الام ديالك و مرحبا بيك اولدي
شرف:منين وافقات ا سي فؤاد بغيت ندوي معاك
فؤاد:الله يسمعنا خير
شرف:باين على اكرام معتبغيش دير العرس داكشي علاش مكاين لاش نطولو هذه الشي نديرو صدقة من لهنا 15 اليوم و العقد في نفس النهار
فؤاد:اش نقول ليك اولدي لي درتوه و تافقتو عليه في الخطبة انا قابل بيه
شرف:واخا فوقاش نجيب مي و ختي
فؤاد: نهار جمعة مرحبا بيكم
وقف و كي حك جبهتو:نخليك دابا ا سي فؤاد
فؤاد:جلس تشرب كويس اتاي
شرف:مرة أخرى خليتك على خير
خرج من تما و هو مزير على يديه الفرحة معمرة قلبو:و اخيرا مسمار و طرقتو
مشا نيشان العند المحامي و علمو بلي عيتزوج و مراتو و عتجي تشهد ليه في المحكمة و منين سلا داز عند السمسار وقف عليه غير شافو و هو يبغي يكريط من تما مشا شنق عليه🌙 رمضان كريم 🌙
✳ الجزء 89 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
رجعات الدار و دخلات ليها حطات صاكها و حيدات خيمارها و جلسات فوق السداري كترد الروح كانت الدار خاوية و مفيها حد دخلات الكوزينة و جبدات الماعن طلعاتهم السطح و حطاتهم حداها و رجعات هزات الصابون البلدي و السلك و طلعات دارت كرسي و حطاتو جلسات عليه و بدأت حك يا ما تحط حك يا ما تحك
كل حكة بدمعة كتنزل حتى بقاو يتسرسبو غير بوحدهم شرف واحد ما يتساهلش بزاف و هو طالما بغا يتزوج بيها الا و من موراه شي حاجة معندها علاقة بيهم بجوج انما بنتو
مكملات دوك المعان حتى شهد عليها الله و مع هي بيضة خديداتها ولاو حميمرين و نيفها كذلك جمعات و سلات و حطاتهم ينشفو نزلات طلعات الزرابي لي محطوطين في البيت و طلعاتهم فزكاتهم و دارت ليهم صابون و هزات شيتا كتحك و تعاود و شمس گادية في السطح منها راسها شللااهم و وقفاتهم يتسقطرو
حتى كتسمع الصوت الصبابط في الدروج عرفاتها مها و نزهة طالعين في الدروج غير دخلو شافوها خنزرت
عيشة:اويلي ا بنتي
اكرام: استغفر الله
عيشة:شنو كدري راه شمس گادية ابنتي
اكرام:عيبقاو محطوطين اليوم غادا اللهم ندوزهم اليوم
نزهة:خليها تبين على حداكتها ا عيييشة راها عروسة
اكرام(شافت فيهم و تبسمات صواب)
عيشة:دوزي نزلي دوشي انا نسيق سطح
اكرام:غير سيري تقضي شغلك انا نكمل
عيشة:دوزي كوني تسمعي الهضرة يالله
اكرام (تنهدات):واخا
نزلات التحت و دارت الماء يسخن و جبدات حوايجها دخلات الحمام و حطات سطل و طلقات شعرها كتغسلو هو الاول عاد لحمها و خرجات مشات الكوزينة تنهيها على دجاجة تمشي لفلالس صيابات ليهم المرقة بجلبانة و البطاطة و عاد مشات جلسات
الكسدة هنا و العقل الله يجيب حتى هبطات عيشة و طلات كتشوفها جالسة و ساهية مشات باست ليها راسها ام و عارفة كبدتها مهمومة و همها كتخبيه في قلبها و تخرجو في شقا الدار
عيشة:مالك ا كبدتي مالك
اكرام:والو امي
عيشة(ناضت سدات باب الفصيل و رجعات عندها ما يسمعهم حد): قولي اش هانم ا بنتي فاش مهمومة
اكرام:مي واش زربت
عيشة:في هذه التزويجة
اكرام(سالت ليها دمعة):اه
عيشة(عنقاتها):متبكيش ا كبيدتي متبكيش
اكرام:حلمت نتزوج راجل متدين عارف بينو و بين الله راجل لي يقوم بيا و يعرف مصلاحتي و يخاف عليا
عيشة:حتى شرف راه عيخاف عليك اكبيدتي راه عتكوني مراتو
اكرام:هذه الشي لي مخوفني
عيشة:صليتي صلاة الإستخارة
اكرام(هزات براسها)
عيشة:بين ليك الله طريقك معاه
اكرام(هزات براسها)
عيشة:الله يجعل البركة انت خلعة الزواج ابنتي لي دايرة ليك هكدا مزال ممتقبلة عتزوجي معرفتي ربي يجيب الهداية على يديك ستغفري مولاك و نوضي غسلي وجهك و خليها على الله نوضي
اكرام:استغفر الله
بقات معاها عيشة حتى هدناتها و زينات ليها الزواج في عينها و شكرات ليها شرف و زيناتو ليها باش تريحها و تريح قلبها اما حتى هي براسها ممرتاحاش لهذه الزواج خايفة بنتها تقاسي معاه و تعدب و هذه الشي لي ماباغياش
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
