🔥 اكرام توبتي 🔥 ( الدارجة المغربية ) تيما مبارك

الاجزاء 195 196

✳ الجزء 195 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

واقفة في الكوزينة كتنصب و رجليها مهازينهاش و هكداك كتنصب دخلات نادية و شافتها العياء باين عليها مشات حيدات ليها الموس

نادية:اري ا اكرام سيري ترتاحي
اكرام:خالتي غير خلي هذه العشية دوز بيخير ما خاصني هضرة من عندو
نادية:و انا كنقول ليك اري و سيري ترتاحي 
اكرام(باست راسها):الله يعطيك الستر غير هذه المرة عافاك

تنهدات و خرجات هي نصبات اللحم و سدات عليه الكوكوط و جلسات في الكوزينة جامعة يديها و كتشوف بعيد دماغها مشي معاها نهائيا

اما شرف كان مرة مرة عينيه كي مشيو الباب الكوزينة كي قول دابا تجي دابا تجي ولكن تقول واش خرجات من الكوزينة معرفش علاش غوت عليها او منين كان يصوني ليها مكانت كتجاوبو حيت اصلا مسمعاتوش بالشقة و تمارة قال راها نافخة نفخ حتى هو عليها دازت ساعة بالتمام البطاطة مقلية طمحطوطة فوق اللحم و شلاطة البصلة و مطيشة و الخيار مقطعين و محطوطين في طبيسلات

هز راسو السيدة عاد تكرمات عليه و خرجت زيف في يديها قادات الطبلة و مسحاتها مشات جابت الماء و شمس كتهز طبيصلات ديال الشلاظة تحطهم و هي كتضحك مع اكرام و حطات طبسيل اللحم و منضر ديالو كي شهي مشات جبدات زيتون محمد و دارتو في الطبسيل و حطاتو حداه و غوتات الهبة و نادية خرجو من البيت التاني و زادو يتعشاو و هذه الشي كامل بلا ما تشوف في شرف او تدوي معاه واجبها دارتو بالتمام و الكمال

هبة:الله ا اكرام ريحة كتشهي
اكرام:بصحتكم أجي ا ماما تاكلي
شمس(مشات جلسات على حجرها و اكرام كتهز و تعطيها تاكل)

نادية:العياء باين عليك ا بنتي كون غير عيطتو ليا نعاونكم
هبة:شفت التسييقة لي خرجات خالتي نزهة أجي واش خملتو الدار

اكرام(هزات براسها الفم لي عينطق معندهاش)
هبة: ناااري بزاف عليك لبارح هنا و اليوم في داركم
اكرام(شاف في نادية):عرضاتكم مي لخطوبة مينا و حمزة
هبة:كاين ديدجي
اكرام:على الاغلب اه
هبة:انا و ياك نبقاو على شطيح حتى نسخفو
نادية:حشمي شوية خوك گالس
اكرام:الا خلاني خوك عنحظر لتركاب الخواتم و عنجي بحالي
نادية:ناري يا بنتي معتبقايش معاها حتى الاخير

تبسمات ليها و شمس بقات كتنتر حيت شبعات ناضت معاها دخلات غسلات ليها فمها و منين كانت خرجو بكثرة العياء جات طايحة حتى غوتات شرف بلا عقل ناض عندها الطواليط لقاها تقصحات نيت و كلاتها في كوعها✳ الجزء 196 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

نوضها بشوية عليها و دخلها لبيت و نادية مشات جابت التلج دارتو ليها لكوعها لي محاساش بيه و دموع دازو ليها من عينيها على هذه الطيحة اما شرف شد من عندها تلج و شاف فيهم

شرف:صافي غير خرجو
نادية:قلت ليك البنت عيانة و انت بارك عليها طيبي لينا ما طايبي حتى دغمة محطاتها في فمها
شرف:وااااا مي صافي خرجي
نادية:ها هي خارجة

هزات شمس و سدات الباب و شرف كي دوز على كوعها حتى بردات ليها الضربة و هزها باسها ليها

شرف:مكليتيش
اكرام:باين
شرف:علاش هذه الضد كامل
اكرام:انت لي شادو
شرف:انت لي شاداه صونيت ليك و عاودت نعرفك غير واش لاباس
اكرام:صونيت ليك الصباح نقول ليك عنمشي لدارنا على قبل ختي و انت مجاوبتينيش
شرف:كنت مع الدراري القهوة كنعدل الماكنة لي تخصرات مابغاتش تعصر و مقدرتش نجاوبك
اكرام:انا مسمعتكش گاع واش صونتي
شرف:فين كنتي
اكرام:خرجت مع مي نشريو دهاز مينا و منين رجعت صيقت و صبنت عاد ساليت
شرف؛مكليتيش نهار كامل
اكرام(حركات راسها بلا و هبطات راسها):لا
شرف:حتى انا مكليتش نهار كامل و حيت مشهي طياب مراتي مكنتش عارف دوزتي هذه تمارة كاملة
اكرام(هزات عويناتها):كون ما طحتش عاد عتيق
شرف(هز يديه و دوز على خدها):متخرجيني على طوعي بهذه العناد ديالك

(تنهد)حتى انا قيلت نهار كامل نجري من معلم المعلم باش تصايب المكينة كلشي كي قول صافي مشات و المصيبة غاليا بزاف
اكرام:عتشري وحدة أخرى
شرف:الفلوس والو دابا عندي شي بركة لدواير الزمان و سلام عنحاول معاها
(صغر عينيه و نطق و هو كي دوز على كوعها بحنان ): مدازتش ليا الدغمة بلا بيك انا جاي
اكرام:فين غادي

تبسم ليها باس يديها و ناض طل ملقاهمش و حتى من شمس هبطوها معاهم مشا سد باب الفصيل و رجع عند اكرام تحنا هزها و هي كتشوف فيه طل عليها و غمزها حطها على حجرو و مد يديه كي وكلها و يعاود

اكرام:مكنبقاش فاهماك ا شرف
شرف(تبسم):انا مفاهمش راسي ا اكرام
اكرام:كيفاش
شرف:مشي دابا
اكرام:لا دابا ياك لبارح قلتي ليا نجمع حوايجي و نمشي لدار با
شرف:اه
اكرام:ياك قلتي ليا عتنعس في بيت لمياء
شرف:اه
اكرام:علاش منعستيش فيه
شرف:حيت مبغيتش
اكرام:كيفاش مبغيتيش قبيلة غوت عليا و دابا مجلسني في حجرك كتوكلني بيديك
شرف(هز راسو فيها و زفر في وجها): اكرام متسولينيش أسئلة انا معارفش الجواب عليهم اصلا منين جيت و انا مشهي مكلة مراتي و فرحت حيت مخليتيش الوليدة طيب هي واخا قلت ليها سيري متخليهاش طيب راسها
اكرام (هبطات راسهاو توسعات ابتسامتها و ولات هزاتو ليه): شبعت

ناضت من عليه بغات تجمع الطبلة مخلاهاش جمعها هو نيت و داهم الكوزينة دغيا دغيا دوز عليهم و غسل يديه و خرج لقاها دخلات البيت و كتصلي نيت جلس مقابل معاها حتى كملات العشاء و الشفع و الوتر هزات كفوها هذه المرة كتدعي معاه بالهداية في سرها منين كملات ناضت تنات الصلاية و رجعات تخشات في بلاصتها حداه هو جرها ليه و كيف كل ليلة معنقها