🔥 اكرام توبتي 🔥 ( الدارجة المغربية ) تيما مبارك

الاجزاء 69 و 70

🌙 رمضان كريم  🌙

        ✳ الجزء 69 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

بقاو كي تسناو الطبيبة تخرج من عندها و كلهم كي تسناو شرف رجليه كي فيبري بيهم و هو على اعصابو و مزال ما بردات ليه هز راسو في فؤاد و بدون حشمة او حياء نطق

شرف:يستحسن دير ليها الطبيبة شهادة طبية
نادية:شرف اش هذه الكلام
عيشة:بنتي صفى من الحليب الله ياخد فيهم الحق
شرف(وقف و شاف فيهم):حتى انا دواو ليا على شرفي ا الالة عيشة الا بغيتي حق بنتك يرجع و تهز راسها بين الناس في الحومة خاصني نربيهم على فعلتهم

نزهة:وقيلة عندو الحق
فؤاد:مشي وقيلة راه عندو الحق اكرام كبدتي هذيك مشي غير بنت خويا
عيشة(سكتات و ولات نطقات):الا درنا شهادة و خرجتي بيها الحومة عاد ما عتزيد تبت عليها هذه الشي
شرف؛شكون قال عنخرج بيها الحومة عنلتاجئ القضاء
عيشة(كتشوف فيه)ة: عيتخاد حق بنتي ياك
شرف:ان شاء الله
عيشة:معرفتش واش عتبغي او لا ولكن مصلاحتها هي الأولى  انا نطلبها من الطبيبة

مشاو العيالات ب 3 و قالوها الطبيبة و شرحو ليها لي كاين كامل حتى هي تفهمات و دخلات معاهم و دارو ليها الخبرة بلي مزال بنت و معمر شي حد قاصها عطاتهم الشهادة و مشا شرف و فؤاد عند البوليس قدمو شكوى في البلاصة القضية ترونات و البوليس مشاو شدو حليمة و عبد القادر و رباعة ديالها داوهم الكوميسارية

تلاقاو مع شرف و فؤاد بقات ترغب و تزاوك ولكن مسمعوش ليها دخلوها الداخل و رمات كلشي على رقية جبداتها حتى هي و مسكتاتش عودات ليهم گاع داكشي لي قالت ليها خرجو مشاو لعندها الدار

كانو شمتانين زعمة لي اكرام و اش دارت هي و راجلها و بنتها و كي قريو زعمة في حمزة بلي ديك العائلة مكتسواش حتى كي سمعو خبطة ديال البوليس لي الباب ناضت حلات الباب و شافت ليه

رقية:ياك لاباس ا سيدي
بوليس:رقية البولماني
رقية:اييه هي انا
بوليس:تفضلي معانا
رقية:فين اولي

خرج حمزة و باه على صداع مفهم والو علاش جاو:ياك لاباس
البوليس:انت متهمة بالتشهير و تشويه سمعة الغير تفضلي معانا الآلة

هي مبغاتش تمشي جروها البوليس و طلعوها سطافيط و حمزة و ختو و باه تابعينهم سدو الباب و شدو طاكسي مشاو الكوميسارية لقاو فؤاد و شرف جالسين و رقية دخلوها الداخل🌙 رمضان كريم  🌙

        ✳ الجزء 70 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

بقاو واقفين برا و كلشي على اعصابو الا شرف جالس و داير يديه تحت لحيتو كي دوز عليها اما فؤاد كان كي دوي في تيلي يطمن على اكرام قالو ليه مزالة ما فاقت تنهد و خشاه في جيبو

شرف:كاين عليها شي خبار
فؤاد:مزال ما فاقت
شرف؛الله يجيب الشفاء يا ربي
فؤاد:امين ياربي

تنهد:البنت غادا جنب الحيط معمرها ادات شي واحد و كتبغي الخير لكلشي معرفتش شمن مصلاحة عندهم الله ياخد الحق فلي كان حيلة و سباب لحيط لي كانت غادا فيه بغاو يردموه عليها

شرف(شاف في حمزة):امين

بعيد عليه شوي كان متكي على الحيط قرب باه عندو و شاف فيه:واش مك عندها شي علاقة
حمزة (شاف في سلمى و نطق):جاوبي انت
سلمى:منعرف
حمزة:يا عتجاولي يا عندخل مك تكلاصاي حداهم
سلمى؛لباح قالت ليا عيطي على حليمة البركاكة  و راها عمراتها مزيان و قالت ليها بغيت راسها متهزوش في الحومة و راكم عارفين الباقي
يوسف(ضرب يديه مع الحيط):مك غير ديال العصى وانا بارك البنت متستاهلش
حمزة(تبسم):حتى دابا قابل منتزوج بيها و نحيد عليها العين و نخلي مي تخرج
يوسف:واش يحساب ليك عيخليوك تخرجها اااه شنو  هذه الكلام احمزة
حمزة:حل من عندك الوليد
يوسف:حيد من حدايا حتى يخرج الكوميسير

سكتو كي تسناو حتى خرج الكوميسير شاف في حمزة و باه و مشا نيشان عند شرف سلم عليه و دخلو كاملين البيرو جلس و شاف فيهم

شرف:امضرى
كوميسير:مصرة انها ما دارت والو
حمزة:مي ميمكنش دير هذه الشي
كوميسير:كلشي شهد انها بغات تنتاقم منها على قبل العرس و حتى الخطوبة يعني مك مخارجاش منها
حمزة(شاف في شرف):شرف راك خويا و عشيري غير سحب الدعوة ديالك والله حتى نحل المشكل

شرف؛حمزة المشكلة مشي ديالي بوحدي البنت لي شرفها تطعن و بسباب مك مليوحة في السبيطار
حمزة (تصدم):كيفاش
شرف:كيف سمعتي

فؤاد:سي يوسف انت جارنا ولكن مراتك مدارت فيها ما يصلاح و راه شرف البنت هذاك مشي ساهل انك تظلم الواحد و تعدى عليه انا منقدرش نخلي حق بنتي يضيع لازم على مراتك تعاقب و حق بنتي يرجع و تهز راسها قدام الناس

يوسف؛ولكن
فؤاد(قاطعو):دير اللزم اسي الكوميسير

خلاهم و خرج شرف تبع فؤاد و هو عاض على شفايفو شنو هذه الزهر كامل لي عندو وقف معاهم اه ولكن منين ركع فكر يقدر يرجعها لمصلاحتو هذه هي الوقيتة لي يقدر يطلب يديها لزواج ... رجعو السبيطار و دخلو بجوج مشاو البيت بقاوها مزال ناعسة شرف بقا واقف برا حتى ولا خرج فؤاد و تنهد

شرف:سي فؤاد بغيت ندوي معاك
فؤاد:كنسمع اولدي
شرف(كي حك يديه و نطق):عارف الوقت مشي مناسب دابا ولكن انا طالب يد اكرام لزواج الا قبلتو عليا

فؤاد خرج عينيه بصدمة كبيرة و كي شوف في شرف و صدمة مشي قل من لي من موراهم