🔥 اكرام توبتي 🔥 ( الدارجة المغربية ) تيما مبارك

الاجزاء 90 و 91

🌙 رمضان كريم  🌙

        ✳ الجزء 90 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جات العشية و كلشي طبيعي رجعات ايناس و مينا بجوج من لاجونص مع 7 اما اكرام مفتحاتش هذه النهار و عارفين علاش

مشاو حلو الباب و دخلو بجوج كي ضحكو طلعو الفوق لقاوهم مجموعين من غير اكرام مخشية في البيت سلمات عليهم و جلسات

مينا:فين اكرام مزال ما جات
عيشة:راها في البيت
مينا:مالكي
عيشة:مشي البنت ندمات
مينا:علاش
نزهة:على زواج
مينا:علاش هي وافقات
نزهة:اييه وافقات
مينا(تبسمات):الله يجيب التوبة على يديها
ايناس:صلات صلاة الإستخارة
عيشة:اه
ايناس:اوا صافي توكل على الله

خلاتهم كي دويو و ناضت عندها البيت لقاتها ناعسة مشات شعلات الضو و جلسات حداها كتشوف فيها حتى خصرات سيفتها بالضو حلات عينيها و خنزرات

اكرام:قويعدتك هي هي متبدليهاش
مينا:الا ياك انا ختك صغيرة
اكرام (ضحكات):منين و انت صغيرة و انت هكدا تعقلي بابا الله يرحمو دائما كان مشاد معاك
مينا:اضوووو كي جينااا غااااليييييي ابنت الحرام طفييييه

ضحكو بجوج و تنهدات:مال خدودك حمرين
اكرام(تفوهات):غير النعاس
مينا:مزيان قالت ليا مرت عمي قبلتي تزوجي هاي هاي هاي على زاااااز عيتزوج حتى هو يدير دارو
اكرام:بركة من الطنز

مينا(كتشوف فيها):اوا مالو شرف يستاهل صرحة لي توقف معاه و مع ديك البنية خاصك غير تعرفي ليه مشي مهم يكون فايت ليه مزوج او لا المهم انه يكون معاك راجل و نص

اكرام:معيبتش عليه ا ختي سمعي نقول ليك عنداك يزغبك الله و تنوضي تزوجي دابا
مينا(خنزرات):مالكي ا ختي انت باغيا دوزي حقك و انا نبقا بايرة حتى انا باغيا لي يسرحني و نولي نقول لجيران رااااااجليييي هذا

ضحكات عليها وعلى هبالها مينا لي كتعرف عليها سمعو صوت سرسار و ناضت طلات كتشوف رقية جاية بزنافرها محكوكين و بنتها معاها دارت عندها

مينا:نوضي نوضي نوضي يالله لبسي عليك باش تنزلي
اكرام:اش كاين
مينا:ديك العقروشة جات و باغيا طلب سماحة
اكرام:مقادراش والله ا مينا حيدي
مينا:الا انا عندك عزيزة نوضي يالله

صبقاتها نزلات و خلات اكرام كتشوف ناضت بشوية عليها و حاسة بشقيقة في راسها مقادش توقف على رجليها لبسات نقابها غير بزز و نزلات التحت
🌙 رمضان كريم  🌙

        ✳ الجزء 91 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جالسة دايرة يديها على حنكها و ولدها جالس قبالتها متكي كي تفرج و يوسف كي قلب في مجموعات في الواتساب ديال صحابو

رقية:برهوشة ديرها بيا انا
حمزة:نهار الاول قلنا ليك سيري
يوسف:هي لي تليق ليك ا رقية حتى انت راسك قاصح
رقية:راه دل هذا ا يوسف
يوسف:دل غير عليك و على البنت لااا
رقية:خاصني نمشي و يدي فوق راسي

حمزة:مي البنت كدافع على شرف ختها و من حقها مكنلومهاش حيت كون وقع لسلمى نفس الشي عندير ما كثر و كون كان عندهم الراجل في الدار من غير فؤاد كون جا ريب علينا هذه الدار لقيتهم حيط قصير و قلتي نقزو عليهم ولكن خرجات ليك شوفة وقفاتها ليك

رقية:لي سمعك يقول راك عدوية ماشي ولدي
يوسف:و حمد الله يا هذه المرة راك خرجتي منها و السماحة مشي عيب
رقية: لي يستاهل

حمزة:مي شنو باغيا دابا
رقية:منمشيش
حمزة:عتمشي ا مي و الا عترجعي الحبس
رقية:اوا باااز

سكتات حيت ملقات حتى حل اما حمزة خرج من الدار و مشا القهوة كي تسنى شرف يجي لي هذه الاخير لي مشا عند السمسار دخل عندو و جلس كي حك راسو و هو كي قفقف

شرف:لقيتي ليا الشاري
***:لا مزال
شرف: في أسرع وقت خاصني الشاري لدار و القهوة
***:التمان
شرف:قل من 150 مليون الدلر منبيعهاش و القهوة 100 مليون حتى هي مكاينش قل منها إلا لقا هو يزيدني
***:راه خاصني ندخل الدار ا سي شرف هو الاول
شرف:خلي هذه الغوتة دوز بعدة و ديك الساعة تقدر تدخل
***:سمح ليا على فضولي ا سي شرف ولكن الا بعتي انت  فين عتسكن
شرف:في الحبس

***(تخلع و خرج عينيه)؛ هاااا
شرف:دير خدمتك و انت فيك كثرة الاسئلة

ناض خرج من تما و مخليه كي شوف داز على الروضة دخل ليها و مشا قبر مراتو و وقف داير يديه قدامو و كي شوف فيه قلبو معلق بيها بزاف كيبغيها لواحد الدرجة كبيرة تقولي سعداتها حتى من مور موتها مقدرش على فراقها و هذه الشي انها مشات و خلاتو تمنى كو رحعات يقتلها بيديه حيت خلاتو عايش في جحيم هو و بنتو جلس قفازي و حط يديه على القبر كي دوز على ترابو

شرف:قبرك معنجي ليها على 25 عام 30 عام و يمكن معمري نقدر نرجع ليه مزال ا لمياء شمس عتكون بيخير مع ام ليها لي تحميها و توقف معاها حتى تكبر عنتزوج بيها على قبل بنتنا ا حبيبتي كنواعدك حقك مغديش يضيع و البزناز عنجبدو من تحت الارض و نصيفطو لاين خاصو يكون

باس قبرها و ناض دار نضاضر بين عينيه و خرج مشا القهوة و هو في قمة الاعصاب ديالو