🔥 اكرام توبتي 🔥 ( الدارجة المغربية ) تيما مبارك

الاجزاء 109/110

✳ الجزء 109 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

داز داك النهار في شغال و كلشي فرحان الا شرف و اكرام او نقولو اكرام بالضبط لي تنغصات عليها فرحتها معندها علاش تلومو من حقو يبغي مراتو راه مدارش شي حاجة لي حرام مراتو حق عليه و كانت عتدير غلاط كون ما ديك الملاك لي وقفات في طريق و رجعاتها دائما ربي كي حط لينا امور في طريقنا لي كتكون لمصلاحتنا

اما شرف فكان عيحماق كل مرة يصوني ليها كتشدو العلبة الصوتية عرفها مابغاتش تدوي معاه تنهد حتى انه منين سول هبة قالت ليه كانت كتضحك معاهم ولكن عينيها بانو ليها حومر فسراتها غير بالمرضة لي دوزات داكشي علاش محكروش كاملين اما هو عرفها كانت كتبكي عرف انه ضرها كون غير تخليه يدوي معاها و يطمنها بلي معيخليهاش واخا يوقع لي يوقع لكن سدات عليه هذه الباب خلاها في الاخير على خاطرها ترتاح حتى يشوف كيف يدير

لبس كومبلي كامل و تقادد مزيان خرج عندهم كانو الدقايقية عند الباب موجدين و حتى جيران تصدمو منين شافوهم عند بابهم اش واقع هذه الشي لي قالو كي نزلو و نيشان كان حمزة حتى هو معاهم ضروري يكون مع صاحبو توجهو العندهم داخلين لدار فؤاد لي كان لابس ليك فوقية غزالة و كي رحب بيهم

سلم عليهم و دخل مد الورد لمينا و دخلو طلعو الفوقي و جلسو و عيشة كترش عليهم ما زهر و تبسم فرحانة لبنتها و شكون لي متفرحش ليهم

نزهة:مرحبا بيكم
عيشة:مرحبا و الف مرحبا

حماوها لزغاريد و صلاة على نبي و كاملين بيهم و حتى نادية معاهم شرف رجليه كي تهزو غير بوحدهم و كي دور يشوف في حمزة

حمزة:تبت ا صاحبي
شرف:انا متبت
حمزة:مباينش تقول غادي تخطب بنت ضارب معاها 5 سنين ديال الصحبة
شرف:هذه كثر والله العظيم
حمزة:اوا اش نقول ليك الله يتاويكم
شرف:نردها ليك منين تكون جالس في بلاصتي 33 عام مزال ما باغي دير عقلك
حمزة(هز راسو في مينا لي كانت جلسة و ضحك هي و هبة):اودي مكرهتشاي نكون دابا في بلاصتك
شرف:تيسر هذه الشي نخطبها ليك انا

ضرب ليه على كتفو و دار عند فؤاد كي دوي معاه و يتبسم و مرة مرة كي دور راسو جهة البيت و يعض لسانو من الداخل✳ الجزء 110 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

اما عند اكرام لي كانت في البيت غاديا جاية سمعاتهم باش جابو دقيقيا و دخلو و صداعات ديالهم واصل حتى العندهم جلسات و هي متوترة و كترعد خايفة تخرج

كانت لابسة كسيوة محجبات و و حاطة حداها خمارها كتهز يديها و كي بانو نقيش جاها كي حمق مع يديها البويضة و صنيديلة في رجليها حتى هي تنهدات و تنفسات حتى كتشوف الباب تفتح و دخلات عندها مينا و عيشة

مينا:هاي هاي على لالة العروسة راجلك جا
اكرام(عينيها تغرغرو):ماما خايفة
عيشة(باستها في جبهتها):متخافيش ا بنتي كلش عيدوز بيخير و على خير
اكرام:كلشي جا
عيشة:اخ و بغات يشوفوك
اكرام:واخا

تنفسات بعمق و مشات هزات الخمار بغات ديرو على وجها ولكن يديها كي ترعدو جات مينا عاوناتها اما عيشة خرجات عندهم فرحانة

مينا:حاساك مخبية عليا شي حاجة
اكرام:لا والو
مينا:عينيك كانو حومر الصباح واش قال ليك شي حاجة متكدبيش عليا
اكرام؛لا والله ما دوى معايا والله
مينا:بديتي تخبي من دابا هذه الشي غير مزال ما تزوجتي اما منين تزوجي عتسدي عليك بالقفولة
اكرام:منين تزوجي عتعرفي بزاف الحوايج ما علينا كملتي
مينا:بلاتي ندير ليك هذه السلهام
اكرام(خدات من عندها كضحك):هذا سلهام هاذا باز لوجهك

ضحكات عليها و خرجات غير شافوها بداو يصليو على النبي العدنان و سلمات عليهم كاملين وصلات الشرف هز راسو فيها هي عينيها مهزاتهمش فيه مدات يديها فقط شدها و زير عليها غير تزهم يشوفها لكن والو بقا شادها و هي كتسحبها بلباقة حتى نغزو صاحبو يطلق البنت اما حمزة سلم عليها من بعيد و جلسات حدا نادية

نادية:ما شاء الله عليك ا بنتي حجبك الله
هبة:جات غزالة

شرف(هز راسو فيها)

شمس(دارت و مشات عندها):ماما
اكرام(تبسمات من تحت خمارها):شموستي
شمس:اكنانتي

(مدات يديها تحيد ليها الخمار بعدات):لا حشومة خليه باش تكوني زوينة
شمس(هزات براسها)

ضحكات معاها و هزات راسها كتشوف شرف كي شوف في بنتو و يتبسم كان باين على وجهو الصدمة و شي طبيعي معمر بنتو نطقات ماما حتى تصويرة ديال لمياء مكتقولهاش ولكن اكرام تقول ليها ماما راه شي حاجة لي جاتو عجب

نادية:وقيلة ندخلو في الموضع ياك اولدي
شرف(حنحن):ايه

نادية:اوا اش نقول ليك ا سي فؤاد انت راك جارنا و مغريبش علينا راك بحال الا عايش معانا و كتعرف شرف مزيان كان في واحد الوقت بلا ما ندكروه ولكن دابا الحمد لله تبت و دار عقلو و دابا جايين طالبين يد بنتي اكرام لولدي شرف

حمزة و مينا و هبة و ايناس شادين ضحكتهم هز راسو شرف :مي كون غير خليتيني ندوي انا حسن
نادية:شحال عنخطب من مرة سكت اولدي اش قلتي

فؤاد:اوا اش نقول ليك الكلام الاول و الاخير بنتي اكرام اش قلتي ا اكرام

مكان غير صمت من عندها و شادة شمس من يديها اما شرف كي شوف فيها منطقاتش جبهتو عرقات