🔥 اكرام توبتي 🔥 ( الدارجة المغربية ) تيما مبارك

الاجزاء 151 152

✳ الجزء 151 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

قفزات منين سمعات الباب تفتح و دخل دارت عندو كان لابس شورت ديال الدار و تيشورت ديالو عاض على شفايفو هي كلها كترعد و خايفة هزات عويناتها فيه و ولات هبطات راسها كانت لابسة بيجامة خفيفة ديال الدار تيشورت و سروال ديالو شعرها جامعاه كود شوفال ووجها مدايرة ليه والو فقط مرطب لشيفاه

هز راسو شرف طلعها و هبطها و تبت شوفو في يديها و كي هزهم ليها ضحك على منضرها و زاد قرب عندها هز ليها راسها كي شوف في عويناتها

شرف:رمي الخوف من موراك واخا
اكرام(كترعد دوات و صوت يالله بغا يخرج): متوترة بزاف
شرف:مالنا داخلين الحرب
اكرام(خرجات ليها ضحيكة من جنب):لا مشي هكذا
شرف(شد وجها بين يديه):و مال شنو
اكرام(حطات يديها على يديه منين حساتو دافعها):غير غير ممولفاش بهذه الشي جديد عليا
شرف(عقد غوباشتو):انا زعمة مولف
اكرام:بعدة انت

سكتات من حسات راسها جلسات على سرير هو تبسم

شرف:اهممم كملي
اكرام:صمت و الخلعة طالعة معاها مستوطناها
شرف:انا شنو
اكرام(هبطات عويناتها كتشوفو كي قرب)
شرف:علاش سكتي انا شنووو هممم

اكرام كتشوف فيه و صمت اول مرة تلاحظو و تلاحظ ملامحو الرجولية لي باينة عليه حجبانو لي ديما قاطبهم و نيفو المنگاد و خديداتو لي حميمرين مواتيه مع صمورية لحمو شفايفو لي ما هما حومر ما هما زرقين ميلونج بفعل الگارو هبطات عويناتها و هي حشمانة منين غمزها كتشوف جسمو لي بفعل الرياضة لي كان مداوم عليها ديما معمرو خلاها حتى ماتت مراتو ميزات جسمية اول مرة تلاحضها فيه قفزات منين حسات ملمس يديه الخشنة على عنقها و قبضة يديه خلا قلبها يشعل فيه العافيا ديال بصح غمضات عينيها مستسلمة ليه بالفعل مستاعدة تسلمو راسها تسلمو روحها تسلمو حياتها الا طلبها معمرها تصورات عيجي وقت لي عتكون بين يدين شخص بحال شرف وقوفو معاها ولو ان مشاكل هو سبابها انه مخلاهاش في الوسط و يقول ليها عومي بحرك هذا هو شرف لي بين يديه راجلها و شريك حياتها و اب لولادها من بعد

اما هو ستغل شرودها فيه و بدا خدمتو كيف ما كنقولو كانت ليلة طويلة بيناتهم جو جديد على اكرام كيف قالت شرف عرف كيفاش يتعامل معاها و عرف نقاط ضعفها وراها حتى الجانب زوين فيه حنانو عليها حسات بهيبتو و رجولتو طاغية عليه يكفيها هذه الشي ليلة لي لتاحمات فيها اجسادهم كانت ليلة مليئة بالمشاعر والاحاسيس الدافية خارجة من قلب قلبهم و هذا ان كان نقولو عليه هي ليلة حب لي عتبدا بيناتهم من هذه اللحظة حب بعد الزواج لي بجوج بيهم مزال محاسين بيه غيرة وفاء تحضية عشق ابدي لي عيجمع بيناتهم لي مزال الحد الان محاسين بيه نهائيا✳ الجزء 152 ✳