🔥 اكرام توبتي 🔥 ( الدارجة المغربية ) تيما مبارك

الاجزاء 59 و 60

🌙 رمضان كريم  🌙

        ✳ الجزء 59 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرج البرا بعد ما مشا حمزة بقا كي دور من قنت القنت و كي شوف كساوي البنات صغارات تبسم و شاف وحدة لبنتو خداها ليها مع صبيبيط في البيض غزال داز خدا ليها حتى بانضات ديال الشعر و داز على الكزار خدا من عندو الملج و قال ليه يصايبو ليه طنجية فاعلة تاركة داكشي لي كان داز على الحومة و داها الفرناتشي و جلس حداه كي تسناه طيب و كي تحتت معاه و يداكر حتى طابت و خداها الدار

الجيران كي شوفو فيه تبدل مبقاش داك شرف الشمكار لي كي جي مشمكر لدار و يحيح عليهم رجع العوايدو و هنا كنكتاشفو بلي المضاهر خداعة

دخل الدار كي شوف التحت مو كانت سيق و بدا كي غوت على شمس

شرف:شمس شمووووسة د بابا شممممسسس

كانت لداخل معاها كتسيق حتى هي و تلعب بالماء غير سمعات صوت بابا خرجات عندو كتجري و كتفرنس شافها شرف فازگة بالماء و شعرها مخربق ضحك عليها

شمس(مشات عنقاتو)
شرف(حط داكشي من يديه و هزها كي بوس فيها و يعاود):حبيبة دباباها الغزالة ديالو الفنة ديالوووو نعضك نعضك
شمس(كضحك):ناح نأح بابا

نادية(خرجات عندو و تبسمات):ولدي حطها حطها راها فازكة عتفزگ ليك حوايجك
شرف:غير خليها اميمتي غير صيف كاين شي غدا بعدة
نادية:لا اولدي ما درتوش يحساب ليا معتجيش دابا داكشي علاش عطلتو انا دابا نصايب ليك تاكلسب
شرف(باس راسها):لا بلاش جبت معايا الغدا هانا

هز الطنجية كي وريها ليها:هانا و من قال انا كيف جيتيك
نادية:الله يرضي عليك
شرف؛كملي داكشي انا نمشي نجيب الخبز و المناضة
نادية:واخا اولدي
(غوتات):هبة
هبة(طلات عليها):نعام امي
نادية:هبطي عاونيني خوك حا يتغدا يالله
هبة:واخاااا

هبطات كتجري و خدات الكراطة و زادت تكمل معاها الشقى اما شرف خرج هز و بنتو و مشا الحانوت وقف و شاف فيه

شرف:خويا عبد القادر واحد 4 الخبزات 2  قراعي ديال الموناضة
عبد القادر:هي الأولى

دخل يجيبها و شرف خس بشمس كتجبد و ضحك مع عيدور عيلقا اكرام كضحك معاها شافتو خنزرات و دازت الحانوت نيشان

اكرام:خويا عبد القادر
عبد القادر:اكرام بنتي اش حب الخاطر
اكرتمغ:واحد 4 الخبزات و قرعة المناضة
عبد القادر:واخا بنتي

جاب 4 الخبزات حطهم و كرام و شرف مدو يديهم بجوج باش ياخدو الخبز مكتحط غير على بعضياتهم بجوج بيهم حسو بالضو ضربهم بعدات يديها و هي قلبها كي ضرب بالجهد معمر شي راجل حط يديه عليها من غير عمها باها و خوها صرطات ريقها و بعدات لور