🔥 اكرام توبتي 🔥 ( الدارجة المغربية ) تيما مبارك

الاجزاء 282 283ة284

✳ الجزء 282 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

ناضت من بلاصتها تكسل و تعاود دورات راسها شافت شرف ناعس في سابع نومة ضحكات و هزات شعرها كدوز ليه على نيفو و هو كي بعد عوتاني دارتها ليه حتى حل عينيه مخنزر ضحكات و ناضت جالسة

اكرام:شرف نوووض
شرف(تگعد شوية و هز راسو مخنزر):اش
اكرام:نوض بغيتك تخرجني نووض
شرف:اكرام شحال في الساعة
اكرام:عارفة يالله تفيق و تصحصح يالله نوض
شرف(حك عينيه و صغرهم فيها هو يطير عليها و رجعو لور بجوج):أجي نديرو واحد الحاجة حسن من الخروج
اكرام(ضرباتو الكتفو):حشم شوية انا راني مراتك
شرف:هاااا بصح مراتي
اكرام:شرررف
شرف: حتى انا راني راجلك الهبيلة
اكرام:كدق عليا
شرف:غير واحد غير واحد
اكرام:طيبتيني لبارح
شرف:واحد واحد واحد
اكرام:واحد صافي
شرف:صافي

ضحكات و حقو هي ما فلتات خرجات من البيت و فيها الدوخة شوية اما هو كان كي فرنس حتى الودنيه فاتها الحمام دوش و خرج كي مسح هي كانت دارت الفطور و حطاتو فوق الطبلة جلس حداها حتى كي سمعو صوني في الباب ناض طل من الشرجم كي لقا صامد دخل عند اكرام

شرف:صامد خالها ديال شمس لتحت
اكرام:مالو عوتاني
شرف(هز كتافو):عنشوف
اكرام(ناضت):انا في الكوزينة
شرف:واخا

نزل التحت فتح الباب و كان هاز في يديه ميكة السقاطة لشمس و شاري ليها شي العاب هز راسو في شرف و حك جبهتو في يديه متوتر

صامد:سلام
شرف:دخل مرحبا
صامد:واخا

دخل و طلع معاه الفوق و عرض عليه:زيد ا صامد تفطر معانا
صامد:لا بلاش عاد فطرت
شرف:مجاتش ا خويا جلس
صامد(كي دور راسو):شمس مكايناش
شرف:شمس عند دار جداتها مكايناش هنا
صامد:حيت ندوي معاك عليها
شرف(هز براسو):خير
صامد:انت مشي باها الحقيقي و مع ذلك تكفلتي ليها و حطيتيها على اسمك الله يكثر خيرك ولكن عناخد شمس نربيها في داري مع ايناس تربيها

شرف(دور راسو و ولا شاف فيه):معنديش الحق ندوي ولا نتكلم على هذه الموضوع ولكن شمس من نهار خلات عينيها عليا انا و عاشت بيناتنا و كلشي عارفها بنتي في الحومة و في العائلة و قدام القانون منقدرش نعطيها ليك ا صامد هذه من ناحية من جهة أخرى كلشي عيبقا يقولها خايفة في لمياء و هي في قبرها حتى واحد ما عيرحمها في كلام

(هز راسو):تلعب بينا كاملين و تغدرنا كاملين معنحملوش مسؤولية على بنت صغيرة نهائيا شمس بنتي غادا عتكبر و دير محفظة في ضهرها و تصيفطها و هي عارفة عندها باها لي يحميها ولكن الا ديتيها انت كلشي عيبقا يعايرها و انا مباغيش هذه الشي

صامد(سكت شحاااال و هز راسو):زعمة مراتك عتحسن المعاملة ديالها
شرف:قبل ما نتزوج بيها طرحت نفس السؤال غير سمعات شمس اسمها ولات تهترف بيها و دابا الا سمعتي الساروت في الباب عتبقا تغوت غير باسم ماما معندك مناش تخاف عليها
صامد(مسح على وجهو و شاف في شرف): بغيت نسولك سؤال و جاوبني بصراحة
شرف:شنو
صامد:مزال كتبغي ختي لدرجة انك عارف البنت مشي بنتك و قابل تحمل المسؤولية ديالها الدابا
شرف:شمس امانة من عندها عنصونها حتى توصل لدار رجلها ان شاء الله اما بخصوص واش كنبغيها دابا فعنقول ليك مكانتها في قلبي مزالة هي هي ولكن حبي لمراتي دابا حتى واحد ما يحيدو حيت ساكتة في عقلي و العقل كي سيطر على كلشي فينا
صامد:الله يكمل عليك بالخير
شرف:غادي
صامد:اه
شرف:جلس تفطرو
صامد:هو هذا عندي شي خدمة نقضيها و تابعني بزااف باش نمشي نخطب
شرف:لله يكمل عليكم بالخير
صامد:امين