🌙 رمضان كريم 🌙
✳ الجزء 63 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
رجع شرف الدار كي تلاقا مع حمزة جالس و متكي على دارهم باين عليه فرحان و عيطير بالفرحة حيت و اخيرا عياخد البنت لي باغي و معيخليهاش لشرف اما هو ما فراسو ما يتعاود شرف جاه نيشان و بلا طريق الملوية اما حمزة جاه من تلاوي و هذه الشي ميعجب حد الراجل هو لي ميخافش و جيك نيشان
شرف(جلس حداه):ياك لاباس العشير
حمزة:والو جيت نشوف صاحبي
شرف:يحساب ليا مزال مقلق
حمزة:علاش عنتقاق بالسلامة عادي ناوي الحلال مفيها عيب
شرف:ربي يخليك ا صاحبي و راك معروض
حمزة(وقف):حتى انا عندي ليك شي كلام
شرف:شنو هو
حمزة:عنتزوج
شرف(خرج عينيه):وايلي
حمزة:ايه
شرف(تبسم):و شكون طاحت عينيك عليها
حمزة(شاف في دار ديال فؤاد):اكرام بنت عيشة
(شاف في شرف لي خرج عينيه بالصدمة): الوليدة معاهم الداخل و راه كتدوي معاهم دابا
شرف بحال الا ضربتيه بطرشة الحنك بقا جامد في بلاصتو و حمزة ضحك و رتب ليه على ضهرو
حمزة:نخليك العشير
يالله عتيحرك او نقولو شرف لي ناوي يخلي دار عشتو كي سمعو صداع و الغوات خارج من دار فؤاد وقفو كي صغرو عينيهم منين فتحات ايناس الباب و خرجات عيشة رقية بالطبالة و الغياطة كي تعايرو
عيشة:شنو يحساب ليك عندي سلعة اااه و سيري حيدي من لهنا سيري
رقية:او الله بناتك لا تزوجو شوفي خبارهم يجيبوها تانيين
عيشة:بناتي هزيتهم بسناني معتجيش انت و توريني فيهم سيري حيدي من لهنا حسن ما ندير فيك شرع يدي
رقية:هاي هاي على شايبة تحل ليك الفم و جاية تطلقي علينا حلوق يالي حوازة عند نسيبك
عيشة:ابزاااف عليك لهلا يحييك حااااقيي و حبق بناااااتييييي يالي جاية طامعة فيهم
الطرح حما بيناتهم و حمزة مشا جر مو و شرف تكى على الحيط و كي تفرج في هذه الشي حتى حس بالباب تفتح و خرجات مو هازة شمس و هبة مداتها ليه و مشات تفك دخلو عيشة الداخل و هي كترعد و رقية مشات مع ولدها و هو معصب
الداخل جابو البنات الماء لعيشة و عطاوها تشرب و ايناس كتنش عليها و ضحك حيت عطاتها علاش كدور و اكرام واقفة كتشوف في مها و مينا جالسة عند راسها
اكرام:ضروري ديري ليها ديك التبهديلة
نزهة:راها تستاهل مشفتيهاش كيفاش كانت تعزل و تخير بيناتكم
نادية:كيفاش
عيشة:السيدة دخلات و جاية تعبر ليا في بناتي و تختار سلعة عندي انا
نادية:اويلي على بنت السوق
نزهة:عبرتي عليها ولكن راه بزاف والله القسم
نادية:كون كنت انا كون جففت بيها الارض
اكرام:يهديكم الله و صافي
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
