✳ الجزء 211 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
جر التاني و ربطو و دار ليه كيف الاول و بدا كي سلخو بجوج مرة مرة كي دور عندها و كي وريها كان هو متمكن عليها و عارف الگزرة خاصها تهبط كاملة منين كي دور راسو كي شوفها غادا مزيان معارفش انه منين مات باها ولات هي معتامدة على راسها مشي غير لي كتعرف تسلخ حتى مينا و زيد عليهم حتى عيشة كان خاصهم ضروري الراجل لي كي دبح كي غوتو الجار ديالهم كي جي و يدبح ليهم و يمشي هما كي تحاماو عليه و يسلخوه العام الاول طيرو فيه اللحم التاني هكداك تالت كذلك الرابع شوية و هما غادين حتى ولات الأكسدة تهبط حسن من الگزار
هبط ديالو مجا فين يكمل حتى كي لقا اكرام حلات ليه الصدرو و خرجات الدوارة تدهش و دهشاتهم معاها مرأة ديال زمان نيت
نادية(مع هبة): لمياء مكانتش تحط يديها حتى في الماء ها هي هبطات الگزرة على كملها تبارك الله حتى انت خاصك تعلمي تهبطيها ضروري
هبة(قلبات عنيها):ان شاء الله
شرف:مي هذه الدوارة حتى هي
هبة:انا نخويها ا خويا
جابو ليه الماء غسل الگزرات بجوج و اكرام كتغسل الدوارة حتى گلباتها ريحتها و مشات الطواليط لي في سطح كترد لي فطرات بيه و ترجع خرجات لقات شرف عند الباب كي شوف فيها واش بيخير غير بعينيها فهم المطلوب و رجعات عطاتها نادية تسيق السطح خير ليها سلاو قد قد نيت
شرف(قرب لاكرام و شاف فيها):شوية
اكرام:اه غير دوخاتني هذا مكان
شرف:واش دائما
اكرام:اول مرة و سلام
شرف(هز ليها براسو):دوزي نزلو سالينا الضهر علاين نشعلو المجمر و نديرو اتاي
اكرام(تبسمات):واخا هز شمس انا نهز الشبكة
شرف(دار و لقاها هازة العمود و كضرب في الكسدة):والله يا بوك أجي لهنا شمس حطي
شمس كتجري و ضحك و اكرام مشات هزات الشبكة و زادت قدامو و نادية و هبة قدامها مع خطوات جوج خطوات غلباتها الدوخة كانت عتجي في السفلي كون مشدهاش شرف من خصرها و جارها لا طيح
شرف:مال ملت مك اليوم انت
اكرام(ضحكات):مزالة غالبة عليا الدوحة ا شرف
شرف:غير بشوية عليك ا العمر زيدي
هبطو التحت و هو مدور يديه على خصرها حتى وصلو الكوزينة حطو الشبكة و حطو شمس و مشات دخلات الدوش دارت ليه الماء يسخن و حطات ليه السطل و الصابون و كيس المشطة و الطاسة باش يكب و خرجات عندو البيت كتعزل ليه حوايج
اكرام:شرف الدوش واجد حيد عليك ريحة ديال الحولي
شرف(مشا دور يديه عليها و باسها في خدها): ربي عطاني مرة كاملة مكمولة
اكرام(ضحكات):على الله تعرف قيمتها في حياتك
شرف(دورها و شاف فيها):قيمتها عاليا عتزيد تعلى منين يرزقنا الله وليد ولا بنية من صلبي
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
