🔥 اكرام توبتي 🔥 ( الدارجة المغربية ) تيما مبارك

الجزء 445

✳ الجزء 345 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جالسة كتبدل لبنتها و تضحك معاها و بنية عتموت بالضحك في فترة حملها صامد رد ليها البال و قابلها و لي حلات عليها فمها كتلقاها قدامها تفشات عليه و نفخات عليه تعصبات عليه حتى كتشوف العين الحمرة منو و بلي راها عصباتو كترطب معاه اصلا مكيتعصب حتى كي بغيو يوصلو الفراش كتلقا ليه السبة
نهار ولادتها كان عيحماق خرج فيق الحومة كاملة و هو كي غوت على فؤاد مشي يصوني كلشي خرج يتفرج نزهة كتسد ليه فمو و هو كي قول ليها كتوجع عتحط البنت دابا وقفي ليها الوجع المهم نهار ولادة ديالها شحال شبعو عليها ضحك منين قالو ليها متغوتيش توجعي بالسكات ولكن الله يسمح لينا من حق الوليدين البنية لي تزادت سماها على اسم ختو لمياء باش يعوض ولو شوية من حق ختو عليه واخا كيتها لي فقلبو مبغاتش تبرد ولكن بدا كي تناسا شوية مع ايناس و بنتو لي ولا فؤاد مقاتل معاه عليها فؤاد يهز و صامد يهز

ايناس:كتيتة ماما الغزالة ماما انا
(كتبوس رجيلاتها):ها حنا دوشنا انا و بنتييي و ولات ريحتك كيف المسك ما شاء الله عليك الغزالة ديالي
لمياء:با با با
ايناس:عاودي شنو باباك كتخرجي باباك بغيتي باباك ها هو عيجي بلاتي نشوفو

هزات تيلي دوزات الخط و كتدوي:الو بابا شوف لمياء كتسول عليك
صامد:الو
ايناس:الو بابا فينك الحبيبي ديالي
صامد(حبس لوطو حدا باب الدار):انا التحت احبيبة بابا
ايناس:صامد
صامد:الحبيبة ديالي نجيب ليك شي حاجة من عند الحانوت
ايناس:سقاطة تشيبس و مكسرات نسهرو هذه ليلة الجمعة
صامد(فرنس):هي الأولى خرجي ليا لمياء نديها معايا
ايناس:واخا انا هابطة

هزاتها دارت ليها كسيوتها و خرجات عندو هو هزها اما لمياء كتلعب برجليها في الخوة دخلات و هو زاد حتى الحانوت خدا ليها في طريق علاقة بنزهة هزات لمياء كتضحك معاها و تلعب حتى وصلو الدار مد ليها حقهم حتى هما واخا مابغاتش ولكن شدات في الاخير مدات ليه لمياء و مش دخل لقاها لابسة شورت و تيشورت مفسحة في الدار كيف بغات و كتحك العشاء فوق الطبلة حط لمياء و دخل بدل عليه و خرج كي لعب معاها

صامد:شفتها كضحك
ايناس:دوشت ليها بردات من هذه الصهودات
صامد:مبقيتيش تبكي منين كتبكي هي
ايناس:و صافي مضحكش عليا راه عادي مكنعرفها علاش كتبكي أجي جلس نجيب الماء
صامد:عشاها
ايناس:درت ليها الصوبة

جابت و حطاتها هو جلس بدا ياكل و يعطي الايناس تاكل طل:متنعسيهاش دابا باغي لعب معاها شوية
ايناس:شوف شوف عويناتها كي تلسقو بالنعاس في اصباح نوض غادا انا مكتخدمش لعب معاها
صامد(باس يدين بنتو و هز راسو):عنديكم لطنجة سيمانة الجاية نتبحرو تما و منها نساريكم و نرجعو
ايناس:بصح
صامد:ضروري نتبحرو شوية
ايناس:الله ا صامد شحال فرحتيني
صامد:نعسات
ايناس:نحطها و انا جاية حيد المخدة من بلاصتي

مشات البيتها حطاتها فيه و قاداتها حلات ليها الشرجم باش تبرد شوية من الصهد و خرجات فرقات ليه رجليه و جات جالسة الوسط كتاكل معاه و هو كي وكلها بيديه شوية سمعو الدقان في الباب ستغرب و هو ينوض مشا الشرجم طل كي شوف فؤاد ونزهة هازين في يديهم شي حاجة مغطية دخل عندها

صامد:تستري
ايناس:شكون
صامد(كرز عليها):باااااااااااكككككك
ايناس:ناااريييي ا صامد ولا فاقصك
صامد(نازل من دروج):حيييت بااااك ا عباد الله باااااااااك صااااااابر لييييه اما ميعتبش باب داريييي

(فتح الباب و هو يشوف في نزهة):مرحبا بنسيبتي
فؤاد:حيد فين لمياء

دخل و نزهة كتحرك راسها بلا حولة مشا الداخل كي قلب بعينيه على لمياء عاد دخل البيتها لقاها مسيكينة ناعسة تعز عليك تفيقها تحنا باسها و خرج عندهم صامد كي حك لحيتو و كي شوف فيهم بنص عين