🔥 اكرام توبتي 🔥 ( الدارجة المغربية ) تيما مبارك

الاجزاء 183 184

✳ الجزء 183 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

منين قالتها ليه خنزر فيها و زاد مع معاها بدون ما يدوي و هي كتدور تشوف في البنت تغاضات عن الموضوع حيت في الزنقة تزوجهو باش تاخد حويجات داكشي لي كان شراتهم و هو خلص عليهم و عاد رجعو بحالهم الدار غير وقف دار عندها و دور

شرف:سيري الدار انا جاي
اكرام:واخا

شدات شمس من يديها و مشات هو مشا قااصد قاسم غير وقف عليه عطاه جوج تمرميقات و مد يديه:طلع ديك 300 يالله
قاسم:اشمن 300
شرف(ظاه و جابو):يا عطلع الفلوس ولا عنخمج لمك وجهك
قاسم(قفز):لا لا الله يرحم باك لا ا شرف ها هما

مدهم ليه شرف خداهم داه و جابو:نهار لي نشوفك كتبيع شي حاجة في هذه السيكتور نصفيها لوالديك الكلب سمعتيني
قاسم:اه اه ا خويا شرف اه
شرف(رخاه):سير تق ***

رماه و مشا دخل الدار طلع شاف في هبة و مد ليها فلوسها و دخل عند اكرام لي كانت جالسة كتجمع دوك الروينة لي دارت حتى وقف عليها

شرف:مال مك انت على كلام الناقص قبيلة
اكرام(شافت فيه):سول راسك انت علاش كنتي كتوشف فيها
شرف:مشفتش فيها
اكرام:كنتي كتشوف فيها
شرف:قلت ليك لا ا اكرام

في حين هما كانو كي دويو هبة حاطة ودنيها على الباب تسمع ولكن والو تقول واش سمعات شي حاجة اما اكرام كانت جامعة يديها عندها و مخنزرة

اكرام:اصلا انت كنتي حال فمك فيها
شرف:وقيلة خاصني نعاود ليك التربية
اكرام:و مالك مكنتيش كتشوف فيها
شرف:ها حنا بدينا في الغيرة عوتاني
اكرام:مكنغيرش
شرف:اوا الا مكتغيريش دوزي حطي لينا نتعشاو
اكرام:هذه الشي فاش فالح

سكتات شحال و هي. تدوي مهبطة راسها: زوينة هي عليا ياك
شرف(شاف فيها و ناض عندها):وقيلة عنبدا نفشش فيك
اكرام:و جاوبني
شرف:واش لي عندو بلارة في الدار صوتها مكترفعوش على راجلها عيشوف في كاسيات العاريات لي في الزنقة

عنقها و هي ضحك شوية جمعاتها و بعدات عليه:اصلا واخا تقلب متلقاش بحالي و معتلفنيش بهذه الكلام ديالك يالله ا شرف

خرجات و سدات الباب هو تلاوح فوق السرير راد يديه تحت راسو و نطق :هذه اكيد بدات تبغيني مفيهاش مغيارة ديالي

ناض تگعد من بلاصتو و مشا هز الريدو و خلا البيت يتهوى خرج يتعشى و هما مكيدويوش اما هو ناض سد عليه الباب و بقا كي شوف في واحد الركنة شحال و هو يمشي الماريو جبد لي خاصو
اكرام جمعات الدنيا و بدأت تعطل على باش متمشيش عندو و تلقاه نعس غير وصلات حلات الباب بشوية كتشوف ضو خافت في البيت ستغربات غير حلاتو تحلو عويناتنا معاهم