🔥 اكرام توبتي 🔥 ( الدارجة المغربية ) تيما مبارك

الاجزاء 57 و58

🌙 رمضان كريم  🌙

        ✳ الجزء 57 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

وصل الحبس و عطاهم ورقة و دخل الداخل تابع البيخيلانتي حتى الداخل توحه الواحد القاعة عامرة كلها كراسة و طبالي ختار واحد الوسط و جلس عليه و هبط راسو كي حك شعرو و يفكر في هذه الحريرة لي واقعة ليه دابا شنو خاصو يدير و كيفاش عيقنع اكرام تزوج بيه عندو شهر واحد على كملو ضروري ما خاصو الحل لهذه المشاكل

سمع الباب تفتح و دخلات سميرة مخنزرة و عينيها زرقة باينة ناضت شي كونبة الداخل مشات جلسات و هي مخنزرة فيه

شرف(كي شوف عينيها):يعطي الصحة لي عطاك هذه القتلة ديال العصى
سميرة:مكانش يحساب ليا راك شيطان في صيغة انسان
شرف:مقبولة منك ا ام مراتي
سميرة:علاش جيتي
شرف(تكا):جيت نطل على نسيبتي كيف دايرة و نعرض عليها العرسي
سميرة(عقدات غوباشتها):اشمن عرس
شرف:انا و زينة البنات
سميرة(باستهزاء): صافي بنتي على حقيقتك نسيتي بنتي بهذه السهولة
شرف:كلشي على قبل بنتي يهون و بنتك هي لي سمحات فينا

سميرة:دارت هاكداك حيت كتبغيك
شرف(زير على يديه):كون ما انتوما لي بززتو عليها داكشي كامل كون مراتي دابا حدايا
سميرة(سكتات لوهلة و لا نطقات):دابا شنو خاصك باش تخرجني من لهنا

شرف(كي شوف فيها):غراضي باين و واضح عتجيبي ليا قليل العفة لي خدام معاه العرج عتخرجي من لهنا
سميرة:راه كبير البزنازة معتقدرش عليه
شرف:ديها في راسك و مشغلكش فيا هذاك شغلي انا
وقف:بالله يطلق سراحك

غمزها و ناض كي قاه الكوير ديالو و خرج من تما كي حك شعرو فين ما يتفكر كي تغدد تغدااااد و كيبغي يفصل بنادم على جوج و هذه الشي لي كي دور ليه في الدماغ دابا

مشا القهوة غي الكليز فين دار معاه حمزة دخل كي قلب لقاه جالس مشا جلس حداه و كي لعب بسوارت ديال الدار

حمزة:شرف مالك
شرف(كي شوف فيه):والو غير صداع ديال الخدمة و الدعوة كلشي مخروض
حمزة:اش واقع
شرف:المحامي قال خاصني نتزوج باش تزيد نتبت القضية
حمزة(كي شوف فيه):اوا شكون هذه لي عتختار
شرف(شاف فيه و تبسم جنب):اكرام بنت عيشة
حمزة(بقا كي شوف فيه):مسمعتش مزيان شكون
شرف:اكرام بنت عيشة
حمزة(خرج عينه):شرف كتضحك معايا
شرف:لا مكنضحكش داوي بالمعقول
حمزة:البنت لي حاط عليها صاحبك العين ياااك
شرف:حمزة انت صاحبي و عشير عمري ولكن انا في وقت المعقول و انت عارفني
حمزة(زير على يديه بالفقصة):فوقاش عتمشي تخطبها
شرف:عندوي مع الوليدة اليوم
حمزة(غصة في حلقو صرطها):مزيان هي عتقبل
شرف:داك النوع كي قلب غير لي سترهم
حمزة(دور راسو معاجبوش الحال):مزيان الله يكمل بالخير
شرف(رتب ليه على ضهرو):هذا هو المضنون فيك

تبسم و خدا كي شرب القهوة اما حمزة كي صرط و دايزة ليه من لحلق معگودة منين كملو الحتيت غير بزز شرف ممسوقش ناض جمع الوقفة و مشا الدارهم دخل و زدح الباب و مشا جلس كي حك راسو حتى خرجات عندو رقية🌙 رمضان كريم  🌙

        ✳ الجزء 58 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

رقية عقدات غوباشتها و كتشوفو معصب و معاجبو حال غير الصباح كان ناض راشقة ليه فطر  و خرج كي ضحك دابا داخل معصب

رقية:مالك اولدي
حمزة(شاف في مو):وقيلة عندك الحق
رقية:فاش
حمزة (تبسم):كبرت و خاصني المراة لي تكون معايا
رقية(ضحكات):اوا هذاك هو نهار الكبير
حمزة:اه امي
رقية:هي نختاروها من العائلة
حمزة(وقف و دار يديه في جيبو):لا مشي العائلة
رقية:علاش
حمزة:كي قول ليك بعد من دمك لا يطليك
رقية: حاط العين على شي وحدة قول ليا شكون هي
حمزة:اكرام
رقية:شكون اكرام واش بنت لالة مليكة غزااالة ديك البنت
حمزة:لا مشي هي
رقية:هي اكرام المعلمة لي كتقري في المدرسة حتى هي قارية و واعية
حمزة:لا امي مشي هي
رقية:و شكون غير هذو هما لي كاينين عندنا في الحومة
حمزة:لا اكرام بنت عيشة مرات خو سي فؤاد

رقية غير قالها ليها ولا وجها حمر حمر حمر عقدات غوباشتها و خنزرات في ولدها و حمزة كي شوف فيها كيفاش تبدل فيها اللون

حمزة:مالك

رقية:ملقيتي غير مولات الحوايج ااااه الحومة كاملة عامرة ببنات تبارك الله عليهم قاريات و واعيات و انت باغي ليا لي تضل تبيع حتى ليل تلقا حتى الباك معندهااااش
حمزة:مكهمنيش تكون قارية او لا لي كي همني هما اخلاقها
رقية:هدوك هما لي تخاف منهم ا حمزة حيت هدوك كي كونو مكيسواوش مخبيين تحت داك النقاب لي دايرين ميغركش المظاهر شوف غير ختها اشنو دارت ليا لبارح

حمزة:انت مشكلتك مع ختها انت لي جنيتيها على راسك علاش كتصوري البنت دارت لي يصلاح امي و اكرام منها نخلاق

رقية(حطات يديها على راسها):الله يا سيدي ربي فين كان مخبي ليا هذه المكتوووووب فييييين بنات عيشة خرجو عقل الدريييي

خرجات سلمى كتجري كتشوف مها جلسات على سداري و ترد الروح و الفقصة طالعاها

سلمى: مالها
رقية:خوك خوووك الالة خوووك باغي ليا بنت عيشة
حمزة(خافظ قوالب ديال مو):اليوم في العشية عتمشي تخطبيها ليا ولا عنوض عليك القيامة هنا

خرج من تما و مخلي رقية عتاكل جنابها بالفقصة و الغدايد معارفاش ان ولدها دارها ضد في شرف لي مفكرش في صحبة ديالهم و عارفو حاط عليها العين و بهذه التصرف راه عتهرس الصداقة و الإخوة لي بيناتهم