🔥 اكرام توبتي 🔥 ( الدارجة المغربية ) تيما مبارك

الاجزاء 223 و 224

✳ الجزء 223 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

اكرام تبسمات و هي كتشوف تصاورو معلقين و خصوصا لي عندو في الرياضة و الكورة مع الدراري بقات متسرح عينيها حتى كتختافي و تجي في بلاصتها صدمة توجهات الكوافوز و هزاتو بقات تشوف فيه اما هو مشا عندها و دور يديه عليها كب فك ليها الرباط النقاب باش تنفس هزات يديها و حيدات العباية في خطرها و حطها و جلسات كتشوف في التصويرة

اكرام:امتى خديتي هذه التصاور
شرف (مبغاش يتفارق معاها):خديتهم لمراتي باش خرجنا الكتبية
اكرام:شكون صورنا
شرف:المصور
اكرام:علاش مقلتي ليا والو
شرف:ناااري كثرت الأسئلة
اكرام(تبسمات بفرح):اول صورة ليا و ليك كنلقاها في الدار

(شافت فيه):هذه البيت
شرف؛ديالي باش كنت عزري ديال راسي كنت عايش فيه و منين تزوجت خليتو و مشيت الطبقة التالتة عييت في الواليدة نبيع الفراس مخلاتنيش
اكرام(ضحكات):دكريات العزوبية
شرف:انت
اكرام(ضحكات):انا كنت نعس في صالة
شرف(دوز على خدودها):عارفة انه انت اول وحدة دخل ليه من بعد الوليدة و ختي
اكرام(شافت فيه):زعمة انني نلقا تصويرتي معاك في هذه البيت شي حاجة لي مميزة
شرف:غير الا مبغيتيش تفهمي انك مميزة عندي

ناض وقف:باب الفصيل عنسدو و عنمشي نجيب ليك الباربة و اليمون نطحنو ليك متفتحي على حد شدي راحتك الا قديتي تبدلي بدلي الا مقديتيش خلي حتى نجي و نبدل ليك صافي
اكرام(هزات براسها):واخا

تبسمات ليه باس راسها و خرج اما هي ديك الابتسامة تقلبات ليها لحزن ناضت جمعات الوقفة بشوية عليها و دخلات الحمام دوشات اول حاجة و خرجات مشات البيت لبسات شي حوايج باين ان نادية لي جابتهم حيت عارفة الدار عتبقا عامرة و طبع شرف اكيد معيبغيهاش تعدب في القيل و القال لبساتهم و لبسات عبايتها و قلبات على ايزار نقي و صلاة صلاتها هي الأولى

اما شرف كان خرج السوق حتى وصل ليه كي قلب و يعاود يلقا ليها الباربة غير تعاونها شي شوية وقف مع مول ليمون في هذه اللحظة مشي غير هو لي وقف انما شخص تاني لي وقف مع عيدور رسو كي تلاقاو ريوس بجوج
تخنزير كاين و الاحساس بالغضب تجمع ولكن البزناز كان كثر من شرف حيت شرف الغصب ديالو بدا يطفى شوية بسباب مرض اكرام اما داك الكيلو لي حداه و كان شرف هذا زمان عتجيه الرأس نيشان يصيفطو لقبر

اما البزناز السيف تحت حوايجو عوال على شرف حتى قرب ليه و خنزر و نطق:عند مك الزهر لقيتيني مشي في گانت البزناز عندي ما هو اهم اما نوريك كيفاش تبيع ختك لعرج باش تبيع ليك الحشيش ولكن مزال عنتلاقاو غير بلاتي✳ الجزء 224 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

حتى كان عيجبد السيف و يضرب بيه شرف راه كان ناوي يفصلو في السوق تفصال ولكن غير سمع كلامو خنزر اما شرف زاد بحالو حتى دخلو الدريبة و هو عارفو تابعو بجوج بنية الجسمانية ديالهم قوية و واحد ما يقدر يتغلب على تاني و كون ناضت في سوق حتى واحد ما يقدر يفك عقد غوباشتو شاف فيه و نطق كي غزز سنانو

البزناز:عاود اش قلتي
شرف:كيف سمعتي ا بياع ختو
البزناز:انا ما بعت ختي ولا بغيتها تدخل في هذه الشي كامل لي انا فيه
شرف:سير سول مرات باك تقول ليك شنو لي خلا ختك تنتاحر في دارها
البزناز:واش باغي تسطي مي كيفاش ختي نتاحرات كيييفااااش
شرف:ختك شربات الدوا و ماتت عرفتي علاش انا نقول ليك حيت لعبو عليها كلاو ليها دماغها لحسوه ليها دماغها لقاوها نية و مكتدوي ما كتخرج لي فقلبها كون نلقا معاها حل
البزناز(شنق عليه):هي نتاحرات تنوض انت تزوج عليها و تجيب لي يربي ليها بنتها
شرف(نفض ليه يديه):مشي  شغلللك داكشي شغلي انا انا لي عندي الحضانة انا لي باها انا لي مسؤول عليها اللهم تربا مع مرة تبغيها ولا تربا مع مرة تخلي مصيرها كيف مصير مهااااا

زاد بحالو و خلاه الدم كي فور في البزناز رجع الدار و هو مخنزر مزال ما بردات ليه كان ناوي ينوضها معاه ولكن تفكر اكرام لازم عليه يكون معاها عارف ان الوجع لي عيدوز عليها مشي ساهل و مشي من مصلاحتو يتصرف دابا اما البزناز جمع يديه و زاد كي حك نيفو من الداخل بكلينيكس شي حاجة تما مكايناش ربي منين كي بغي ياكل بعبادو كلمة وحدة قادرة تبعد الشر من عليك

وصل الحومة لي فيها سميرة و دور وجهو كي شوف هنا و هنا العرج و ولدو راهم في الحبس و اللعبة دايرة عليهم بجوج و داخلة في الخط حتى سميرة و بنتها هذه الشي لي خلاه ميقدر ستيف حتى واحد و حتى شرف و لا لي زاد أكد ليه انه كان ناوي ليه على خزيت و ناوي يصفيها ليه هو لي عندو الحق يصفيها شرف مشي هو اش كاين هو مفراسوش اش كان هو معارفوش

مشا ركب في لوطو ديالو في راس الدرب و كي حك راسو و عينيه عاقدهم كي غزز في سنانو من الداخل ديمارا لوطو و صونا ليه تيلي شافو و دوز الخط عيشد طريق لگيليز

***:ا فاين ا با صامد فين شادها
البزناز:غادي الگيليز
***:المهم المحال هو هداك راني شفتو تقدر تبدا فيه و تحط فيه السلعة
البزناز:شحال قال ليك
***:5000 درهم تسبيق هو الاول لهذه نص شهر و الشهر الجاي و من بعد كل شهر 3000 درهم
البزناز:علاش مالو حاسب ليك 2000 درهم على هذه نص شهر
***:هذه الشي لي قال ليا
البزناز:عطيه 1500 درهم في هذه نص شهر
***:راه بقيت انا وياه على غوات تقول عيزوجني بنتو بزز باش خلاه 3000 درهم ا صاحبي و انت عاجبك المحال توكل على الله
البزناز:انا ندوز البانكة و نصيفطها ليك صيفط ليا سميتك و كنيتك

قطع و رما تيلي داز البنكة و راسو مرونة جبد الفلوس و كي قلب على شي حاجة باش يصيفطها ليه خصوصا ان البنكات سادين