🔥 اكرام توبتي 🔥 ( الدارجة المغربية ) تيما مبارك

الجزء 31و32

🌙 رمضان كريم  🌙

        ✳ الجزء 31 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

مع 3:30 ناضت وجها حمر و كلها عرقانة هزات تيلي تشوف مكتلقاش ختها صونات ليها نهائيا تنهدات و دخلات الواتساب و صيفطات اوديو

اكرام:مينا ختي خلعتيني عليك ما صونتي ما والو مقلتي اش درتو

حطاتو من يديها و ناضت دخلات الكوزينة دارت الماء يسخن و خرجات الدروج و غوتات

اكرام:مييي

لا رد

اكرام:خالتي

لا رد

رحعات هزات تيلي و صونات لمها شوية و هي تجاوبها:مي فين مشيتو
عيشة:انا عند نادية ا بنت شفتك ناعسة مبغياش نفيقك
اكرام:اوا مزيان سلمي عليها
نادية(خدات تيلي من عند عيشة):أجي ا بنتي جلسي معانا مالك عتبقاي بوحدك في الدار
اكرام:بلاش ا خالتي مرة أخرى
نادية:واش بغيتي نتقلق منك سربي أجي راه كنتسناوك
اكرام(حشمات):واخا ا خالتي

قطعات تيلي و مشات هزات الماء لي سخن و دخلات الحمام كباتو في السطل و جابت الفوطة و سدات الباب عليها حيدات حوايجها وجمعات شعرها الفوق باش ميتقاصش بالماء دوشات غير لحمها و خرجات من تما نشفات داتها و مسحات ببومادة بيطانها و لبسات حوايجها و خرجات من تما نزلات هزات سوارت الدار  و توجهات  لدار نادية يالله بغات دق لقات الباب مفتوحة يحساب ليها خلاوها ليها هما و في نفس الوقت كتكتب لختها

شرف نازل مع الدروج وكي شوفها داخلة حانية راسها كانت كتصيفك ميساج لختها انها عند دار نادية يطلو على شمس مع الهزة اي عتهز راسها كتشوف شرف قدامها تخلعات و رجعات لور هو خنزر

شرف:شفتي بوعو
اكرام(حركات راسها بلا)؛مشفتكش سمح ليا
شرف:حيدي ندوز
اكرام(خرجات عينيها):اممم
شرف:حيدي من قدامي و انت فيك غير العينين دوزي لهيه

خوات ليه الطريق هو فتح الباب و خرج بقات صاقلة و كتفكر حطات يديها على عينيها اما هو سمعها اش قالت: خاصني ندير السدل باش ميبقاوش يبانو

شرف:هذه ناوية تغلف كلها

زاد خلفة مع الطريق اما هي طلعات العندهم الفوق شافتهم مجموعين تبسمات و مشات سلمات على ندية و هبة و طلعات الخمارها من على وجها و ببتسامة مشرقة و هما كي دويو و يسولو فيها شمس كتجبد باغيا تمشي عندها

نادية:غير سمحي ليا ابنتي على لي دار ولدي معاك راه مكعرفش يهضر والله الا راني حشمت
اكرام:عادي اخالتي مديريش في بالك غير الخلعة على شمس كثر من كلشي
عيشة:بنت مكديرش في خاطرها ا ختي نادية
هبة:اكرام قهوة ولا اتاي
اكرام:قهوة
عيشة:عوالة تشدي ليل
اكرام:و خليني ا مي
نزهة(ضحكات):خلي عليك البنت ا عيشة
عيشة:ها انا ساكتة
نادية:فين هي ايناس و مينا
عيشة:راهم مشاو كي دورو يشوفو بانكات على قبل داك المسعور
اكرام(ضحكات هي و هبة):المشروع ا مي المشروع
عيشة:ما نعرف لباباه